Lipesalema 119 - Bibela ea Boitsépho 1890 (Sechuana Tlhaping - Moffatt Bible)

PESALEM 119. ALEFA.

ALEFA.

¹ GO tsegaharicoe ba ba tsamao ea tsiamo, ba ba tsamaeañ mo molaoñ oa ga Yehova.

² Go tsegaharicoe ba ba bulukañ licupo tsa gague, ba ba mmatlañ ka pelu eotle.

³ Le gona ga ba rihe tsiamololo; ba tsamaea mo tseleñ tsa gague.

⁴ U laotse gore likaelo tsa gago li bulukoe ka tloahalo.

⁵ Au! intla tsela tsa me li ko li siamiserioa go buluka litaeo tsa gago.

⁶ Eriha gona ki si kitlañ ki na litloñ mogañ ki elañtloko litaolo tsa gago.

⁷ Ki tla gu baka ka tsiamo ea pelu, mogañ ki sina ithuta tsiamisho tsa tsiamo tsa gago.

⁸ Ki tla buluka litaeo tsa gago; si ’ntlogelele rure.

BETHA.

BETHA.

⁹ Lekau le tla itsekisa tsela ea yeona kañ? ha le e buluka kaha hukuñ ya gago.

¹⁰ Kia gu batla ka pelu ea me eotle; si ’ntese ka timeloa ki litaolo tsa gago.

¹¹ Ki shubile huku ya gago mo peluñ ea me, gore ki si gu leohele.

¹² Yehova, u tsegaharioe; ’nthuta litaeo tsa gago.

¹³ Ki buletse tsiamisho cotle tsa molomo oa gago, ka lipounama tsa me.

¹⁴ Ki itumela mo tseleñ ea licupo tsa gago, bogolu mo go mahumo aotle.

¹⁵ Ki tla gakologeloa mo likaeloñ tsa gago, mi ki elatloko litsela tsa gago.

¹⁶ Ki tla itumela segolu mo litaeoñ tsa gago: ga ’nkitla ki lebala huku ya gago.

GIMELA.

GIMELA.

¹⁷ Rihela motlañka oa gago seiñtle, gore ki tsele, ki buluke huku ya gago.

¹⁸ Bula maitlo a me, gore ki bone likhakhamaco tsa molao oa gago.

¹⁹ Ki moeñ mo lehatsiñ, si ’ncubele litaolo tsa gago.

²⁰ Moea oa me o robiloe ki go tlologeleloa tsiamisho tsa gago, ka metla eotle.

²¹ U galehela bapeluumpe ba ba rogakiloeñ, ba ba timeloañ ki litaolo tsa gago.

²² Hirikolola khobo le kilo ha go ’na; gone ki bulukile licupo tsa gago.

²³ Le gona likhosana li rutse li mpuela: motlañka oa gago oa gakologeloa mo litaeoñ tsa gago.

²⁴ Licupo tsa gago, le cona, ki boitumelo yoa me, le bagakolori ba me.

DALETHA.

DALETHA.

²⁵ Moea oa me o ñaparetse lorole; ’ntserisa kaha hukuñ ya gago.

²⁶ Ki buletse tsela tsa me, mi u ’nkarabile; ’nthuta litaeo tsa gago.

²⁷ ’Nnaea go tlaloganya tsela ea likaelo tsa gago; gore ki bue ga likhakhamaco tsa gago.

²⁸ Moea oa me o tlapololoa ki bohutsana; ’nkemisa kaha hukuñ ya gago.

²⁹ Tlosa go ’na tsela ea go aka; mi ’nnaea ka boutluelo botluku molao oa gago.

³⁰ Ki itseñketse tsela ea boamarure; tsiamisho tsa gago ki li beile ha pele ga me.

³¹ Ki ñaparetse licupo tsa gago; Yehova, u si ’ntlabise litloñ.

³² Ki tla taboga mo tseleñ ea litaolo tsa gago, mogañ u sina tsarolola pelu ea me.

HE.

HE.

³³ Yehova ’nthuta tsela ea litaeo tsa gago; mi ki tla li bulukela kua sekhutloñ.

³⁴ ’Nnaea tlaloganyo, mi ki tla buluka molao oa gago; E, ki tla o buluka ka pelu eotle.

³⁵ ’Ntsamaisa mo tseleñ ea litaolo tsa gago; gone ki itumela mo go cona.

³⁶ Sekegela pelu ea me mo licupoñ tsa gago, mi esiñ mo timanoñ.

³⁷ Shukulola maitlo a me, gore a si bone boithamako; ’ntserisa mo tseleñ ea gago.

