Lipesalema 139 - Bibela ea Boitsépho 1890 (Sechuana Tlhaping - Moffatt Bible)

PESALEM 139.

¶ Pesalem ea ga Davide, go Mooperi eo mogolu.

¹ YEHOVA, ua ’nkheleisa, mi ua ’nkitse.

² Ua itse go lula ga me, le go ema ga me; u tlaloganyetsa megopolo ea me khakala.

³ U rikanyeletsa tsamao ea me, le thapamo ea me; mi u tloaetse tsela tsa me cotle.

⁴ Eare go e si go ne lehuku lepe mo lolemeñ loa me, bona, Yehova, u le itse yeotle!

⁵ U ’mphorile kua morago le kua pele; mi u baea atla sa gago go ’na.

⁶ Kico e e gakhamatsa segolu go ’na; e gorimo, ga ’nkake ka e hitlela.

⁷ Ki tla ea kae ki coa ha moeeñ oa gago? ki tla tsabela kae sehatlogo sa gago?

⁸ Ekare ha ki tlatlogela kua legorimoñ, u gona; ekare ha ki riha bolao yoa me mo bobipoñ, bona, u gona.

⁹ Ekare ha ki tsaea liphuka tsa mosho, ki aga kua khutloñ sa leoatle,

¹⁰ Le gona, atla sa gago se ko se ’nkhoga; mi atla sa gago se se siameñ se ko se ’ntsegetsa gona.

¹¹ Ekare ha ki re, Amarure lehihi le tla ’mpipa, le yona bosigo bo leseri mo eintleñ cotle tsa me.

¹² Lehihi ka yeosi ga le hihihatse ha pele ga gago; mi bosigo bo bonesa yaka letsatsi; lehihi le leseri go cuana hela.

¹³ Gone u lua bopa liphio tsa me; u lua ’mpipa mo sebopeloñ sa ga mme.

¹⁴ Ki tla gu baka, gone ki rihiloe ka poitsego le khakhamaco; tiho tsa gago lia gakhamatsa, yaka moea oa me o itse seintle.

¹⁵ Marapo a me a la a sa shubege ha go uena, ka ki bopeloa mo bosaitsioeñ, ki rihoa matlametlo mo maheloñ a a kua tlatse a lehatsi.

¹⁶ Maitlo a gago a la a ’mpona ka ki e si ki bopioe; mi cotle tse tsa kualoa mo bukeñ ea gago; le malatsi a ka li tla bopioa ka aona, ka li e si li ne gona.

¹⁷ Ki gona megopolo ea gago, Morimo, e ratega yañ go ’na! palo ea eona e kholu yañ!

¹⁸ Ha ’nko ki li bala, palo ea eona e kholu bogolu go ea moshaua; eare ha ki kubuga ki santse ki na le uena.

¹⁹ Amarure u tla bolaea baikepi, Morimo; ki gona ’ntlogelañ, lona banona ba mari;

²⁰ Ba ba buañ botlabisa litloñ kaga gago; baba ba gago, ba ba biletsañ leina ya gago lehela.

²¹ Yehova, a ga kia ba tloa ba ba gu tloileñ? mi a ga ki ile ba ba gu cogelañ?

²² Ki ba tloile ka tloo ea botlalo; ki baba ha go ’na.

²³ ’Nkheleisa, Morimo, mi u itse pelu ea me; ’nteka, mi u itse megopolo ea me;

²⁴ Mi u bone, ha go le tsela eñue ea boshula mo go ’na; mi u ’nkhogele mo tseleñ ea bosina bokhutlo.