Basiamisi 19 - Bibela ea Boitsépho 1890 (Sechuana Tlhaping - Moffatt Bible)

KHAOLO 19.

¹ MI ga rihala ka metla euo ka gole go sina khosi mo Bayesereleñ, gabo gole Moleva a le moñue eo o tlolatlolañ ha eintleñ tsa thaba tsa Eferaima, eo o la a itsela mogariñuana kua Betalehema‐yuda.

² Mi mogariñuana oa gague a akahala a le go ena, a mo tlogela a ea kua tluñ ea rague kua Betalehema‐yuda, mi a na gona malatsi mañue, eboñ likhueri li for.

³ Mi monona oa gague a nanoga a mo latela go mo khobisa pelu, go mo lere; mi a na le lekau ya gague le liesela li tu: mi mogariñuana a mo isa kua tluñ ea rague, mi erile ra moroetsana a mona, a itumela go khatlana nae.

⁴ Mi mogue oa gague, ra moroetsana, a mo thiba, mi a nna nae ka malatsi a teri: mi ba ya ba noa ba tlola bosigo gona.

⁵ ¶ Mi ga rihala ka tsatsi ya bo‐for, ka ba phakela, le ena a coga go ea; mi ra moroetsana a raea mogue oa gague, Thethebatsa pelu ea gago ka thathana ea señkhue, mi lo ka ea morago ga mouo.

⁶ Mi ba lula, mi ba ya, ba noa mogo. Mi ra moroetsana a raea monona, a re, A ko u beleege, u tlole bosigo, mi a pelu ea gago e natehale.

⁷ Mi erile monona a coga go ea, mogue oa gague a mo emelela: mi a ba a tlola bosigo gona.

⁸ Mi a phakela ka tsatsi ya bo‐faeve go ea: mi ra moroetsana a mo raea, A ko u thethebatse pelu ea gago. Mi ba riega ea tsamaea ga na molebela, mi ba ya mogo.

⁹ Mi erile monona a coga go ea, ena le mogariñuana oa gague, le lekau ya gague, mogue oa gague ra moroetsana, a mo raea, Bona, yana tsatsi le ñotlahaletse matsiboeeñ, a ko u tlole bosigo; bona, tsatsi ya repelela, u tlole bosigo monu, gore pelu ea gago e natehale; mi u phakelele tsela ea gago ka mosho, go ea kua gaeñ ya gago.

¹⁰ Mi monona a gana go tlola bosigo yo, mi a nanoga a ea, mi a hitla go lebagana le Yebusa, o o leñ Yerusalema; le liesela li tu, tse ri belesicoeñ nae, le mogariñuana oa gague nae.

¹¹ Mi erile ba le ha Yebusa tsatsi ya bo le ñotlegile segolu; lekau ya raea muñ oa yeona, A ko re ee re hapogele kua motseñ o oa Bayebusa, re tlole bosigo gona.

¹² Mi muñoague a mo raea, Ga re kake ra hapoga hanu, go ea kua motseñ oa baeñ, o esiñ oa bana ba Yeserele; mi re tla khabaganyetsa Gibea.

¹³ Mi a raea lekau ya gague, A re ee, gore re atamele goñue ga mahelo uale, go tlola bosigo kua Gibea, khotsa kua Rama.

¹⁴ Mi ba khabaganya, ba ea; mi letsatsi le ya ba phirimela ha Gibea oa Benyamina.

¹⁵ Mi ba hapogela gona, go ea go tlola bosigo mo Gibea: mi erile a sina tsena, a lula mo mileñ oa motse, gone gole go sina ope eo o ba culelañ mo tluñ go tlola bosigo gona.

¹⁶ ¶ Mi bonañ, ga tla monona oa mocohe a coa mo tihoñ ea gague kua nageñ ka matsiboea, eo le ena e le le oa thaba tsa Eferaima; mi a tlolatlola kua Gibea: mi bathu ba helo hoñ e le le Babenyamina.

¹⁷ Mi ka a culetsa maitlo a gague, a bona moeti mo mileñ oa motse: mi monona oa mocohe a re, U ea kae? mi u coa kae?

¹⁸ Mi a mo raea, Re coa Betalehema‐yuda, re khabaganyetsa ha eintleñ tsa thaba tsa Eferaima, kua ki ruleñ gona; mi ka ea Betalehema‐yuda, mi yana kia ea kua tluñ ea Yehova; mi ga go ope eo o ’nculelañ mo tluñ.

¹⁹ Mi le gona go motlaka le liyo tsa esela tsa rona; mi go señkhue le boyaloa ga me, le ga lelata ya gago, le ga lekau ye le na le batlanka ba gago: ga go tlokahale sepe.

²⁰ Mi monona oa mocohe a mo raea, A kagisho e ne nau; cotle tse u li tlokañ li ha go ’na; u si tlole bosigo mo mileñ, ki gona gosi.

²¹ Mi a mo isa kua tluñ ea gague, mi a naea esela ea gague liyo; mi ba tlapisa nao tsa bona, ba ya ba noa.

²² ¶ Ka ba sa natetsa pelu tsa bona, bonañ, banona ba motse, banona ba mañkholu bañue, ba rikologa eintlu, ba rutha moyako, ba bua le muñ oa eintlu oa mocohe, ba re, Entsa monona eo o tsileñ mo tluñ ea gago, gore re mo itse.

²³ Mi monona eo, muñ oa eintlu a coela go bona, a ba raea, Nyaea, bana ba ga rre, a ko lo si shulatse; ka monona eo o tsile mo tluñ ea me, si riheñ totsahalo.

²⁴ Bonañ, moroariake oa lekharebe, le mogariñuana oa gague ki ba; bauo ki tla ba entsa yana, lo ba katise, lo ba rihele kaha lo ratañ ka gona: mi si riheleñ monona eo seo se sa totsahalo.

²⁵ Mi banona ba gana go mo retsa: mi monona a cuara mogariñuana oa gague, a mo coisetsa eintle go bona, mi ba mo itse, mi ba riha le ena ka sigo yotle go ea go moshoñ: mi ba mo lesa a ea ka phepahalo.

²⁶ Mi mosari eo a tla ka bosasa, a oela ha pele ga moyako oa eintlu ea monona, ha morena oa gague o gona, ea tsamaea ea na leseri.

²⁷ Mi morena oa gague a coga mo moshoñ, a bula meyako ea eintlu, a coela eintle go ea mo tseleñ ea gague; mi bonañ, mosari mogariñuana oa gague a oetse ha moyakoñ oa eintlu, mi atla tsa gague tsa ba li li mo seri-poriñ.

²⁸ Mi a mo raea, Coga, a re ee. Mi go si ope eo o arabañ. Ereha gona monona o maeañ eseleñ, mi monona eo a nanoga a ea heloñ ga gague.

²⁹ Mi erile a sina hitla kua tluñ ea gague, a tsaea thipa, a cuara mogariñuana oa gague, a mo khabetlela le marapo a gague makhabetlela a le tuelve, a a romela meleloaneñ ea Bayeserela eotle.

³⁰ Mi ga rihala botle ba ba a bonañ, ba re, Gole go si ka ga rihala yalo, le esiñ go bonoa yalo, le ka tsatsi ye bana ba Yeserele ba ruleñ hatsiñ ya Egepeto ka yeona le ka yenu: lo go tsegetse, ikaeleleñ, mi lo bue.