Lipesalema 34 - Bibela ea Boitsépho 1890 (Sechuana Tlhaping - Moffatt Bible)

PESALEM 34.

¶ Pesalem ea ga Davide ka a hetola mokhua oa gague ha pele ga Abimeleke; eo o mo lele-kileñ, mi a tsamaea.

¹ KI tla baka Yehova ka metla eotle; pako ea gague e tla na ka gale mo molomoñ oa me.

² Moea oa me o tla belahala go Yehova; ba ba bogisioañ ba tla utlua, mi ba tla itumela.

³ Rihañ Yehova segolu le ’na, mi a re goriseñ leina ya gague mogo.

⁴ Ki le ka batla Yehova, mi o la ’nkaraba; mi a ’nkholola mo poihoñ tsa me cotle.

⁵ Ba mo leba, mi ba bonesioa; mi lihatlogo tsa bona, ga li tlayoe ki litloñ.

⁶ Mohumanegi eo, o la a bitsa, mi Yehova a utlua; mi a mo golola mo tlaleloñ tsa gague cotle.

⁷ Moengele oa ga Yehova o ipakanya eintleñ cotle tsa ba ba moihañ, mi a ba golola.

⁸ Lekañ, lo bone ha Yehova a le molemo; go tsegaharicoe monona eo o mo ikanyañ.

⁹ Boihañ Yehova, lona baitsephi ba gague; gone ba ba moihañ, ga ba na botloko.

¹⁰ Litauana lia tloka, mi lia utlua tlala; mi ba ba batlañ Yehova, ga ba tloke sepe sa molemo.

¹¹ Eintloñ, bana ki lona, lo ’nthetse; ki tla lo ruta poiho ea ga Yehova.

¹² Monona ki ohe eo o eletsañ botselo, eo o ratañ malatsi, gore a bone molemo?

¹³ Thiba loleme loa gago mo boleoñ, le lipounama tsa gago mo go bueñ tsieco.

¹⁴ Tlogela boshula, mi u rihe molemo; batla kagisho, mi u e come.

¹⁵ Maitlo a ga Yehova a mo go basiami; mi tsebe tsa gague li atlametse pico ea bona.

¹⁶ Sehatlogo sa ga Yehova se go ba ba rihañ boshula, go khogola khopolo kaga bona mo hatsiñ.

¹⁷ Basiami ba bitsa, mi Yehova a utlue, mi a ba golole mo tlaleloñ tsa bona cotle.

¹⁸ Yehova o gauhe nabo, ba ba pelu li thubegileñ; mi o buluka ba ba moea o o ñomogileñ.

¹⁹ Mosiami o na le lipogisho li lintsi; mi Yehova oa mo golola mo go cona cotle.

²⁰ O buluka marapo a gague aotle; ga go lepe ya aona ye le royoañ.

²¹ Boshula bo tla bolaea baikepi; le ba ba ilañ basiami, ba tla latuharioa.

²² Yehova o rekolola meoea ea batlañka ba gague; le botle ba ba mo ikanyañ, ga ba kitla ba latuharioa.