Johane 15 - Bibela ea Boitsépho 1890 (Sechuana Tlhaping - Moffatt Bible)

KHAOLO 15.

¹ KI ’na setlare sa movine sa amarure, mi Rre ki moriheri oa movine.

² Likala cotle tse ri mo go ’na, tse ri sa uñueñ louñuo, oa li tlosa; mi cotle tse ri uñuañ, oa li ntlahatsa, gore li uñue bogolu.

³ Yana, lo ntlaharicoe ka lehuku ye ki le buileñ le lona.

⁴ Nnañ mo go ’na, mi ’na mo go lona; yaka kala e sa kake ea uñua ka eosi, ha e sa nne mo movineñ; le lona ga lo kake lo uñua, ha lo sa nne mo go ’na.

⁵ Ki ’na movine; lona lo likala. Eo o nnañ mo go ’na, le ’na mo go ena, eouo oa uñua louñuo lo logolu; gone ha lo sina le ’na, ga lo kake lo riha sepe.

⁶ Leha e le mañmañ eo o sa nneñ go ’na, o latleloa kua ntle, yaka kala, mi e omeletse; mi ba li roalela, mi li latleloa mo moleloñ, mi li hisioa.

⁷ Ha lo nna mo go ’na, mi mahuku a ’me a nna mo go lona, lo tla lopa kaha lo ratañ ka gona, mi go tla lo riheloa.

⁸ Rre o galalericoe ka mouo, gore lo uñue louñuo lo logolu; mi lo tla na barutoa ba me.

⁹ Yaka Rra a ’nthatile, ki lo ratile yalo; nnañ mo ratoñ lo loa me.

¹⁰ Ha lo tsegetsa litaolo tsa me, lo tla nna mo ratoñ loa me; yaka ki tsegeritse litaolo tsa Rra, mi ki nntse mo ratoñ loa gague.

¹¹ Lilo tse ki li buile le lona, gore boitumelo yoa me bo nne mo go lona, mi gore boitumelo yoa lona bo tlale.

¹² Taolo ea me ki e, gore lo ratane, yaka ki lo ratile.

¹³ Ga go ope eo o nañ le lorato lo logolu mo go lo, ha monona a ka bela litsala tsa gague botselo yoa gague.

¹⁴ Lona lo litsala tsa me, ha lo riha cotle tse ki li lo laoletseñ.

¹⁵ Yano ga ki tlole ki lo bitsa batlañka; gone motlañka ga a itse se morena oa gague o se rihañ; mi ki lo biritse litsala; gone cotle tse ki li utluileñ mo go Rre, ki li lo itsisitse.

¹⁶ Lona ga loa ’ntseñkela, mi ki ’na eo ki lo itseñketseñ, mi ki lo laorisitse, gore lo ee lo uñue louñuo, gore louñuo loa lona lo nne; gore Rra a lo nee cotle tse lo li lopañ mo ineñ ya me.

¹⁷ Lilo tse kia li lo laolela, gore lo ratane.

¹⁸ Ha lehatse le lo ila, loa itse ha le ’nkirile pele, le e si le lo ile.

¹⁹ Ha lo le lo le ba lehatse, lehatse le ko le rata ba yeona. Mi ka lo si ba lehatse, mi ka ki lo itseñketse mo hatsiñ, ki gona lo iloañ ki lehatse.

²⁰ Gopolañ lehuku ye ki le lo reileñ, Motlañka ga a mogolu bogolu go morena oa gague. Ha ba ’mpogisitse, le lona ba tla lo bogisa; ha ba lepile huku ya me, le ya lona ba tla le lepa.

²¹ Mi lilo cotle tse ba tla li lo rihela, ka ntla ea leina ya me, gone ba sa itse eo o ’nthomileñ.

²² Ha ki le ki sa ka ka tla, ka bua le bona, ba ko ba sina boleo; mi yana ga ba na seipato sa boleo yoa bona.

²³ Eo o ’nkilañ, oa ila le ena Rre.

²⁴ Ha ki le ki sa rihe tiho tse ri sa rihoeñ ki ope mo go bona, ba ko ba sina boleo; mi yana ba li bonye, mi ba ’nkirile le Rre.

²⁵ Mi tse li rihahetse, gore lehuku ye le kuariloeñ mo molaoñ oa bona le rihahale, Ba ’nkirile ka boomu.

²⁶ Mi etlare Mogomotsi a sina tla, eo ki tla mo lo romelañ, a coa go Rra, eboñ Moea oa boamarure, o o coañ go Rra, ouo o tla shupa ga me:

²⁷ Mi le lona, lo tla shupa, gone lo lo na le ’na mo tsimologoñ.