Lipesalema 36 - Bibela ea Boitsépho 1890 (Sechuana Tlhaping - Moffatt Bible)

PESALEM 36.

¶ Pesalem ea ga Davide, motlañka oa ga Yehova, go Mooperi eo mogolu.

¹ TLOLO ea moikepi ea re, mo peluñ ea me, Ga go poiho ea Morimo ha pele ga maitlo a gague.

² Gone o ipaka mo maitloñ a gague, bogolu go bona tsiamololo ea gague e ilega.

³ Mahuku a molomo oa gague a tsiamololo le tsieco; o tlogetse go na botlale le go riha molemo.

⁴ O loga mano a tsiamololo mo bolauñ yoa gague; o ikemisa mo tseleñ e e siñ molemo; ga a ile boshula.

⁵ Yehova, boicuarelo yoa gago bo kua magorimoñ; boikanyo yoa gago bo hitla kua maruñ.

⁶ Tsiamo ea gago e cuana le lithaba tse ri kholu; tsekisho tsa gago ki boteñ yo bogolu. Yehova, u buluka bathu le tse ri tserileñ.

⁷ Morimo, tsalano ea lorato ea gago e ratega yañ! Mi bana ba bathu ba ikanya mo murutiñ oa liphuka tsa gago.

⁸ Ba khorisioa ka monono oa eintlu ea gago; mi u ba nosa ka molapo oa linateho tsa gago.

⁹ Gone mocoeri oa botselo o na nau; re bona leseri mo seriñ ya gago.

¹⁰ Coeleletsa tsalano ea lorato ea gago go bona ba ba gu itseñ; le tsiamo ea gago go bona ba pelu li tsiamo.

¹¹ A lonao loa bopeluumpe lo si tle go ’na; mi a atla sa moikepi se si ’ncutise.

¹² Basiamolori ba ole; ba rigiloe, mi ga ba nonoha go coga.