Ekesodo 10 - Bibela ea Boitsépho 1890 (Sechuana Tlhaping - Moffatt Bible)

KHAOLO 10.

¹ MI Yehova a raea Moshe, Ea go Faroe: gone ki thataharitse pelu ea gague, le pelu tsa batlañka ba gague, gore ki bonatse cupo tsa me tse mo go bona.

² Mi gore u bulele mo tsebeñ tsa ga moroau, le tsa ga moroa moroau lilo tse ki li rihileñ mo Egepeto, le cupo tsa me tse ki li rihileñ mo go bona, gore lo itse ha e le ’na Yehova.

³ Mi Moshe le Arone ba ea go Faroe, ba mo raea, Go bua yalo Yehova Morimo oa Bahebera, U tla gana ka bolele bo le kai go ikatisa ha pele ga me? lesa bathu ba me ba ee, gore ba ’ntihele.

⁴ Mi ere ha u gana go lesa bathu ba me go ea, bona, ki tla lere tsie mo moleloaneñ oa gago ka mosho:

⁵ Mi e tla harahara lehatsi, e tsamaea moñue a reteleloa ki go bona lehatsi: mi e tla ya tse ri setseñ tsa tse ri ri halotse, tse ri lo saletseñ mo sehakoñ, mi e tla ya tlare cotle tse ri lo melelañ mo nageñ:

⁶ Mi e tla tlala matlu a gago, le matlu a batlañka ba gago botle, le matlu a Baegepeto botle; yaka go e si go ke go bonoe ki bo‐rago, le bo‐rabo bo‐rago, ka motla o ba le ba le mo hatsiñ ka ona le nakoñ enu. Mi a menoga mi a coa go Faroe.

⁷ ¶ Mi batlañka ba ga Faroe ba mo raea, Eouo, o tla na seru go rona bolele bo le kai? lesa banona ba ee, gore ba rihele Yehova Morimo oa bona: a u santse u e si u itse ha Egepeto a senyegile?

⁸ Mi Moshe le Arone ba bo ba leroe go Faroe: mi a ba raea, Eañ, lo rihele Yehova Morimo oa lona: mi e bo mañ le bo mañ ba ba tla eañ?

⁹ Mi Moshe a re, Re tla ea le makau le bacohe, le bomoroa rona le bomoroaria rona, le macomane a rona, le matlape a rona, gone re na le moletlo oa ga Yehova.

¹⁰ Mi a ba raea, A le Yehova a ne le lona, ha ’nka lo lesa go ea le banyana ba lona: itiseñ; gone boshula bo ha pele ga lona.

¹¹ Esiñ yalo: yana lo ee, lona banona, lo rihele Yehova; gone lo eleritse yalo. Mi ba lelekoa ha pele ga Faroe.

¹² ¶ Mi Yehova a raea Moshe, Otlololela atla sa gago gorimo ga hatsi ya Egepeto, gore tsie e tle, gore e tle mo hatsiñ ya Egepeto, go ya merogo ea lehatsi eotle, eotle e sehako se e siileñ.

¹³ Mi Moshe a otlololela gorimo ga hatsi ya Egepeto tsama ea gague, mi Yehova a lere pheho ea Iseta mo hatsiñ ka tsatsi yeuo yeotle, le sigo yotle youo; mi ga rihala pheho ea Iseta ea lere tsie go sa le mosho.

¹⁴ Mi tsie ea tla mo hatsiñ yeotle ya Egepeto, ea lala mo meleloaneñ eotle ea Egepeto ka leshogori ye legolu: gabo go e si go ke go ne tsie yaka eona, mi ga go kitla go tlola go na yaka eona.

¹⁵ Gone le e ea harahara lehatsi yeotle, ea tsamaea lehatsi ya hihala; mi ea ya merogo eotle ea lehatsi, le mauñuo aotle a litlare a a la sala mo sehakoñ; mi gabo go sa sale sepe se se talana mo litlareñ, le mo merogoñ mo hatsiñ yeotle ya Egepeto.

¹⁶ ¶ Eareha gona Faroe a akoha a bitsa Moshe le Arone, mi a re, Ki leohetse Yehova Morimo oa lona, le lona.

¹⁷ Mi yana kia lo rapela, incuare-leñ seleo sa me mo bakeñ senu shosi, mi rapelañ Yehova Morimo oa lona, go ’ntlosetsa loshu lo losi.

¹⁸ Mi a coa go Faroe, mi a rapela Yehova.

¹⁹ Mi Yehova a bosa pheho e e thata bogolu ea Ueseta, mi ea kharametsa tsie, ea e rigela mo Leoatleñ ye le Hubiru: ga bo go sa sale tsie epe mo meleloaneñ eotle ea Egepeto.

²⁰ Mi Yehova a thatahatsa pelu ea ga Faroe, mi a gana go lesa bana ba Yeserele go ea.

²¹ Mi Yehova a raea Moshe, Otlololela atla sa gago legorimo, gore lehihi le ne mo hatsiñ ya Egepeto: eboñ lehihi ye le ka apa‐apioañ.

²² Mi Moshe a otlololela atla sa gague legorimo; mi ga na lehihi ye legolu ya khuru mo hatsiñ yeotle ya Egepeto, ka malatsi a teri:

²³ Ba bo ba sa bonane, le gona go si ope eo o nanogañ heloñ ga gague ka malatsi a teri: mi bana ba Yeserele ba le ba na le leseri mo maagoñ a bona.

²⁴ ¶ Mi Faroe a bitsa Moshe, mi a re, Eañ lo rihele Yehova; kaga gona gosi a macomane a lona le matlape a lona a sale: le bona banyana ba lona a ba ee le lona.

²⁵ Mi Moshe a re, Le gona u re nee cupelo tsa tlabo le cupelo tsa phisho, gore re shupele Yehova Morimo oa rona;

²⁶ Le cona khomu tsa rona re ea naco; ga go tlaku epe e e tla salañ kua morago; gone re tla tsaea ga cona go rihela Yehova Morimo oa rona; gone ga re itse se re tla rihelañ Yehova ka shona re tla re tsamaea re hitla gona.

²⁷ ¶ Mi Yehova a thatahatsa pelu ea ga Faroe, mi a gana go ba lesa go ea.

²⁸ Mi Faroe a mo raea, Tloga go ’na, u itise gore u si tlole u bona hatlogo sa me; gone motleñ o u bonañ hatlogo sa me u tla shua ka ona.

²⁹ Mi Moshe a re, U buile ka go siame, Ga ’nkitla ki tlola ki bona hatlogo sa gago.