Lipesalema 143 - Bibela ea Boitsépho 1890 (Sechuana Tlhaping - Moffatt Bible)

PESALEM 143.

¶ Pesalem ea ga Davide.

¹ UTLUA morapelo oa me, Yehova, sekegela tsebe thapelo e e thata ea me; ’nkaraba mo boamarureñ yoa gago, le mo tsiamoñ ea gago.

² Mi u si tsene mo tsekishoñ le motlañka oa gago; gone ga go ope eo o tselañ eo o ka siamisioañ ha pele ga sehatlogo sa gago.

³ Gone maba o bogisa moea oa me, o tubela hatsi botselo yoa me; o ’ntaritse mo hihiñ, yaka bona ba ba sibolo go shua.

⁴ Ki gona moea oa me o hutsahetseñ segolu mo go ’na; pelu ea me e silohetse mo teñ ga me.

⁵ Ki gopola ga metla ea bogolugolu, ki gakologeloa litiho tsa gago cotle; ki ipua ka ’nosi kaga litiho tsa atla tsa gago.

⁶ Ki otlololela atla tsa me go uena; moea oa me oa gu nyoreloa yaka lehatsi ye le nyoriloeñ. Sela.

⁷ Yehova, akoha u ’nkutlue; moea oa me oa nyelela; u si ’ncubele sehatlogo sa gago, gone ’nka tla ka cuana le ba ba hologelañ mo moleteñ.

⁸ ’Nkutluisa tsalano ea gago ea lorato mo moshoñ, gone kia gu ikanya; ’nkitsise tsela e ’nko ki ea ka eona; gone ki tlatlosetsa moea oa me go uena.

⁹ Yehova, ’nkholola mo babeñ ba me, gone ki tsabela go uena.

¹⁰ ’Nthuta go riha thato ea gago; gone u Morimo oa me; moea oa gago o molemo; ’nkhogela mo hatsiñ ya go siama.

¹¹ ’Ntsitsibosa, Yehova, ka eintla ea leina ya gago; entsa moea oa me mo tlaleloñ, ka eintla ea tsiamo ea gago.

¹² Mi khaola baba ba me, ka eintla ea boutluelo botluku yoa gago; mi senya botle ba ba tlukuhatsañ moea oa me; gone ki motlañka oa gago.