Ekesodo 18 - Bibela ea Boitsépho 1890 (Sechuana Tlhaping - Moffatt Bible)

KHAOLO 18.

¹ MI erile Yeteroe, moperiseti oa Midiana, mogoagari oa ga Moshe a sina utlua cotle tse Morimo o lo oa li rihela Moshe, le Boyeserela bathu ba ona, mi ka Yehova o la a entsa Boyeserela mo Egepeto:

² Ereha gona Yeteroe mogoagari oa ga Moshe o tsaeañ Tsipore, mosari oa ga Moshe, ka a la a mosetsa morago,

³ Le bomoroaue ba tu, eo moñue leina ya gague e le le Gereshome; gone a la a re, Ki moeñ mo hatsiñ ya boeñ:

⁴ Mi leina ya eo moñue, e le le Eliesere; gone a la a re, Morimo oa ga rre o lo le thusho ea me, mi o ’nkholotse mo cakeñ ea ga Faroe:

⁵ Mi Yeteroe mogoagari oa ga Moshe a tla le bomoroa Moshe, le mosari oa gague go Moshe bogareñganaga, ha o la a tlaolela gona ha thabeñ ea Morimo:

⁶ Mi a raea Moshe, a re, ’Na Yeteroe, mogoagariago, ki tlile go uena, le mosari oa gago le bomoroaue ba tu nae.

⁷ ¶ Mi Moshe a coela eintle go khatlantsa mogoagariague, mi a obama, a mo atla; mi ba botsanya kaha bantseñ ka gona; mi ba ea mo tenteñ.

⁸ Mi Moshe a kakanyetse mogoagariague cotle tse Yehova o la a li rihela Faroe le Baegepeto, ka eintla ea Boyeserela, le tapisho eotle e e le ea tla go bona mo tseleñ, le kaha Yehova o ba golotseñ ka gona.

⁹ Mi Yeteroe a itumelela molemo otle o Yehova o la a rihela Boyeserela ka ona; ba o la a ba golola mo atleñ tsa Baegepeto.

¹⁰ Mi Yeteroe a re, Go tsegahala Yehova eo o lo golotseñ mo atleñ tsa Baegepeto, le mo atleñ sa ga Faroe, eo o golotseñ bathu ba, tlatse ga atla tsa Baegepeto.

¹¹ Yana kia itse Yehova o mogolu go merimo eotle: gone o la le gorimo ga bona mo seoñ se ba le ba kakahala ka shona.

¹² Mi Yeteroe mogoagari oa ga Moshe, a tsela Morimo cupelo ea phisho, le cupelo tsa tlabo: mi ga tla Arone, le bagolu botle ba Boyeserela, go ya señkhue le mogoagari oa ga Moshe ha pele ga Morimo.

¹³ ¶ Mi Moshe a lula go siamisa bathu ka mosho: mi bathu ba ema ha pele ga Moshe, go simolola go sale mosho go ea matsiboeeñ.

¹⁴ Mi mogoagari oa ga Moshe a sina bona cotle tse o la a rihela bathu ka cona, a re, U rihelelañ bathu yalo? Untse yañ ka u lutse u le uesi, ka bathu botle ba eme ha pele ga gago, go simolola go sa le mosho go ea matsibo-een?

¹⁵ Mi Moshe a raea mogoagariague Ka gone bathu ba tla go ’na go lopa khakololo Morimoñ:

¹⁶ Eare ha ba na le señue, ba tla go ’na; mi ki siamisa gare ga monona le moñ ka ena; mi ki ba itsise litaeo tsa Morimo, le melao ea ona.

¹⁷ Mi mogoagari oa ga Moshe a mo raea, Se u se rihañ ga se molemo.

¹⁸ U tla tlotloregela rure, uena, le bathu bauo ba u nañ nabo: gone seo se, se thata go uena, ga ua nonoha go se riha ka uesi.

¹⁹ Retsa yana koru ea me, ki tla gu gakolola, mi Morimo o tla na nau: U ne gare ga bathu le Morimo, mi u ise lilo tsa bona ha pele ga Morimo:

²⁰ Mi u ba rute litaeo, le melao, le go ba itsise tsela e ba tla sepelañ mo go eona, le tiho e ba tla e rihañ.

²¹ Mi u itebalebele mo bathuñ botle banona ba bocuiriri, ba ba boihañ Morimo, banona ba boamarure, ba ba ilañ timano; u ba ba laorise, go na balaori ba bothousanda, le balaori ba bohundereda, le balaori ba bofaevete, le balaori ba boten;

²² Mi a ba siamise bathu ka metla eotle; mi señue le señue se segolu a ba se lere go uena, señue le señue se se botlana a ba se siamise: mi go tla gu hehohalela, mi ba tla belega melego nau.

²³ Ere ha u riha seo se, mi Morimo o gu laola yalo, ereha gona u tla icokañ, mi bathu botle ba, ba tla ea heloñ ga bona ka kagisho.

²⁴ Mi Moshe a retsa koru ea ga mogoagariague, mi a riha cotle tse o la a li bua.

²⁵ Mi Moshe a itseñkela banona ba bocuiriri mo go Boyeserela botle, mi a ba riha litlogotlogo mo bathuñ ba, eboñ balaori ba bothousanda; le balaori ba bohundereda, le balaori ba bofaevete, le balaori ba boten.

²⁶ Mi ba siamisa bathu ka metla eotle; lilo tse ri thata ba li lere go Moshe, señue le señue se se botlana ba se siamisa.

²⁷ Mi Moshe a lesa mogoagariague go ea; mi a ea hatsiñ ya gague.