Levitiko 1 - Bibela ea Boitsépho 1890 (Sechuana Tlhaping - Moffatt Bible)

KHAOLO 1.

¹ MI Yehova a bitsa Moshe, mi a bua le ena, a le mo tenteñ ea kokoanelo, a re,

² Bua le bana ba Yeserele, mi u ba ree, Ha moñue oa lona a isetsa Yehova cupelo, lo ise cupelo tsa lona tsa likhomu, eboñ tsa matlape, le tsa lecomane.

³ Ere ha cupelo ea gague e le cupelo ea matlape ea phisho, a a ise e tona e e itekanetseñ; a a e ise kaha nate-haloñ ea gague, ha moyakoñ oa tenta ea kokoanelo ha pele ga Yehova;

⁴ Mi a a bee atla sa gague mo tlogoñ ea cupelo ea phisho; mi e tla mo natehaletsa, go mo ruantsa.

⁵ Mi a a tlabele poana ha pele ga Yehova; mi a baperiseti, bomoroa Arone, ba ise mari, ba khatse mari, ba a rikolose aletara, e e leñ ha pele ga moyako oa tenta ea kokoanelo.

⁶ Mi a a bue cupelo ea phisho, a e khabetlele makhabetlela a eona.

⁷ Mi a bomoroa Arone moperiseti ba gotse molelo ha aletareñ, ba rulaganye likhoñ ha moleloñ.

⁸ Mi a baperiseti, bomoroa Arone, ba rulaganye makhabetlela, le tlogo, le mahura, ha likhoñeñ tse ri ha moleloñ o o ha aletareñ.

⁹ Mi liteñ tsa eona le memo ea eona a a li tlacue ka metse; mi moperiseti a a hisetse cotle ha aletareñ; ki cupelo ea phisho, le cupelo ea molelo, ea loñko lo lo natehelañ Yehova.

¹⁰ ¶ Mi ha cupelo ea gague e le ea lihutsane, eboñ ea liñku, khotsa ea lipori, go na cupelo ea phisho; a a ise e tona e e itekanetseñ.

¹¹ Mi a a e tlabe ha tlakoreñ loa aletara loa Noreta ha pele ga Yehova; mi a baperiseti, bomoroa Arone, ba khatse mari a eona, ba a rikolose aletara;

¹² Mi a a e khabetlele makhabetlela a eona, le tlogo ea eona, le mahura a eona; mi a moperiseti a li rulaganye ha likhoñeñ tse ri ha moleloñ, o o ha aletareñ.

¹³ Mi a a tlacue liteñ le memo ka metse; mi a moperiseti a e ise eotle, a e hisetse ha aletareñ; ki cupelo ea phisho, le cupelo ea molelo, ea loñko lo lo natehelañ Yehova.

¹⁴ ¶ Mi ha cupelo ea gague go Yehova e le cupelo ea linunyane ea phisho; erehe gona o isañ cupelo ea gague ea maphui, khotsa ea matsebana.

¹⁵ Mi a moperiseti a le ise aletareñ, a shoke tlogo ea yeona, a le hisetse ha aletareñ, mi a mari a yeona a gamoleloe ha lomoteñ loa aletara;

¹⁶ Mi a a tlose encu ea yeona le liphaha tsa yeona, a li latlele ha aletareñ eintleñ ea Iseta, ha heloñ ga molora.

¹⁷ Mi a a le ropose le phuka tsa yeona, mi a a si le khaee: mi a moperiseti a le hisetse ha aletareñ ha likhoñeñ tse ri mo moleloñ: ki cupelo ea phisho, le cupelo ea molelo, ea loñko lo lo natehelañ Yehova.