³⁸ Tlomamisetsa huku ya gago go motlañkeñ oa gago, eo nelecoeñ mo poihoñ ea gago.

³⁹ Thibosa khobo ea me e ki e boihañ; gone tsiamisho tsa gago li molemo.

⁴⁰ Bona, ki eletsa likaelo tsa gago; ’ntserisa ka tsiamo ea gago.

VAU.

VAU.

⁴¹ A maicuarelo a gago a tle go ’na, Yehova, eboñ puluko ea gago, kaha hukuñ ya gago.

⁴² Gore ki arabe ba ba ’nkhobañ; gone ki ikanya huku ya gago.

⁴³ U si tlose huku ya boamarure mo molomoñ oa me; gone ki shuluhela mo tsiamishoñ tsa gago;

⁴⁴ Gore ki buluke molao oa gago ka gale, ka bosina bokhutlo.

⁴⁵ Mi ki tla tsamaea mo tlomamoñ; gone ki batla likaelo tsa gago.

⁴⁶ Le gona ki tla bua ga licupo tsa gago ha pele ga likhosi; mi ga ’nkitla ki na litloñ.

⁴⁷ Ki tla itumela mo litaoloñ tsa gago, tse ki li ratañ.

⁴⁸ Ki tla tlatlosetsa atla tsa me go taoloñ tsa gago, tse ki li ratañ; ki tla gakologeloa litaeo tsa gago.

SAIN.

SAIN.

⁴⁹ Gakologeloa lehuku ye u le buileñ le motlañka oa gago; ye u ’nculuheritseñ mo go yeona.

⁵⁰ Ye ki yeona khomoco ea me mo khumanegoñ; gone huku ya gago le ’ntserisa.

⁵¹ Bapeluumpe ba ’ncotla segolu; leha gontse yalo ga ki hapoge molao oa gago.

⁵² Yehova, ki ga kologeloa litsekisho tsa gago tsa motla o o hetileñ; mi ki gomoricoe.

⁵³ Therego e ’ncuere, ka eintla ea baikepi ba ba tlogelañ molao oa gago.

⁵⁴ Litaeo tsa gago ki lihela tsa me mo tluñ ea boeñ yoa me.

⁵⁵ Ki gakologeloa leina ya gago, Yehova, mo sigoñ; mi ki buluka molao oa gago.

⁵⁶ Ki na le se, gone ki buluka likaelo tsa gago.

CETHA.

CETHA.

⁵⁷ Yehova ki kabelo ea me; ki rile, Ki tla buluka mahuku a gago.

⁵⁸ Ki rapelela tsegahaco ea gago ka pelu ea me eotle; u ne boicuarelo go ’na, kaha hukuñ ya gago.

⁵⁹ Ki gopola tsela tsa me; mi ki bosetsa nao tsa me licupoñ tsa gago.

⁶⁰ Ki akoha, mi ga ki riege, go buluka litaolo tsa gago.

⁶¹ Linokuane tsa baikepi li ’ntla-setse; mi ga ki lebale molao oa gago.

⁶² Ki coga gare ga bosigo go gu itumelela, ka eintla ea tsekisho tsa gago tsa tsiamo.

⁶³ Ki tsala ea botle ba ba gu boihañ, le ea bona ba ba bulukañ likaelo tsa gago.

⁶⁴ Yehova, lehatsi le tletse boicuarelo yoa gago; ’nthuta litaeo tsa gago.

TETHA.

TETHA.

⁶⁵ Yehova, u rihetse seiñtle motlañka oa gago, kaha hukuñ ya gago.

⁶⁶ ’Nthuta pharologanyo ea molemo le kico; gone ki rumela litaolo tsa gago.

⁶⁷ Erile ki e si ki bogisioe ka timela, mi yana ki bulukile huku ya gago.

⁶⁸ U molemo, mi u riha molemo, ’nthuta litaeo tsa gago.

⁶⁹ Bapeluumpe ba ntogetse kako; ki buluka likaelo tsa gago ka pelu ea me eotle.

⁷⁰ Pelu tsa bona li nonne yaka mahura; ki itumela mo molaoñ oa gago.

⁷¹ Ki molemo go ’na ka ki le ka tlukuharioa; gone ki ithutile litaeo tsa gago.

⁷² Molao oa molomo oa gago o molemo go ’na, bogolu go gouda le liselevera li thousanda.

YODA.

YODA.

⁷³ Liatla tsa gago li tsa ’ntiha, tsa ’mpopa; ’nnaea tlaloganyo, gore ki ithute litaolo tsa gago.

⁷⁴ Ba ba gu boihañ ba tla ’mpona, mi ba itumela; gone ki shuluhetse mo hukuñ ya gago.

