Johane 7 - Bibela ea Boitsépho 1890 (Sechuana Tlhaping - Moffatt Bible)

KHAOLO 7.

¹ MORAGO ga lilo tse Yesu a tsamaea mo Galilea; gone a gana go tsamaea mo Yuda, gone Bayuda ba batla go molaea.

² Mi yana moriho oa metlagana oa Bayuda oa bo o le gauhe.

³ Eriha gona bomonnaue ba mo raeañ, Coa monu, mi u ee kua Yuda, gore barutoa ba gago le bona ba bone tiho tse u li rihañ.

⁴ Gone ga go ope eo o rihañ señue mo bosaitsioeñ, mi ena ka esi a batla go itsioe mo ponatsegoñ. Ha u riha lilo tse, iponatse lehatsiñ.

⁵ Gone bomonnaue le bona ba sa rumele mo go ena.

⁶ Ki gona, Yesu a ba raeañ, Motla oa me ga o si o tle; mi motla oa lona oa bo ontse o etlericoe.

⁷ Lehatse ga le kake ya lo ila; mi ’na, lea ’nkila, gone ki shupa ga yeona ha tiho tsa yeona e le boshula.

⁸ Eañ kua morihoñ, ga ki ee kua morihoñ, gone motla oa me, ga o e si o rihege.

⁹ Mi ka a sina bua lilo tse nabo, a tlola mo Galilea.

¹⁰ ¶ Mi ka bomonnaue ba sina ea, eriha gona le ena o eañ kua morihoñ, esiñ ka ponatsego, mi ekete ka go sa itsioeñ.

¹¹ Eriha gona Bayuda ba matlañ mo morihoñ, mi ba re, O ha kae?

¹² Mi gabo gole ñoñorego e kholu mo bathuñ kaga gague; gone bañue ba re, O molemo; mi ba bañue, ba re, ’Nya; o tsietsa bontsi.

¹³ Leha gontse yalo, gabo go si ope eo o buañ kaga gague mo bathuñ ka ntla ea poiho ea Bayuda.

¹⁴ ¶ Mi yana ka e le ha gare ga moriho Yesu a tsena mo tempeleñ, mi a ruta.

¹⁵ Mi Bayuda ba gakhamala, ba re, Monona eo, o itse likualo yañ, ka a sa li rutoe?

¹⁶ Yesu a ba araba, mi a re, Thuto ea me, ga si ea me, mi e le ea eo o ’nthomileñ.

¹⁷ Leha e le mañmañ eo o ratañ go riha thato ea gague, o tla itse ga thuto, ha e le ea Morimo, leha ki bua ga me.

¹⁸ Eo o buañ ga gague ka esi, oa batla go itlotla; mi eo o batlañ tlotlo ea gague eo o mo romileñ, eo ki ena oa amarure, mi ga go tsiamololo epe mo go ena.

¹⁹ Moshe a ga a lo naea molao, mi ga go ope oa lona eo o bulukañ molao? Lo batlelañ go ’mpolaea?

²⁰ Mi bontsi yoa araba yoa re, U na le modemona, u batloa emañ go gu bolaea?

²¹ Yesu a araba, a ba raea, Ki rihile tiho ñue mi lotle lo gakhamarioa ki eona.

²² Ki gona Moshe o la a lo naea boguera, esiñ gone e le yoa ga Moshe, (mi bo coa mo go bo‐rra;) mi loa isa mothu boguera ka tsatsi ya sabata.

²³ Ha mothu a isioa boguera ka tsatsi ya sabata, gore molao oa ga Moshe o si tloloe; a lo bogale le ’na, gone ki horisitse mothu gotle mo tsatsiñ ya sabata?

²⁴ Si sekiseñ kaha ponaloñ, mi sekisañ ka tsekisho ea tsiamo.

²⁵ Eriha gona bañue ba Yerusalema ba reñ, Eo a ga si ena eo ba batlañ go molaea?

²⁶ Mi, bonañ, oa bua ka thanolo, mi ga ba mo ree sepe. Balaori a ba itse rure, ha eo e le Keresete rure?

