Jakobe 5 - Bibela ea Boitsépho 1890 (Sechuana Tlhaping - Moffatt Bible)

KHAOLO 5.

¹ TLAÑ, lona bahumi, lo lele lo lelele likhumanego tsa lona tse ri tlañ go lona.

² Mahumo a lona a borile, le liaparo tsa lona li yeloe ki licuele.

³ Gouda le selevera tsa lona li cueroe ki mororu; mi mororu oa cona o tla shupega kaga lona, mi o tla ya nama ea lona yaka molelo. Lo phuthetse metla ea bohelo mahumo.

⁴ Bonañ, tuelo ea barihi ba ba robileñ masimo a lona, e e khutsaharicoeñ ka tsieco ki lona, ea bitsa; mi pico tsa bona ba ba robileñ, li tsenye mo tsebeñ tsa Morena oa Sabaota.

⁵ Lo loa tsela mo lehatsiñ ka monate, loa latela litlapelo, lo yesitse pelu tsa lona yaka mo tsatsiñ ya tlabo.

⁶ Lo sekisitse, loa bolaea mosiami; mi ga a ganele le lona.

⁷ Ki gona bakauleñue, nañ bopelutelele le mo go tleñ ga Morena. Bonañ, morihi‐tsimo o lebeletse louñuo lo lo molemo loa lehatse, mi o bopelutelele mo go lona, go tlo go tsamaee a bone pula ea ntla le ea morago.

⁸ Le lona lo ne bopelutelele; tlomamisañ pelu tsa lona; gone go tla ga Morena goa atamela.

⁹ Bakauleñue, si ñoñoregelaneñ, gore lo si sekisioe. Bonañ, mosekisi o eme ha pele ga moyako.

¹⁰ Bakauleñue ba me, Culañ baperofeti ba ba buileñ mo ineñ ya Morena, go na sekao sa kutlo ea pogisho, le sa bopelutelele.

¹¹ Bonañ, re ba kaea ba tsegoharicoe ba ba icokañ. Lo utluile ga iphapanyo ea ga Yobe, mi lo bonye boikaelelo yoa Morena, kaha Morena a leñ boicuarelo yo bogolu le moutlueribotluku.

¹² Bakauleñue ba me, bogolu mo liloñ cotle, lo si ikaneñ, esiñ ka legorimo, le esiñ ka lehatse, le esiñ ka ikano e sele; mi a E ea lona e ne E; mi Nya ea lona e ne Nya; gore lo si oele mo tsekishoñ.

¹³ A moñue mo go lona o mo pogishoñ? a a rapele. A moñue oa itumela? a a opele lipesalem.

¹⁴ A moñue oa bobola mo go lona? a a ipiletse bagolu ba ekelesia; mi a ba mo rapelele, ba mo tlotse ka loukuane mo ineñ ya Morena;

¹⁵ Mi thapelo ea tumelo e tla buluka mobori, mi Morena o tla mo cosa, mi ha a leohile, o tla go icuareloa.

¹⁶ Ipobolaneñ litlolo tsa lona, mi lo rapelelane gore lo horisioe. Thapelo e e thata ea mosiami e riha segolu.

¹⁷ Eliyahue o la a le monona eo o la a na le maikutluo a a cuanañ le a rona, mi o la a rapela thapelo gore pula e si ne; mi e si ka ea na mo hatsiñ ka linyaga li teri le likhueri li sekes.

¹⁸ Mi a ba a rapela, mi legorimo ya naea pula, mi mbu oa uñua mauñuo a ona.

¹⁹ Bakauleñue, ha moñue oa lona a timecoe ki boamarure, mi moñue a mo shokolola;

²⁰ A a itse ha eo o shokololañ moleohi mo timeloñ ea tsela ea gague, o tla buluka moea gore o si ee kua loshuñ, mi o tla bipa bontsi yoa libe.