Lipesalema 40 - Bibela ea Boitsépho 1890 (Sechuana Tlhaping - Moffatt Bible)

PESALEM 40.

¶ Pesalem ea ga Davide, go Mooperi eo mogolu.

¹ KI lebeletse Yehova ka bolele, mi a itsekegela go ’na, mi a utlua pico ea me.

² O ’ncuabotse mo moleteñ oa tsenyego, le mo seretseñ se se moraga; mi o emisitse nao loa me mo hikeñ, mi o tlomamisitse likhato tsa me.

³ Mi o ’nneile sehela se sesha mo molomoñ oa me, eboñ pako Morimoñ oa rona. Bantsi ba tla bona, mi ba boihe, mi ba ikanye Yehova.

⁴ Go tsegaharicoe monona eo, eo o rihañ Yehova boikanyo yoa gague; le eo o sa reñ babopeluumpe sepe, le ba ba hapogelañ maka.

⁵ Yehova, Morimo oa me, tiho tsa gago tsa khakhamaco tse u li rihileñ li lintsi, le maikaelelo a gago kaga rona; ga u kake ua a baleloa ka thulaganyo; ha ’nko ki a bulela le go a bua, a mantsi bogolu go ka baloa.

⁶ Cupelo ea tlabo, le cupelo ea liyo, ga ua ka ua e eletsa, u phuntse tsebe tsa me; cupelo ea phisho, le cupelo ea boleo, ga ua ka ua e lopa;

⁷ Eriha gona ki le ka re, Bona, kia tla, mo momenoñ oa buka go kuarile ga me:

⁸ Kia itumela go riha go rata ga gago, Morimo oa me; mi molao oa gago o teñ ga pelu ea me.

⁹ Ki rera tsiamo mo phuthegoñ e e kholu; bona, ga ki thibe lipounama tsa me; Yehova ua itse mouo.

¹⁰ Tsiamo ea gago ga ki e hitle mo teñ ga pelu ea me; ki bulela boikanyo yoa gago, le puluko ea gago; ga ki bipe tsalano ea lorato ea gago, le boamarure yoa gago, mo phuthegoñ e e kholu.

¹¹ Si thibe boicuarelo yoa gago go ’na, Yehova; a tsalano ea lorato ea gago, le boamarure yoa gago, bo ’mpuluke ka go bisa go khutla;

¹² Gone mashula a a sa baloeñ a ’ntikanyeritse; tsiamololo tsa me li ’ntlamparetse, ebile ki reteleloa ki go leba; li lintsi bogolu go meriri ea tlogo ea me; ki gona pelu ea me e ’ntlogetseñ.

¹³ A go gu khatle, Yehova, go ’nkholola; Yehova, akoha u ’nthuse.

¹⁴ A ba tlayoe ki litloñ, ba siloharioe mogo, ba ba batlañ moea oa me go o senya; a ba thibeloa kua morago, ba tlayoe ki litloñ, ba ba ’nkeleletsañ boshula.

¹⁵ A ba ropeharioe go na tuelo ea litloñ tsa bona, ba ba reñ kaga me, hoiha! hoiha!

¹⁶ A ba ba gu batlañ botle ba itumele, ba tlapeloe mo go uena; a ba ba ratañ puluko ea gago, ba re ka go bisa go khutla, A Yehova a rihoe mogolu.

¹⁷ Mi ’na, ki khumanego le botloko; mi Yehova oa ’nkhopola; u thusho ea me le mogolori oa me; u si riege, Morimo oa me.