²⁷ Leha gontse yalo, raea itse monona eo kua o coañ gona; mi mogañ Keresete o tlañ, ga go ope eo o tla itseñ kua o coañ gona.

²⁸ Eriha gona Yesu o bitsañ mo tempeleñ ka a ruta, a re, A loa ’nkitse, mi a loa itse kua ki coañ gona? Mi ga kia itlela ka ’nosi, mi eo o ’nthomileñ o amarure, eo lo sa mo itseñ.

²⁹ Mi kia mo itse; gone ki coa go ena, mi o ’nthomile.

³⁰ Eriha gona ba batlañ go mo cuara, mi go si ope eo o melañ liatla; gone oura oa gague o e si o tle.

³¹ Mi bantsi mo bontsiñ ba rumela mo go ena, mi ba re, Etlare ha Keresete a tla, a o tla riha licupo lintsi bogolu mo go tse, monona eo o li rihileñ?

³² ¶ Mi ka Bafarisai ba utlua ha bontsi bo ñoñorega kaga gague yalo, Bafarisai le baperiseti ba bagolu ba roma batlañka go mo cuara.

³³ Eriha gona Yesu o ba raeañ, Ki sa na le lona ka bokhutsanyane, mi kia ea go ena eo o ’nthomileñ.

³⁴ Lo tla ’mpatla, mi ga lo kitla lo ’mpona: mi kua ki gona, ga lo kake loa tla gona.

³⁵ Eriha gona Bayuda ba ranañ, Eo, o tla ea kae kua re si kitlañ re mo hitlela? A o tla ea go ba ba halaricoeñ mo Bagerikiñ, a ea go ruta Bageriki?

³⁶ Lehuku ye o le buañ, ya reñ, Lo tla ’mpatla, mi ga lo kitla lo ’mpona, mi kua ki gona, ga lo kake loa tla gona?

³⁷ Mo tsatsiñ ya bohelo, ea bo e le tsatsi ye legolu ya moriho, Yesu a ema, mi a bitsa, a re, Ha moñue a nyoriloe a a tle go ’na, a noe.

³⁸ Eo o rumelañ mo go ’na, linoka tsa metse a a tserileñ li tla elela li coa mo mpeñ ea gague, yaka likualo li buile.

³⁹ (Mi a bua yalo ga Moea, o ba ba rumelañ mo go ena ba tla o bonañ; gone Moea oa Boitsepho o lo o e si o neloe, gone Yesu a e si a galalerioe.)

⁴⁰ ¶ Ki gona erileñ bontsi yoa bathu bo sina utlua lehuku ye, yoa re, Amarure eo ki moperofeti eo.

⁴¹ Bañue ba re, Eo, ki Keresete. Mi bañue ba re, A Keresete o tla coa Galilea?

⁴² Likualo a ga lia re, Keresete o tla coa mo losikeñ loa ga Davide, le mo motsaneñ oa Betalehema, ha Davide o la a le gona.

⁴³ Mi yalo ga na khaogano mo bontsiñ kaga gague.

⁴⁴ Mi bañue ba yona ba rata go mo cuara; mi go si ope eo o mo latsañ liatla.

⁴⁵ ¶ Eriha gona batlañka ba tlañ go baperiseti ba bagolu le go Bafarisai, mi ba ba raea, Lo lo sa mo leretseñ?

⁴⁶ Batlañka ba araba, Ga go e si go ko go ne monona ope eo o buañ yaka monona eo.

⁴⁷ Eriha gona Bafarisai ba ba arabañ, Le lona a lo tsiericoe?

⁴⁸ A bañue ba balaori, khotsa ba Bafarisai, ba rumetse mo go ena?

⁴⁹ Mi bontsi yo, yo bo sa itseñ molao, bo rogiloe.

⁵⁰ Nikodemo (moñue oa bona, eo o la a tla go Yesu bosigo,) a ba raea,

⁵¹ Molao oa rona a o sekisa mothu o e si o mo utlue pele, le go itse se o se rihañ?

⁵² Ba araba, ba mo raea, A le uena u oa Galilea? Botsisa, u bone, gone ga go coge moperofeti ope mo Galilea.

⁵³ Mi moñue le moñue a ea kua tluñ ea gague: