Daniele 1 - Bibela ea Boitsépho 1890 (Sechuana Tlhaping - Moffatt Bible)

KHAOLO 1.

¹ NEBUKADENETSARE khosi ea Babelona a hitla Yerusalema, a o tlasela, ka ñuaga oa bo‐teri oa pusho ea ga Yehoyakime khosi ea Yuda.

² Mi Morena a tsenya Yehoyakime khosi ea Yuda mo atleñ sa gague, le lilo tse riñue tsa ntlu ea Morimo: mi a li isa kua hatsiñ ya Shinara, mo tluñ ea morimo oa gague; mi a tsenya lilo tseuo mo tluñ ea lohumo ea ntlu ea morimo oa gague.

³ ¶ Mi khosi ea bua le Ashepenase mogolu oa likala tsa eona, gore a lere bañue ba bana ba Yeserela, le ba losika loa bogosi, le ba likhosana;

⁴ Eboñ makau a a sinañ bokoa, a a maiñtle go leyoa, a na le tlaloganyo ea botlale yotle, le go itse botlale, le go itse kico, le a a nonohileñ go ema mo palisoñ ea khosi, a a ka rutoañ lokualo le puo ea Bakaledia.

⁵ Mi khosi ea a laolela kabelo ea liyo tsa khosi ka tsatsi le tsatsi, le ga boyaloa yo e bo noañ; go a gorisa ka nyaga li teri, gore a eme ha pele ga khosi bokhutloñ yoa cona.

⁶ Mi Daniele, le Hananie, le Mishaele, le Asarie, e le le ba bona ba bana ba Yuda.

⁷ Mi mogolu oa likala a ba sha maina: mi a sha Daniele leina ya Beleteshatsare; le Hananie, ya Shaderake; le Mishaele, ya Meshake; le Asarie, ya Abede‐negoe.

⁸ ¶ Mi Daniele a ikaelela mo peluñ ea gague ha a si kitla a iitsekolola ka kabelo ea liyo tsa khosi, le esiñ ka boyaloa yo e bo noañ: ki gona o lopañ mogolu oa likala gore a si iitsekolole.

⁹ Mi Morimo oa naea Daniele pelunomi le mautluelo botluku ha pele ga mogolu oa likala.

¹⁰ Mi mogolu oa likala a raea Daniele, Kia boiha khosi morena oa me, e e lo laoletseñ liyo le noo: gone e ko e bonelañ lihatlogo tsa lona li tlonya bogolu go makau a mophato oa lona? yalo lo ko lo latuhatsa tlogo ea me khosiñ.

¹¹ Ereha gone Daniele o raeañ Meletsare, eo mogolu oa likala o mo laorisetseñ Daniele, le Hananie, le Mishaele, le Asarie, a re,

¹² A ko u leke batlañka benu, ka malatsi a ten; mi a ba re nee merogo go e ya, le metse go a noa.

¹³ Ereha gona a ponalo tsa rona li bonoe ha pele ga gago, le ponalo ea makau a a yeleñ kabelo ea liyo tsa khosi: mi u rihe le batlañka benu kaha u tla bonañ ka gona.

¹⁴ Mi a ba utlua mo seoñ se, a ba leka ka malatsi a ten.

¹⁵ Mi malatsi a ten a sina heta, liponalo tsa bona tsa bonoa li liñtle, le nonno mo nameñ bogolu go makau aotle a a yeleñ kabelo ea liyo tsa khosi.

¹⁶ Yalo Meletsare a tlosa kabelo ea liyo tsa bona, le boyaloa yo ba ko ba bo noa; mi a ba naea merogo.

¹⁷ ¶ Mi Morimo oa naea makau a for a, kico le tlaloganyo mo lokualoñ lotle le botlale: mi oa naea Daniele tlaloganyo ea lipontsisho le litoro cotle.

¹⁸ Mi malatsi a sina heta a, khosi e le ea re ba lerioe ka aona, mogolu oa likala a ba isa ha pele ga Nebukadenetsare.

¹⁹ Mi khosi ea bua nabo; mi gole go si ka ga bonoa ope mo botleñ yaka Daniele, le Hananie, le Mishaele, le Asarie: mi ba ema ha pele ga khosi.

²⁰ Mi kaga lilo cotle tsa botlale le tlaloganyo, tse khosi e li ba boletsañ, ea ba bona ba sita ga ten liñaka le balepi ba linaleri botle ba ba mo bogosiñ yoa eona.

²¹ Mi Daniele a nna le go ea ñuageñ oa ntla oa Korese khosi.