⁷⁵ Yehova, kia itse ha tsiamisho tsa gago li siame; mi u ’ntlukuhatsa ka boikanyo.

⁷⁶ A boicuarelo yoa gago, bo ne khomoco ea me, kaha hukuñ ya gago go motlañka oa gago.

⁷⁷ A yana maicuarelo a gago a magolu a tle go ’na, gore ki tsele; gone molao oa gago ki natehelo ea me.

⁷⁸ A bapeluumpe ba ne litloñ, gone ba ’ncokamisa, ki sina molatu; mi ’na ki gakologeloa mo likaeloñ tsa gago.

⁷⁹ Ba ba gu boihañ a ba boele go ’na; le ba ba itseñ licupo tsa gago.

⁸⁰ A pelu ea me e itekanele mo litaeoñ tsa gago; gore ki si ne litloñ.

KAFA.

KAFA.

⁸¹ Moea oa me o iribalela puluko ea gago; mi ki shuluhela mo hukuñ ya gago.

⁸² Maitlo a me a nyelelela huku ya gago, ka re, U tla ’nkhomotsa leñ?

⁸³ Gone ki cuana le lekuka mo mosiñ; ga ki lebale litaeo tsa gago.

⁸⁴ Malatsi a motlañka oa gago a kai? u tla sekisa leñ babogisi ba me?

⁸⁵ Bapeluumpe ba ba siñ kaha molaoñ oa gago, ba ’nkepetse mamena.

⁸⁶ Litaolo tsa gago cotle li boikanyo; ba ’mpogisa ka go sa siamañ; u ’nthuse.

⁸⁷ Ba batlile go ’nnyeletsa mo hatsiñ; mi ga ki lebale likaelo tsa gago.

⁸⁸ ’Nthurisa kaha tsalanoñ ea gago ea lorato; eriha gona ki tla bulukañ licupo tsa molomo oa gago.

LAMEDA.

LAMEDA.

⁸⁹ Lehuku ya gago, Yehova, le tlomame ka bosina bokhutlo mo legorimoñ.

⁹⁰ Boikanyo yoa gago mo tsikatsikeñ; u tlomamisitse lehatsi, mi le tlomamo.

⁹¹ A sa leeo go gompionu kaha litaoleloñ tsa gago; gone cotle ki batlañka ba gago.

⁹² Ha molao oa gago e le e si boitumelo yoa me, ’nkabo ki sibolo nyelela mo tlukuhacoñ ea me.

⁹³ Ga ’nkitla ki lebala likaelo tsa gago ka bosina bokhutlo, gone u ’ntserisitse ka eintla ea cona.

⁹⁴ Ki oa gago; ’mpuluka; gone ki batla likaelo tsa gago.

⁹⁵ Baikepi ba ’ntetile go ’ntsenya; ki gakologeloa licupo tsa gago.

⁹⁶ Ki bonye bokhutlo yoa botlalo yotle; taolo ea gago e atlame segolu.

MEM.

MEM.

⁹⁷ Ana, ki rata yañ molao oa gago! ki khakologelo ea me ka tsatsi yeotle.

⁹⁸ U ’ntlaletsitse bogolu go baba ba me, ka eintla ea litaolo tsa gago; gone li na le ’na ka bosina bokhutlo.

⁹⁹ Ki na le tlaloganyo bogulu go baruti ba me botle; gone licupo tsa gago ki khakologelo ea me.

¹⁰⁰ Ki tlaloganya bogolu go ba bogolugolu; gone ki buluka likaelo tsa gago.

¹⁰¹ Ki thiba linao tsa me mo go cotle tsa boshula, gore ki buluke huku ya gago.

¹⁰² Ga ki tlogele litsiamisho tsa gago; gone u ’nthutile.

¹⁰³ Mahuku a gago a botse yañ mo magalapeñ a me! bogolu go linotse mo ganuñ ya me.

¹⁰⁴ Ki bona tlaloganyo ka eintla ea likaelo tsa gago; ki gona ki ilañ litsela cotle tsa kakeco.

NUN.

NUN.

¹⁰⁵ Huku ya gago ki lobone naoñ tsa me, le leseri tseleñ ea me.

¹⁰⁶ Ki ikane, mi ki tla e rihahatsa, ki tla buluka tsiamisho tsa gago tse ri siameñ.

¹⁰⁷ Ki tlukuharicoe segolu; Yehova, ’ntserisa kaha hukuñ ya gago.

¹⁰⁸ Kia gu rapela, cula licupelo, tse ri neiloeñ ka pelu, tsa molomo @a me; mi ’nthuta tsiamishot sa gago, Yehova.

