Johane 16 - Bibela ea Boitsépho 1890 (Sechuana Tlhaping - Moffatt Bible)

KHAOLO 16.

¹ LILO tse ki li buile le lona, gore lo si khopisioe.

² Ba tla lo khoromeletsa kua ntle ga masenagoge; E, oura oe tla, leha e le mañmañ eo o tla lo bolaeañ, o tla itloma a rihela Morimo.

³ Mi lilo tse ba tla li lo rihela, gone ba sa itse Rra, leha e le ’na.

⁴ Mi lilo tse ki li lo buleletse, gore mogañ oura o tlañ lo gopole ha ki li lo buleletse. Mi lilo tse ga kia ka ka li lo bulelela mo tsimologoñ, gone ki le ki na le lona.

⁵ Mi yana kia ea go ena eo o ’nthomileñ, mi ga go ope oa lona eo o ’mpotsañ, U ea kae?

⁶ Mi bohutsana bo tletse mo peruñ tsa lona, gone ki lo buleletse lilo tseuo.

⁷ Leha gontse yalo kia lo bulelela boamarure; go molemo go lona ka ki ea; gone ha ki sa ee, Mogomotsi ga a kitla a tla go lona; mi ha ki ea, ki tla mo romela go lona.

⁸ Mi o tlare a sina tla, o tla itsise lehatse ga boleo, le ga tsiamo, le ga tsekisho;

⁹ Ga boleo, gone ba sa rumele mo go ’na;

¹⁰ Ga tsiamo, gone kia ea go Rra, mi ga lo kitla lo tlola lo ’mpona;

¹¹ Ga tsekisho, gone Mogolu oa lehatse yenu a sekisicoe.

¹² Ki sa na le lilo li lintsi go li lo bulelela, mi ga lo kake loa li iphapanya yana.

¹³ Mi Moea oa boamarure o tlare o sina tla, o tla lo gogela mo boamarureñ yotle; gone ga o kitla o bua ka osi, mi cotle tse o tla li utluañ, o tla li bua; mi o tla lo bulelela lilo tse ri tla tlañ.

¹⁴ O tla ’nkhalaletsa; gone o tla cula ga me, mi o tla go lo bulelela.

¹⁵ Cotle tsa Rra e le tsa me; ki gona ki reileñ o tla cula ga me, mi o tla go lo bulelela.

¹⁶ Ka bokhutsanyane, mi ga lo kitla lo ’mpona, mi gape ka bokhutsanyane lo tla ’mpona, gone kia ea go Rra.

¹⁷ Eriha gona bañue ba barutoa ba gague ba ranañ, Eñ se o se buañ le rona, Ka bokhutsanyane, mi ga lo kitla lo ’mpona; mi gape ka bokhutsanyane lo tla ’mpona, gone kia ea go Rra?

¹⁸ Ki gona ba reñ, Eñ se o se buañ, ba bokhutsanyane? Ga re itse se o se buañ.

¹⁹ Yesu ka a itse ba rata go motsa, a ba raea, A lo botsanya ga ye ki le buileñ, Ka bokhutsanyane, mi ga lo kitla lo ’mpona, mi gape ka bokhutsanyane lo tla ’mpona?

²⁰ Amarure, amarure, kia lo raea, Lo tla lela lo lelela, mi lehatse le tla itumela; lo tla hutsahala, mi khutsahalo ea lona e tla hetoloa boitumelo.

²¹ Mosari o na le khutsahalo mo pelegoñ, gone oura oa gague o tlile. Mi eare a sina belega ñuana, a sa tlole a gopola tlalelo ka ntla ea boitumelo, gone mothu a tsalecoe mo lehatsiñ.

²² Mi yana le lona, lo na le bohutsana rure; mi ki tla ba ki lo bona, mi pelu tsa lona li tla itumela, mi ga go ope eo o lo tlosetsañ boitumelo yoa lona.

²³ Mi mo motleñ ouo, ga lo kitla lo ’mpotsa sepe. Amarure, amarure, kia lo raea, Cotle tse lo tla li lopañ Rra mo ineñ ya me, o tla li lo naea.

²⁴ Le mo nakoñ enu ga lo e si lo lope sepe mo ineñ ya me; lopañ, mi lo tla cula, gore boitumelo yoa lona bo tlale.

²⁵ Lilo tse, ki li buile le lona ka licuanco; oura oe tla mogañ ki si ki tla ki tlola ki bua le lona ka licuanco, mi ki tla lo bulelela ga Rra ka thanolo.

²⁶ Mo motleñ ouo, lo tla lopa mo ineñ ya me, mi ga ki lo ree, Ki tla lo rapelela Rra;

²⁷ Gone Rra ka esi oa lo rata, gone lo ’nthatile, mi lo rumetse ha ki coa Morimoñ.

²⁸ Ki coa go Rra mi ki tlile mo lehatsiñ. Mi gape, ki tlogela lehatse, mi kia ea go Rra.

²⁹ Barutoa ba gague ba mo raea, Bona, yana ua bua ka thanolo, mi ga u bue secuanco sepe.

³⁰ Yana rea itse ha u itse lilo cotle, mi ga u cuaneloe go borioa ki ope. Re rumela ha u coa Morimoñ, ka ntla ea mouo.

³¹ Yesu a ba araba, Yana a loa rumela?

³² Bonañ, oura oe tla, mi yana o tlile, o lo tla halarioañ moñue le moñue go ba gague ka ona, mi lo tla ’ntlogela ’nosi; mi leha gontse yalo ga ki ’nosi, gone Rra a na le ’na.

³³ Lilo tse, ki li buile le lona, gore lo ne le kagisho mo go ’na. Lo tla na le patikego mo lehatsiñ; mi namatsegañ, ki hentse lehatse.