Ekesodo 2 - Bibela ea Boitsépho 1890 (Sechuana Tlhaping - Moffatt Bible)

KHAOLO 2.

¹ MI monona oa eintlu ea ga Leve, a ea a nyala moroaria Leve.

² Mi mosari a ithuala, a bona mosimane; mi eare a mona a le moiñtle, a mo shuba ka khueri li teri.

³ Mi eare a reteleloa ki go tlola a mo shuba, a mo tsela serotu sa papira, mi a se kana ka bitumena, le ka boka, mi a baea ñuana mo go shona, mi a se baea mo mekhasiñ ha intsiñ ea noka.

⁴ Mi khantsarie a ikemisa khakala go itse se se tla mo rihalelañ.

⁵ ¶ Mi moroaria Faroe a hologa go tlacua mo nokeñ; mi baroetsana ba gague ba sepela ha intsiñ ea noka; mi eare a bona serotu mo mokhasiñ, a roma lelata ya yague go se lere.

⁶ Eare a se khurumolola a bona ñuana: mi bonañ, ñuanyana a lela. Mi a mo utluela botluku, mi a re, Eo ki oa bana ba Bahebera.

⁷ Ereha gona khantsarie o raeañ moroaria Faroe, A ga ’nkake ka ea go gu biletsa moamusi oa basari ba Bahebera, gore a gu amusetse ñuana eo?

⁸ Mi moroaria Faroe, a mo raea, Ea, mi moroetsana a ea, a bitsa ma ñuana.

⁹ Mi moroaria Faroe a mo raea, Tsaea ñuana eo, mi u mo ’nkamusetse, mi ki tla gu naea tuelo ea gago. Mi mosari a cula ñuana a mo amusa.

¹⁰ Mi eare ñuana a sina gola a mo lere go moroaria Faroe, mi a na yaka moroaue. Mi a mo sha leina ya Moshe: mi a re, gone ki mo shuabotse mo metseñ.

¹¹ ¶ Mi ga rihala mo metleñ euo ka Moshe a sina gola, a coela go bana ba ga rague, mi a leba mebelego ea bona: mi a bona Moegepeto a tlanya Mohebera, oa bana ba ga rague.

¹² Mi a koba kua le kua, mi eare a bona go sina ope, a bolaea Moegepeto, a mo shuba mo moshaueñ.

¹³ Mi motla o moñue ka a ba a coela go bona, mi bonañ, Bahebera ba tu ba loa: mi a raea eo o rumolañ, U tlanyetsañ moñ ka uena?

¹⁴ Mi a re, U laolecoe e mañ molaori le mosiamisi oa rona? A u rata go ’mpolaea yaka u bolaile Moegepeto? Moshe a boiha, mi a re, Amarure seo se, se itsegile.

¹⁵ Mi yana eare Faroe a utlua seuo, a batla go bolaea Moshe. Mi Moshe a tsaba hatlogo sa ga Faroe, mi a nna mo hatsiñ ya Midiana: mi a lula ha seribeñ.

¹⁶ ¶ Mi moperiseti oa Midiana a bo a na le bomoroarie ba seven: mi ba tla go ga metse, mi ba tlatsa likati go nosa lecomane ya ga rabo.

¹⁷ Mi barisi ba tla, ba ba leleka: mi Moshe a nanoga, a ba thusa, a nosa lecomane ya bona.

¹⁸ Mi erile ba hitla go Reuele rabo, a re, Ana lo akohile yañ ka yenu?

¹⁹ Mi ba re, Moegepeto o re golotse mo barisiñ; le gona a re gela segolu, mi a nosa lecomane.

²⁰ Mi a raea bomoroarie, Ana o ha kae? lo leseleritseñ monona a ea? mitseñ gore a ye liyo.

²¹ Mi Moshe a itumela go nna le monona eo: mi a naea Moshe Tsiporahe moroarie.

²² Mi a tsala nae mosimane, mi a mo sha leina ya Gereshome: gone a re, Ki moeñ mo hatsiñ ya boeñ.

²³ ¶ Mi ga rihala ka lobaka lo sina heta, khosi ea Egepeto ea shua: mi bana ba Yeserele ba hegerisioa ki tihelo; mi ba goela, mi go goa ga tihelo ga tlatlogela Morimoñ.

²⁴ Mi Morimo oa utlua conelo ea bona, mi Morimo oa gakologeloa kholagano ea ona le Aberahame, le Yitsake, le Yakobe.

²⁵ Mi Morimo oa leba bana ba Yeserele, mi Morimo oa ba ñoka.