¹⁰⁹ Moea oa me ontse ka gale mo atleñ sa me; leha gontse yalo ga ki lebale molao oa gago.

¹¹⁰ Baikepi ba mpeetse seru, leha gontse yalo ga kia timeloa ki likaelo tsa gago.

¹¹¹ Licupo tsa gago, ki li cutse go na boshua, ka bosina bokhutlo; gone li boitumelo yoa pelu ea me.

¹¹² Ki sekegetse pelu ea me go rihahatsa litaeo tsa gago ka gale, le kua bokhutloñ.

SAMEKA.

SAMEKA.

¹¹³ Ki ila megopolo e e kabakan-yañ; mi ’na, ki rata molao oa gago.

¹¹⁴ U botsabelo yoa me le thebe ea me; ki shuluhela mo hukuñ ya gago.

¹¹⁵ ’Ntlogelañ, lona ba lo rihañ tsiamololo; gone ki tla buluka litaolo tsa Morimo oa me.

¹¹⁶ ’Nkokotletsa, kaha hukuñ ya gago, gore ki tsele; mi a ki si tlabeloe litloñ ki culuhelo ea me.

¹¹⁷ ’Nkokotletsa mi ki tla bulukega; mi ki tla elatloko litaeo tsa gago ka gale.

¹¹⁸ U gatelela botle ba ba timeloañ ki litaeo tsa gago; gone tsieco ea bona ki kako.

¹¹⁹ U nyeletsa baikepi botle ba lehatsi yaka leshulo; ki gona ki ratañ licupo tsa gago.

¹²⁰ Nama ea me e roromisioa ki go gu boiha; mi ki boiha tsekisho tsa gago.

AIN.

AIN.

¹²¹ Ki riha tsiamisho le tsiamo; u si ’nnelele bapatiki ba me.

¹²² Na moemeri mo boemoñ yoa motlañka oa gago go na molemo oa gague; a bapeluumpe ba si ’mpatike.

¹²³ Maitlo a me a nyelerioa ki go tlologeleloa puluko ea gago, le lehuku ya tsiamo ea gago.

¹²⁴ Rihela motlañka oa gago kaha boicuareloñ yoa gago; mi u ’nthute litaeo tsa gago.

¹²⁵ Ki motlañka oa gago; ’nnaea tlaloganyo, gore ki itse licupo tsa gago.

¹²⁶ Yana ki motla go Yehova go riha; gone ba thatoholotse molao oa gago.

¹²⁷ Ki gona ki ratañ litaolo tsa gago bogolu go gouda, E, bogolu go gouda e boiñtle.

¹²⁸ Ki gona ki kaeañ likaelo cotle tsa gago, kaga cotle, ha li le tsiamo; ki ila tsela cotle tsa tsieco.

PE.

PE.

¹²⁹ Licupo tsa gago li khakhamaco; ki gona moea oa me o li bulukañ.

¹³⁰ Botseno yoa mahuku a gago boa bonesa; bo tlalogantsa basisimogi.

¹³¹ Ki bula molomo oa me, mi pelu ea me ea opaopa; gone ki tlologelecoe litaolo tsa gago.

¹³² ’Nteba, mi u ’nkutluele botluku; yaka u tloaetse go rihela ba ba ratañ leina ya gago.

¹³³ Tlomamisa likhato tsa me mo hukuñ ya gago; mi a go si ne tsiamololo epe e nañ le taolo mo go ’na.

¹³⁴ ’Nkholola mo patikoñ ea mothu, mi ki tla buluka likaelo tsa gago.

¹³⁵ Phatsimisetsa hatlogo sa gago motlañkeñ oa gago; mi u ’nthute litaeo tsa gago.

¹³⁶ Likelelo tsa metse li elela li coa mo maitloñ a me, gone ga ba buluke molao oa gago.

TSADI.

TSADI.

¹³⁷ Yehova, u siame, mi litsiamisho tsa gago li tsiamo.

¹³⁸ Licupo tsa gago tse u li laotseñ, li siame, le boikanyo segolu.

¹³⁹ Ki nyelericoe ki tloahalo ea me; gone baba ba me ba lebetse mahuku a gago.

¹⁴⁰ Lehuku ya gago le itsekile segolu; ki gona motlañka oa gago o le ratañ.

¹⁴¹ Ki motlanyana, mi ki nyaricoe; ga ki lebale litaeo tsa gago.

¹⁴² Tsiamo ea gago ki tsiamo e e sa khutleñ; mi molao oa gago ki boamarure.

