Lipesalema 113 - Bibela ea Boitsépho 1890 (Sechuana Tlhaping - Moffatt Bible)

PESALEM 113.

¹ BAKAÑ Yehova. Lona batlañka ba ga Yehova, mmakeñ; bakañ leina ya ga Yehova.

² Leina ya ga Yehova le bakoe, ga yana le ka bosina bokhutlo.

³ Ga botlaboñ yoa letsatsi, le bophirimoñ yoa yeona, a leina ya ga Yehova le bakoe.

⁴ Yehova o gorimo, gorimo ga baeteni botle; khalalelo ea gague e gorimo ga magorimo.

⁵ Mañ eo o cuanañ le Yehova, Morimo oa rona, eo o agileñ gorimorimo,

⁶ Eo o inolahatsañ go leba magorimo le lehatsi?

⁷ O emisa molala a mo entse mo loroleñ; mi o gorisa motloki go mo entsa mo thotoboloñ;

⁸ Gore a mo lurise mo likhosaneñ, eboñ le likhosana tsa bathu ba gague.

⁹ O agisa moopa mo sikeñ loa bana, le go na mma bana oa boitumelo. Haleluya.