Lipesalema 103 - Bibela ea Boitsépho 1890 (Sechuana Tlhaping - Moffatt Bible)

PESALEM 103.

¶ Pesalem ea ga Davide.

¹ BAKA Yehova, moea oa me; le cotle tse ri mo teñ ga me, bakañ leina ya gague ya boitsepho.

² Baka Yehova, moea oa me, mi si lebale sepe sa tiho tsa gague tsa molemo:

³ Eo o icuarelañ tsiamololo ea gago eotle; eo o horisañ pobolo tsa gago cotle;

⁴ Eo o rekololañ tselo yoa gago mo tsenyegoñ; eo o gu roesañ tlogo ka tsalano ea lorato, le maicuarelo;

⁵ Eo o khorisañ leganu ya gago ka molemo; o shahatsa bokau yoa gago yaka yoa lenoñ.

⁶ Yehova oa rihela tsiamo le tsekisho botle ba ba patikoañ.

⁷ O la a itsise Moshe tsela ea gague, le litiho tsa gague go baneñ ba Yeserela.

⁸ Yehova o boicuarelo, o pelunomi, o bonye go galeha, mi o mogolu mo boicuareloñ.

⁹ Ga a kitla a ganela ka gale, le esiñ go buluka bogale yoa gague ka bosina bokhutlo.

¹⁰ Ga a re rihele yaka libe tsa rona; ga a re ruele kaha litsiamololoñ tsa rona.

¹¹ Gone yaka legorimo le le gorimo ga lehatsi, boicuarelo yoa gague bo bogolu yalo go bona ba ba moihañ.

¹² Yaka Iseta a le khakala go Ueseta, o tlosetsa litlolo tsa rona khakala yalo.

¹³ Yaka rra a utluela bana ba gague botluku, Yehova o utluela botluku yalo ba ba moihañ.

¹⁴ Gone a itse popego ea rona; o gakologeloa ha re le lorole.

¹⁵ Malatsi a mothu a cuana le boyañ; yaka sesheshe sa nageñ, le ena o thunya yalo.

¹⁶ Gone pheho e se hokile, mi ga seeo; mi helo ga shona, ga go kitla go tlola go se itse.

¹⁷ Mi boicuarelo yoa ga Yehova bo le ga bosa khutleñ, le go bosina bokhutlo mo go bona ba ba moihañ, le tsiamo ea gague go baneñ ba bana;

¹⁸ Go bona ba ba bulukañ kholagano ea gague, le ba ba gakologeloañ likaelo tsa gague, go li riha.

¹⁹ Yehova o tlomamisitse serulo sa gague sa bogosi mo magorimoñ; mi pusho ea gague e busa mo eintleñ cotle.

²⁰ Bakañ Yehova, baengela, ba lo linatla mo thateñ, ba lo rihañ litaolo tsa gague, ba lo retsañ koru ea huku ya gague.

²¹ Bakañ Yehova, lintua tsa gague cotle, lona bariheri ba gague ba lo rihañ natehelo ea gague.

²² Bakañ Yehova, litiho cotle tsa gague, mo maheloñ aotle a taolo ea gague; baka Yehova, moea oa me.