¹⁴³ Tlukuhaco le tlalelo li tlile go ’na; litaolo tsa gago ki maitumelo a me.

¹⁴⁴ Tsiamo ea licupo tsa gago li ka bosina bokhutlo; ’nnaea tlaloganyo, mi ki tla tsela.

KOFA.

KOFA.

¹⁴⁵ Ki bitsa ka pelu ea me eotle; ’nkutlua, Yehova. Ki tla buluka litaeo tsa gago.

¹⁴⁶ Ki biletsa go uena; ’mpuluka; mi ki tla buluka litaolo tsa gago.

¹⁴⁷ Ki coga pele ga phepahalo ea mosho, mi ki bitse; ki shuluhela mo hukuñ ya gago.

¹⁴⁸ Maitlo a me a coelela pele ga tisho tsa bosigo, gore ki gakologeloe mo hukuñ ya gago.

¹⁴⁹ Utlua koru ea me, kaha tsalanoñ ea gago ea lorato; Yehova, ’nthurisa kaha tsiamishoñ ea gago.

¹⁵⁰ Ba ba latelañ boshula, ba atamela; ba khakala le molao oa gago.

¹⁵¹ Yehova, u gauhe; mi litaolo cotle tsa gago li amarure.

¹⁵² Ga ki bolo itse ka licupo tsa gago, ha u li tlomamisitse ka bosina bokhutlo.

RESHA.

RESHA.

¹⁵³ Tsatsia tlukuhaco ea me, mi u ’nkholole; gone ga ki lebale molao oa gago.

¹⁵⁴ Ganela se se ganeloañ sa me, mi u ’nkholole; ’ntserisa kaha hukuñ ya gago.

¹⁵⁵ Pulukego e khakala le baikepi; gone ba sa batle litaeo tsa gago.

¹⁵⁶ Yehova, maicuarelo a gago a mantsi; ’ntserisa kaha tsiamishoñ tsa gago.

¹⁵⁷ Babogisi ba me, le baba ba me ba bantsi; ga ki hapoge mo licupoñ tsa gago.

¹⁵⁸ Ki le ka leba batlori, mi ka hutsaharioa; gone ba si ka ba buluka lehuku ya gago.

¹⁵⁹ Tsatsia kaha ki ratañ likaelo tsa gago ka gona; ’ntserisa kaha tsalanoñ ea gago ea lorato, Yehova.

¹⁶⁰ Lehuku ya gago le boamarure le mo tsimologoñ; mi tsiamisho eotle ea tsiamo ea gago e na ka bosina bokhutlo.

SHIN.

SHIN.

¹⁶¹ Likhosana li ’mpogisitse ki sina molatu; mi ’na, pelu ea me e boiha huku ya gago.

¹⁶² Ki itumela kaga huku ya gago, yaka moñue eo o bonañ thopo e kholu.

¹⁶³ Kia ila, mi ki tloile go aka; ki rata molao oa gago.

¹⁶⁴ Ki gu baka ga seven ka tsatsi le leñue; ka eintla ea tsiamisho tsa gago tsa tsiamo.

¹⁶⁵ Ba na le kagisho e kholu ba ba ratañ molao oa gago; mi ga ba na khoco epe.

¹⁶⁶ Yehova, kia shuluhela puluko ea gago; mi ki riha litaolo tsa gago.

¹⁶⁷ Moea oa me o buluka licupo tsa gago; mi ki li rata segolu.

¹⁶⁸ Ki buluka likaelo tsa gago, le licupo tsa gago; gone tsela cotle tsa me li ha pele ga gago.

TAU.

TAU.

¹⁶⁹ A pico ea me e atamele ha pele ga gago, Yehova; ’nnaea tlaloganyo kaha hukuñ ya gago.

¹⁷⁰ A thapelo ea me e e thata e hitle ha pele ga gago; ’nkholola kaha hukuñ ya gago.

¹⁷¹ Lipounama tsa me li tla bua pako; mogañ u sina ’nthuta litaeo tsa gago.

¹⁷² Loleme loa me lo tla bua ga huku ya gago: gone taolo cotle tsa gago li siame.

¹⁷³ A atla sa gago se ’nthuse; gone ki itseñketse likaelo tsa gago.

¹⁷⁴ Ki tlologelecoe puluko ea gago, Yehova; mi molao oa gago ki boitumelo yoa me.

¹⁷⁵ A moea oa me o tsele, mi o tla gu baka; mi a tsiamisho tsa gago li ’nthuse.

¹⁷⁶ Ki timetse yaka eñku e e timetseñ; batla motlañka oa gago, gone ga ki lebale litlaolo tsa gago.