Lipesalema 38 - Bibela ea Boitsépho 1890 (Sechuana Tlhaping - Moffatt Bible)

PESALEM 38.

¶ Pesalem ea ga Davide go goporisa.

¹ YEHOVA, si ’mpuele mo bogaleñ yoa gago; mi u si ’nkoatlaee ka bogale yo bo tukañ yoa gago.

² Gone mecui ea gago e ’ntsepame: mi atla sa gago se ’nkhateletse.

³ Ga go boitekanelo bope mo nameñ ea me, ka eintla ea bogale yoa gago; le gona ga go pholo mo meleñ oa me, ka eintla ea boleo yoa me.

⁴ Gone litsiamololo tsa me li ’nkhurumeritse; lintse bokete bogolu go ’na, yaka pelesho e e bokete.

⁵ Likuenesho tsa me lia eñkha, mi li borile, ka eintla ea bosilo yoa me.

⁶ Ki koname, ki obegile segolu; ka tsamaea ka tsatsi yeotle mo khutsahaloñ.

⁷ Gone lotheka loa me lo tletse mogote o o botluku mi ga go boitekanelo bope mo nameñ ea me.

⁸ Ki kooahetse, mi ki thubaganye segolu, ki rumisioa ki go bisa go ikhutsa ga pelu ea me.

⁹ Yehova, keleco ea me e ha pele ga gago eotle; le liphegelo tsa me ga lia shubega ha pele ga gago.

¹⁰ Pelu ea me ea opaopa, thata ea me e ’ntlogetse; mi leseri ya maitlo a me le yeona ga leeo go ’na.

¹¹ Ba ba nthatañ le litsala tsa me li emela peco ea me khakala; mi bañ ka ’na ba emela khakala.

¹² Le bona ba ba batlañ botselo yoa me ba ’mpeela liru: ba ba batlañ tsenyego ea me ba bua litsenyo, mi ba gakologeloa maherehere ka tsatsi yeotle.

¹³ Mi ’na, yaka eo o sa utlueñ, ga ki utlue; yaka eo o sa bueñ, eo o sa buleñ molomo oa gague.

¹⁴ E, kintse yaka monona eo o sa utlueñ, le eo molomo oa gague go si nañ lipuelo mo go ona.

¹⁵ Gone ki shuluhela mo go uena, Yehova; u tla araba, Morena, Morimo oa me.

¹⁶ Gone ki bua, gore e si re khotsa ba itumela kaga me; mogañ nao loa me lo relelañ, ba belahala kaga me.

¹⁷ Gone ki ikitleleritse go tlotsa, mi bohutsana yoa me bo ka gale ha pele ga me.

¹⁸ Gone kia gu itsise tsiamololo ea me; ki hutsaharicoe ki boleo yoa me.

¹⁹ Mi baba ba me ba matsetseneko; ba thata; ba ba ’nkilañ ka tsiamololo ba ntsihetse.

²⁰ Ba ba ruelañ molemo ka boshula, ki baganetsi ba me, gone ki le mo-lateri oa se se molemo.

²¹ U si ’ntlogele, Yehova! Morimo oa me, u si ne khakala go ’na.

²² Akohela go ’nthusa, Morena, puluko ea me.