Johane 10 - Bibela ea Boitsépho 1890 (Sechuana Tlhaping - Moffatt Bible)

KHAOLO 10.

¹ AMARURE, amarure, kia lo raea, Ena eo o sa tseneñ ka khoro ea lesaka ya linku, mi a palama ka go sele, eo ki ena legoru le senokuane.

² Mi eo o tsenañ ka khoro, ki morisa oa liñku.

³ Morisa oa khoro oa mulela; mi liñku li utlua koru ea gague; mi o bitsa liñku tsa gague ka maina, a li gogela ntle.

⁴ Mi a sina go bolotsa liñku tsa gague, oa li etelela pele; mi liñku li mo sale morago; gone li itse koru ea gague.

⁵ Mi lia gana go sala moeñ morago, mi li tla mo tsaba; gone li sa itse koru tsa baeñ.

⁶ Yesu a bua secuanco se le bona; mi ba si ka ba tlaloganya se o se buañ nabo.

⁷ Mi Yesu a ba a ba raea, Amarure, amarure, kia lo raea, Ki ’na khoro ea liñku.

⁸ Botle ba ba tlileñ pele ga me, ki magoru le linokuane; mi liñku ga lia ka tsa ba utlua.

⁹ Ki ’na khoro; ha moñue a tsena ka ’na, o tla bulukoa; o tla tsena, mi a coa, mi o tla bona bohulo.

¹⁰ Legoru ga le tle ha e si go ucua, le go tlaba, le go senya; ki tlile gore li bone botselo, le bogolu yoa yona.

¹¹ Ki ’na morisa oa liñku eo molemo; morisa oa liñku eo molemo oa nela liñku botselo yoa gague.

¹² Mi eo o lalericoeñ, esiñ morisa, eo liñku esiñ tsa gague, ha a bona phiri e tla, a tlogela liñku, mi a tsabe, mi phiri e li cuare, mi e halatse liñku.

¹³ Eo o lalericoeñ oa tsaba, gone e le molalerioi, mi ga a tlamele liñku.

¹⁴ Ki ’na morisa oa liñku eo molemo; mi kia itse tsa me, mi ki itsioe ki tsa me.

¹⁵ Yaka Rra a ’nkitse, gontse yalo kia itse Rra; mi botselo yoa me, kia bo bela liñku.

¹⁶ Ki na le liñku li sele, tse esiñ tsa saka ye. Tse le cona ki cuanetse go li lere; mi li tla utlua koru ea me; mi go tla na lecomane ye leñue hela, le morisa eo moñue hela.

¹⁷ Ki gona Rre o ’nthatañ, gone ki baea botselo yoa me, gore ki be ki bo cule.

¹⁸ Ga go ope eo o bo ’ntseelañ, mi kia bo baea ka ’nosi; ki na le thata go bo baea, mi ki na le thata go ba ki bo cula. Taolo e, ki e bonye go Rre.

¹⁹ ¶ Eriha gona go bañ go na khaogano mo Bayudeñ ka ntla ea mahuku a.

²⁰ Mi bontsi yoa bona, yoa re, O na le modemona, mi oa tsenoa; lo mo utluelañ?

²¹ Ba bañue ba re, Mahuku a ga si a eo o cueroeñ ki modemona. A modemona o ka bula maitlo a sehohu?

²² ¶ Mi e le le moriho oa boshahaco yoa tempela mo Yerusalema; mi e le le mariga.

²³ Mi Yesu a tsamaea mo tempeleñ, mo khoroñ e kholu ea ga Solomone.

²⁴ Eriha gona Bayuda ba mo holañ, ba mo raea, U tla ria meoea ea rona go kai mo pelaeloñ? Ha u le Keresete re bulelele ka thanolo.

²⁵ Yesu a ba araba, Ki lo buleletse, mo ga lo rumele. Tiho tse ki li rihañ, mi ineñ ya ga Rre, li shupa ga me.

²⁶ Mi ga lo rumele, gone lo si ba liñku tsa me, yaka ki lo buleletse.

²⁷ Liñku tsa me, li utlua koru ea me, mi kia li itse, mi lia ’ntsala morago.

²⁸ Mi kia li naea botselo yo bo sa khutleñ; mi ga li kitla li latlega ka bosina bokhutlo, mi le gona ga go ope eo o tla li cubulañ mo atleñ sa me.

²⁹ Rre eo o li ’neileñ, ki ena mogolu go botle, mi ga go ope eo o ka li cubulañ mo atleñ sa ga Rre.

³⁰ ’Na le Rre, re moñue hela.

³¹ Ka mouo Bayuda ba ba ba cula maye go mo khobotletsa.

³² Yesu a ba araba, Ki lo shuperitse tiho tse ri molemo li lintsi tsa ga Rre; lo ’nkhobotleletsa tiho ehe ea cona?

³³ Bayuda ba mo araba, ba re, Ga re gu khobotleletse tiho e e molemo; mi e le ka khalo; mi gone ere u le mothu, u itiha Morimo.

³⁴ Yesu a ba araba, A ga goa kualoa mo molaoñ oa lona, Ki reile lo merimo?

³⁵ Mi ha a ba bitsa merimo ba huku ya Morimo le tlileñ go bona (mi lokualo ga lo kake loa tloloa),

³⁶ A loa re ga eo, eo o itsephisicoeñ ki Rra, a mo romela mo lehatsiñ, U khala Morimo, gone, ki reile, Ki Moroa Morimo?

³⁷ Ha ki sa rihe tiho tsa ga Rre, lo si ’ntumele.

³⁸ Mi ha ki li riha, leha lo sa ’ntumele, rumelañ litiho; gore lo itse, lo rumele, ha Rra a le mo go ’na, mi ’na mo go ena.

³⁹ Mi ba hela ba batla go mo cuara, mi a coa mo atleñ tsa bona;

⁴⁰ Mi a ba a boela kua moseya ga Yoridane, go ea helo kua Yohane o la a bapetisa gona pele, mi a nna gona.

⁴¹ Mi bontsi yoa ea go ena, yoa re, Yohane, ga a ka a riha seshupo; mi cotle tse Yohane o li buileñ ga eo, e le le tsa amarure.

⁴² Mi bontsi yoa rumela mo go ena gona.