Filimone 1 - Bibela ea Boitsépho 1890 (Sechuana Tlhaping - Moffatt Bible)

KHAOLO 1.

¹ PAULO, mogolegoi oa ga Yesu Keresete, le Timoteo, mokauleñue, go Filemone, moratoi le moriheri le rona.

² Le go Apefia moratoi, le Arekipo motlabani ka rona, le go ekelesia e e mo tluñ ea gago:

³ Tsegahaco e ne le lona, le kagisho e e coañ Morimoñ Rra ecu, le Yesu Keresete Morena.

⁴ Ki itumelela Morimo oa me, ki gu gopola ka gale mo merapeloñ ea me,

⁵ Ka ki utlua ga lorato loa gago, le tumelo ea gago, e u nañ naeo mo go Yesu Morena, le mo baitsephiñ botle;

⁶ Gore kabalano ea tumelo ea gago, e ne thata mo kitsishoñ ea lilo cotle tse ri molemo, tse ri mo go lona ka Keresete Yesu.

⁷ Gone re na le boitumelo yo bogolu, le khomoco mo loratoñ loa gago, gone boteñ yoa baitsephi bo rurisicoe ki uena, mokauleñue.

⁸ Ki gona leha ’nkabo ki na le pelukhale e kholu mo go Keresete go gu laolela se se cuanetseñ,

⁹ Leha gontse yalo, bogolu kia gu rapela ka ntla ea lorato, ka ki le eo ontseñ yaka Paulo eo o mogogaie, eo le yana ki leñ mogolegoi oa ga Yesu Keresete.

¹⁰ Ki gu rapelela Onesimo moroake, eo ki mo tsetseñ mo kholegoñ tsa me;

¹¹ Eo erileñ pele a bo a sina molemo go uena, mi yana o molemo mo go uena le mo go ’na;

¹² Eo ki bileñ ka mo roma; ki gona u mo cule, ki go re, boteñ yoa me;

¹³ Eo ’nkaboñ ki mo thibetse go ’na, gore a ’ntihele mo bonnoñ yoa gago, mo likholegoñ tsa evangelio;

¹⁴ Mi ki gane go riha sepe ha e si ka go rata ga gago; gore tihelo ea molemo ea gago e si ne kaha kholeloñ, mi e ne ka go rata.

¹⁵ Gone khampo ki gona o la a khaogañoa nau ka motlanyana, gore u ne nae ka bosina bokhutlo;

¹⁶ Yana esiñ yaka motlañka, mi a ne bogolu go motlañka, ki mokauleñue eo o rategañ, mi bogolu go ’na, mi bogolu yañ go uena mo nameñ, le mo Moreneñ?

¹⁷ Ki gona ha u ’nkaea ki le molekane, mo cule yaka u ko u ’ncula.

¹⁸ Ha a gu siamololetse, khotsa a le molatu nau, u o balele go ’na;

¹⁹ ’Na, Paulo, ki kuarile ka atla sa me se, ki tla o leha; gore ki si gu ree, Le uena u molatu gotle ga gago go ’na.

²⁰ E, mokauleñue, a ki ne le boitumelo kaga gago mo Moreneñ; rurisa boteñ yoa me mo Moreneñ.

²¹ Ki gu kualetse, ki ikanya kutlo ea gago, mi kia itse ha u tla riha le bogolu mo go se ki se buañ.

²² Mi le gona ’mpakanyetsa ntlu ea go tlola; gone kia shuluhela ha ki tla lo neoa ka ntla ea merapelo ea lona.

²³ Epafere mogolegoi le ’na mo go Keresete Yesu oa gu rumerisa;

²⁴ Le Mareko, le Aresetareko, le Deme, le Luke, bariheri le ’na.

²⁵ Tsegohaco ea ga Yesu Keresete Morena oa rona, e ne le moea oa gago. Amena.