Esekiele 12 - Bibela ea Boitsépho 1890 (Sechuana Tlhaping - Moffatt Bible)

KHAOLO 12.

¹ MI lehuku ya ga Yehova ya ’ntihahalela, ya re,

² Moroa mothu, u nntse mo go ba ntlu ea cuulolo, ba ba nañ le maitlo go bona, mi ga ba bone; ba na le litsebe go utlua, mi ga ba utlue: gone e le ba ntlu ea cuulolo.

³ Ki gona, uena moroa mothu, ipakanyetsa lilo tsa khurugo, mi u huruge ka letsatsi ha pele ga maitlo a bona; mi u huruge mo heloñ ga gago go ea kua heloñ ha goñue ha pele ga maitlo a bona: ekare khotsa ba tlokomela, leha ba le ntlu ea cuulolo.

⁴ Mi u ntse lilo tsa gago ka tsatsi ha pele ga maitlo a bona, yaka lilo tsa khurugo; mi u coe ka matsiboea ha pele ga maitlo a bona, yaka ba ba coelañ kua bocuaroñ.

⁵ U phunye lomota ha pele ga maitlo a bona, mi u ntse lilo tsa gago ka gona.

⁶ Kaba mo leruliñ ya gago; u li ntse ka lotlatlana: u khurumetse hatlogo sa gago, gore u si bone mbu: gone ki gu rihile cupo go ba ntlu ea Yeserela.

⁷ Mi ka riha yalo yaka ki laocoe: ka ntsa lilo tsa me ka letsatsi, yaka lilo tsa khurugo, mi ka phunya lomota ka atla sa me ka matsiboea; ka li ntsa ka lotlatlana, ka li kaba mo leruliñ ya me ha pele ga maitlo a bona.

⁸ ¶ Mi lehuku ya ga Yehova ya ’ntihahalela mo moshoñ, ya re,

⁹ Moroa mothu, A ba ntlu ea Yeserela, eboñ ba ntlu ea cuulolo, a ga ba ka ba gu raea, U rihañ?

¹⁰ U ba ree, Go bua yalo Yehova Morena: Perofesho e, e le kaga khosana e e mo Yerusalema, le ba ntlu ea Yeserela botle ba ba mo go bona.

¹¹ U re, Ki seshupo sa lona: yaka ki rihile, ba tla riheloa yalo: ba tla huruga, ba ea kua bocuaroñ.

¹² Mi khosana e e mo go bona e tla kaba mo leruliñ ya eona ka lotlatlana, mi e tla coa: e tla phunya lomota go ntsa ka gona: e tla khurumetsa hatlogo sa eona, gore e si bone mbu ka maitlo.

¹³ Mi ki tla ala lotloa loa me go eona, mi e tla cuaroa ka seru sa me: mi ki tla e isa kua Babelona kua hatsiñ ya Bakaledia; mi ga e kitla e o bona, leha e tla shuela gona.

¹⁴ Mi botle ba ba tikologoñ ea eona go e thusa, le mashomo aotle a eona, ki tla ba halaletsa mo phehoñ cotle; mi ki tla ba shomolela caka morago.

¹⁵ Mi ba tla itse ha ki le Yehova, mogañ ki ba halaletsañ mo bahaiteneñ, ki ba gasa mo mahatsiñ.

¹⁶ Mi ki tla sarisa thaka li linye tsa bona mo cakeñ, le mo loshekeriñ, le mo pesetelenseñ; gore ba bulele maila aotle a bona mo bahaiteneñ kua ba tla hitlañ gona; mi ba tla itse ha ki le Yehova.

¹⁷ ¶ Mi lehuku ya ga Yehova ya ’ntihahalela, ya re,

¹⁸ Moroa mothu, u ye liyo tsa gago ka thoromo, mi noa metse a gago ka thoromo le kotlomano.

¹⁹ Mi raea bathu ba lehatse, Go bua yalo Yehova Morena ga banni ba Yerusalema, mo hatsiñ ya Bayeserela: Ba tla ya liyo tsa bona ka kotlomano, le go noa metse a bona ka khakhamalo, gone lehatse ya bona le tla ropeha-lelerioa cotle tsa yeona, ka tsenyo ea botle ba ba nntseñ go yeona.

²⁰ Mi metse e e nncoeñ e tla khakhabarioa, mi lehatse le tla senyega, mi lo tla itse ha ki le Yehova.

²¹ ¶ Mi lehuku ya ga Yehova ya ’ntihahalela, ya re,

²² Moroa mothu, seane se lo nañ nasho mo hatsiñ ya Bayeserela ki sañ, sa re, Metla e leleharioa, mi lipontsisho li hela cotle?

²³ Ki gona u ba ree@ Go bua yalo Yehova Morena: Ki tla khutlisa seane se, mi ga ba kitla ba tlola ba tlaba seane mo Bayesereleñ; mi u ba ree, Metla e atametse, le tihahalo ea lipontsisho cotle.

²⁴ Gone ga go kitla go tlola go na pontsisho epe ea boithamako, le esiñ boitseyoanape yoa borethe mo go ba ntlu ea Yeserela.

²⁵ Gone ki Yehova: ki tla bua, mi lehuku ye ki tla le buañ le tla rihahala; ga le kitla le tlola le leleharioa: gone lona ba ntlu ea cuulolo, ki tla bua lehuku, ki le rihahatsa ka metla ea lona, go bua Yehova Morena.

²⁶ ¶ Mi lehuku ya ga Yehova ya ’ntihahalela, ya re,

²⁷ Moroa mothu, bona, ba ntlu ea Yeserela ba re, Pontsisho e o e bonañ ki ea metla e sa leñ gole, mi a perofesa ga metla ea bokhakala.

²⁸ Ki gona u ba ree, Go bua yalo Yehova Morena: Ga go kitla go tlola go riegeloa mahuku ape a me; lehuku ye ki le buileñ le tla rihala, go bua Yehova Morena.