Ekesodo 3 - Bibela ea Boitsépho 1890 (Sechuana Tlhaping - Moffatt Bible)

KHAOLO 3.

¹ MI Moshe a bo a hurisa lecomane ya ga Yeteroe mogoagariague, moperiseti oa Midiana: mi a gogela lecomane kua pele ga bogareganaga, mi a hitla thabeñ ea Morimo, eboñ Horeba.

² Mi moengeli oa ga Yehova a iponatsa go ena a le mo khabuñ ea molelo, gareñ ga setlare: mi a bona, mi bonañ setlare sa bo se tuka molelo, mi setlare sa bo se sa she.

³ Mi Moshe a re, Yana ki tla hapogela go bona pono e kholu e, kaha setlare se se sa sheñ ka gona.

⁴ Mi eare Yehova a bona a hapogela go bona, Morimo oa mitsa o le gare ga setlare, mi oa re, Moshe! Moshe! Mi a re, Ki hanu.

⁵ Mi oa re; Si atamele kuanu: rola tlaku tsa gago mo naoñ tsa gago; gone helo hoñ u emeñ gona, ki ombu o o boitsepho.

⁶ Mi oa hela o re, Kina Morimo oa bo‐rra eno, Morimo oa ga Aberahame, le Morimo oa ga Yitsake, le Morimo oa ga Yakobe. Mi Moshe a shuba hatlogo sa gague; gone a boiha go leba Morimo.

⁷ ¶ Mi Yehova a re, Ki bonetse rure pogisho ea bathu ba me ba ba mo Egepeto, mi ki utluile khoo ea bona e e leñ ka eintla ea bagobagobetsi ba bona; gone ki itse mahutsana a bona;

⁸ Mi ki hologetse go ba golola mo atleñ tsa Baegepeto, le go ba entsa mo hatsiñ yenu, go ba isa mo hatsiñ ye le molemo le boatlamo; kua hatsiñ ye le elañ mashi le linotse; kua heloñ ga Bakanana, le ga Baheta, le ga Baamora, le ga Baperesa, le ga Baheva, le ga Bayebusa.

⁹ Mi yana, bona, khoo ea bana ba Yeserele e tlile go na: mi le gona, ki bonye patiko e Baegepeto ba ba patikañ ka eona.

¹⁰ Mi yana, eintlo, mi ki tla gu romela go Faroe, gore u entse bana ba Yeserele, bathu ba me mo Egepeto.

¹¹ ¶ Mi Moshe a raea Morimo, Ana ki mañ eo nka eañ go Faroe, le go entsa bana ba Yeserele mo Egepeto?

¹² Mi oa re, Ki tla na nau rure; mi se se tla na seshupo go uena, ha e le ’na eo ki gu romileñ. Etlare mogañ u sina entsa bathu mo Egepeto, lo tla rihela Morimo ha thabeñ e.

¹³ ¶ Mi Moshe a raea Morimo. Bona, etlare ki hitla mo baneñ ba Yeserele, ki ba raea, Morimo oa bo‐rra eno o ’nthometse go lona; mi ha ba ’nthaea, Leina ya gague e mañ? ki tla ba raea ki reñ?

¹⁴ Mi Morimo oa raea Moshe, KINA EO, EO O TLA NAÑ, mi oa re, U ree bana ba Yeserele yalo, KINA o ’nthometse go lona.

¹⁵ ¶ Mi Morimo oa hela o raea Moshe, Raea bana ba Yeserele yalo, u re, Yehova Morimo oa bo‐rra eno, Morimo oa ga Aberahame, le Morimo oa ga Yitsake, le Morimo oa ga Yakobe, o ’nthometse go lona: ye ki leina ya me ka bosakhutleñ, mi ye ki segoporisho sa me mo kokomaneñ cotle.

¹⁶ U ee, u phuthe bagolu ba Boyeserela mogo, mi u ba ree, Yehova Morimo oa bo‐rra eno o impontsitse, eboñ Morimo oa ga Aberahame, le oa ga Yitsake, le oa ga Yakobe, oa re, Ki lo lekoletse rure, mi Ki bonye tse li lo rihalelañ mo Egepeto:

¹⁷ Ki gona ki rileñ, Ki tla lo entsa mo pogishoñ ea Egepeto, ki lo isa kua hatsiñ ya Bakanana, le ya Baheta, le ya Baamora, le ya Baperesa, le ya Baheva, le ya Bayebusa; lehatsi ye le elañ mashi le linotse.

¹⁸ Mi ba tla utlua koru ea gago: mi u ee, uena le bagolu ba Boyeserela kua khosiñ ea Egepeto, mi lo e ree, Yehova Morimo oa Bahebera o la a tla go rona: mi rea gu rapela, u re lese go ea loetoñ loa malatsi a teri kua bogareñganaga, gore re shupele Yehova Morimo oa rona.

¹⁹ ¶ Mi kia itse khosi ea Egepeto ga e kitla e lo lesa go ea, ha e si ka atla se se thata.

²⁰ Mi ki tla otlolola atla sa me, ki daea Egepeto ka likhakhamaco, tse ki tla li rihañ mo gare ga gona: mi morago ga mouo e tla lo lesa go tsamaea.

²¹ Mi ki tla nela bathu ba tsalano mo maitloñ a Baegepeto: mi go tla rihala mogañ lo coañ, ga lo kitla lo coa lo iphotlere.

²² Mosari moñue le moñue o tla arima lilo tsa selevera, le lilo tsa gouda, le liaparo go moñ ka ena, le go ena eo o tlolatlolañ mo tluñ ea gague: mi lo tla li baea mo go bomoroa lona le bomoroaria lona; mi lo tla amoga Baegepeto.