Lipesalema 21 - Bibela ea Boitsépho 1890 (Sechuana Tlhaping - Moffatt Bible)

PESALEM 21.

¶ Pesalem ea ga Davide, go Mooperi eo mogolu.

¹ YEHOVA, khosi ea itumela mo thateñ ea gago: mi e itumetse mo pulukoñ ea gago bogolu yañ!

² U e neile keleco ea pelu ea eona; mi ga ua ka ua gana topo ea pounama tsa eona. Sela.

³ Gone u e emelela pele ka matsego a molemo; u baea seroalo sa gouda e e boiñtle mo tlogoñ ea eona.

⁴ E la ea lopa botselo go uena, u lua bo e naea, eboñ bolele yoa malatsi ka bosina bokhutlo yotle.

⁵ Khalalelo ea eona e kholu ka eintla ea puluko ea gago; u e okeleritse ka tlotlo le bonatla yo boiñtle.

⁶ Gone ua e baea go na matsego ka bosina bokhutlo; u e itumerisa ka boitumelo yoa hatlogo sa gago.

⁷ Gone khosi e ikanya Yehova; mi ga e kitla e shutisioa ka eintla ea boicuarelo yoa Mogorimo oa bogorimo bogolu.

⁸ Seatla sa gago se tla hitlela baba ba gago botle; atla sa gago se se siameñ se tla hitlela ba ba gu ilañ.

⁹ U tla ba riha yaka bokepisho yoa molelo mo motleñ oa bogale yoa hatlogo sa gago; Yehova o tla ba metsa mo bogaleñ yoa gague; mi molelo o tla ba nyeletsa.

¹⁰ U tla senya louñuo loa bona mo hatsiñ, le losika loa bona mo baneñ ba bathu.

¹¹ Gone ba gu logetse boshula; mi ba gopotse tiho e e mashue, e ba sa nonohañ go e riha.

¹² Gone u tla ba emisa go na sebelo, u tla gagamaletsa lihatlogo tsa bona losika loa bora.

¹³ Yehova, ikhorise mo thateñ ea gago; eriha gona re tla opelañ, le go baka thata ea gago.