Johane 13 - Bibela ea Boitsépho 1890 (Sechuana Tlhaping - Moffatt Bible)

KHAOLO 13.

¹ MI yana pele ga moriho oa Tlolaganyo, ka Yesu a itse oura oa gague o tlile, ha a tla coa mo hatsiñ ye, a ea go Rara ka ona, ka a la a rata ba gague ba ba mo hatsiñ, a ba rata le kua boheloñ.

² Mi ka e sa le selalelo (ka diabolo a tsenya mo peruñ ea ga Yuda Isekariota moroa Simone, go mo oka),

³ Yesu ka a itse Rra a mo neile lilo cotle mo atleñ tsa gague, le gona, ka a la a coa Morimoñ, mi a ea Morimoñ;

⁴ A nanoga mo selaleloñ, mi a baea aparo tsa gague, mi a cula sephimolo, a ikokoaela.

⁵ Morago ga mouo a tsela metse mo mogocaneñ, mi a simolola go tlapisa linao tsa barutoa, le go li phimola ka sephimolo se o la a ikokoaetse ka shona.

⁶ Eriha gona o tlañ go Simone Petero, mi eo, a mo raea, Morena a u tlapisa nao tsa me?

⁷ Yesu a araba, a mo raea, Se ki se rihañ, ga u se itse yana; mi u tla nama u se itse,

⁸ Petero a mo raea, Ga u kitla u tlapisa nao tsa me ka bosina bokhutlo. Yesu a mo araba, Etlare ha ki sa gu tlapise, ga u na kabelo le ’na.

⁹ Simone Petero a mo raea, Morena, esiñ nao tsa me cosi, tlapisa le cona atla tsa me, le tlogo ea me.

¹⁰ Yesu a mo raea, Eo o tlapisicoeñ, ga a tloke go tlapisioa, ha e si go tlapisa linao tsa gague, gone a itsekile gotle; mi lona lo itsekile, mi esiñ lotle;

¹¹ Gone a itse eo o tla mo okañ; ki gona o reñ, Ga loa itseka lotle.

¹² Mi yana ka a sina tlapisa nao tsa bona, a tsaea liaparo tsa gague, a ba a lula ha liyoñ, mi a ba raea, A lo itse se ki se lo rihetseñ?

¹³ Loa ’mpitsa Moruti le Morena; mi loa bua ka go siameñ; gone kintse yalo.

¹⁴ Ki gona, ha ’na eo ki leñ Morena le Moruti, ki tlapisitse nao tsa lona, le lona lo cuanetse go tlapisanya linao.

¹⁵ Gone ki lo neile sekao, gore lo rihe yaka ki lo rihetse.

¹⁶ Amarure, amarure, kia lo raea, Motlanka ga a mogolu bogolu go morena oa gague, le ena moroñoi ga a mogolu bogolu mo go eo o mo romileñ.

¹⁷ Ha lo itse lilo tse, lo tsegoharicoe ha lo li riha.

¹⁸ ¶ Gone ga ki bue ga lona lotle: kia itse ba ki ba itseñketseñ; mi gore lokualo lo rihahale, Eo o yañ señkhue le ’na, o ’nculeleritse serethe sa gague.

¹⁹ Yana kia lo bulelela pele go e si go rihahale, gore mogañ go rihahalañ lo rumele ha ki le ena.

²⁰ Amarure, amarure, kia lo raea, Leha e le mañmañ eo o mo culañ, eo ki mo romileñ, oa ’ncula; mi eo o ’nculañ, oa cula ena eo o ’nthomileñ.

²¹ Ka Yesu a sina bua lilo tse, a huruega mo moeeñ, mi a itsise, a re, Amarure, amarure, kia lo raea, Moñue oa lona o tla ’nkoka.

²² Eriha gona barutoa ba lebanañ, ba akanya gore o bua ga mañ?

²³ Ga bo go le ha lomatiñ moñue oa barutoa ba gague eo o letseñ ha sehubeñ sa ga Yesu, eo Yesu o mo ratañ.

²⁴ Ki gona Simone Petero o mo goetlañ, gore a motse o bua ga mañ?

²⁵ Mi eo a oela ha hubeñ sa ga Yesu, a mo raea, Morena, ana emañ?

²⁶ Yesu a araba, Ki ena eo, ki tla mo naeañ thathana, ki sina go e ina. Mi ka a ina thathana, a e naea Yuda Isekariota, moroa Simone.

²⁷ Mi ka a sina cula thathana, Satane a tsena go ena. Eriha gona Yesu o mo raeañ, Se u se rihañ, u se rihe ka bonako.

²⁸ Mi go si ka ga na ope oa bona ba ba rutseñ ha liyoñ, eo o la a tlaloganya gore o buelañ nae yalo.

²⁹ Ka Yuda a na le khetse ea sereko, bañue ba itlomile Yesu a muleletse go rekela moriho tse ri tlokahalañ; khotsa go naea bahumanegi señue.

³⁰ Mi ka a sina cula thathana, a akoha a coa; mi e le le bosigo.

³¹ ¶ Mi erile a sina go coa, Yesu a re, Yana Moroa mothu o galalericoe, mi Morimo o galalericoe mo go ena.

³² Ha Morimo o galalericoe mo go ena, Morimo le ona o tla mo galaletsa ka esi, mi o tla akoha o mo galaletsa.

³³ Banyana, ki sa na le lona ka lobakanyana. Lo tla ’mpatla; mi yaka ki reile Bayuda, Kua ki eañ gona, ga lo kake lo ea gona: ki bua yalo yana le lona.

³⁴ Kia lo naea taolo e nca, gore lo ratane, yaka ki lo ratile, le lona, gore lo ratane.

³⁵ Ha lo ratana, bathu botle ba tla itse lo barutoa ba me ka mo.

³⁶ Simone Petero a mo raea, Morena, u ea kae? Yesu a mo araba, Kua ki eañ gona, ga u kake ua ’ntatela yana, mi u tla nama u ’ntatela.

³⁷ Petero a mo araba, Morena, ana ki sa gu lateleleñ yana? Ki tla gu bela botselo yoa me.

³⁸ Yesu a mo araba, A u tla ’mpela botselo yoa gago? Amarure, amarure, kia gu raea, Koku e tona ga e kitla e lela go tlo go tsamaee u ’ntatole ga teri pele.