Lipesalema 10 - Bibela ea Boitsépho 1890 (Sechuana Tlhaping - Moffatt Bible)

PESALEM 10.

¹ YEHOVA, u emetseñ khakala? u icubelañ mo metleñ ea tlalelo?

² Moikepi o bogisa bahumanegi mo bopeluumpeñ yoa gague; a ba cuaroe mo maherehereñ a ba a logileñ.

³ Gone moikepi o belahalela keleco ea moea oa gague, o tsegahatsa motimani, eo Yehova o mo ilañ.

⁴ Moikepi o gana go botsisa ka eintla ea bopeluumpe yoa sehatlogo sa gague; khopolo cotle tsa gague ki go re, Morimo ga oeo.

⁵ Tsela tsa gague li tlukuhaco ka gale; tsekisho tsa gago li gorimo, li khakala go ena; mi baganetsi ba gague oa ba burula.

⁶ A re, mo peluñ ea gague, Ga ’nkitla ki shutisioa; gone ga ’nkitla ki na mo boshuleñ bope mo tsikatsikeñ.

⁷ Molomo oa gague o tletse thogako, le litsieco, le boherehere; tapisho le tsiamololo li tlatse ga loleme loa gague.

⁸ O rutse mo maheloñ a talelelo a metsana; o bolaela ba ba sinañ molatu mo maheloñ a bosaitsioeñ; maitlo a gague a icubela balala.

⁹ O lalela mo heloñ ha go sa itsioeñ, yaka tau mo moñoboñ oa eona; o lalela go cuara mohumanegi; o cuara mohumanegi, ka a mo gogela mo lotloeñ loa gague.

¹⁰ Oa boba, oa inama, gore molala a oele mo go tse ri thata tsa gague.

¹¹ A re, mo peluñ ea gague, Morimo o lebetse; o shubile sehatlogo sa ona; ga o bone ka bosina bokhutlo.

¹² Tloga u eme, Yehova Morimo; tlatlosa atla sa gago; u si lebale bahumanegi.

¹³ Moikepi o khalelañ Morimo? a re, mo peluñ ea gague, Ga u kitla u e bushulosa.

¹⁴ Ua e bona rure, gone ua bona tapisho le bohutsana; gore u bo busholo-setse ka atla sa gago; molala o itlogela mo atleñ sa gago, u mothusi oa khutsana.

¹⁵ Roba lecogo ya baikepi, le ya oa boshula; batla boikepo yoa gague go tlo go tsamaee u si tlole u bo bona.

¹⁶ Yehova ki khosi ka bosina bokhutlo, le ka gale; baeteni ba nyeletse mo hatsiñ ya gague.

¹⁷ Yehova, u utluile keleco ea ba ba bogisioañ; u tla tlomamisa pelu tsa bona, litsebe tsa gago li tla tsatsia;

¹⁸ Go sekisetsa likhutsana le babogisioi, gore mothu oa lehatsi a si tlole a coelela pele go leleka mohumanegi mo lehatsiñ.