Baroma 6 - Bibela ea Boitsépho 1890 (Sechuana Tlhaping - Moffatt Bible)

KHAOLO 6.

¹ MI yalo re tla reñ? A re tla coelela mo boleoñ, gore tsegohaco e totahale?

² A go si ne yalo. Rona ba re setlashu mo boleoñ, re tla na re tselelañ mo go yona?

³ A ga lo itse ha bokai yoa rona ba ba bapetisericoeñ Yesu Keresete, re bapetisericoe loshu loa gague?

⁴ Ki gona re hitliloeñ nae mo loshuñ ka papetisho; gore, yaka Keresete a cosicoe mo bashuiñ ka khalalelo ea Rra, yalo le rona re cuanetse go tsamaea mo botseloñ yo bosha.

⁵ Gone, ha re le re tlomiloe le ena mo cuanoñ ea loshu loa gague, le gona re tla na mo cuanoñ ea cogo ea gague;

⁶ Ka re itse se, mothu oa bogolugolu oa rona a bapocoe le ena, gore mele oa boleo o nyelerioe, gore re si tlole re rihela boleo.

⁷ Gone eo o shuleñ, o golocoe mo boleoñ.

⁸ Mi yana ha re shule le Keresete, rea rumela ha le gona re tla tsela nae;

⁹ Ka re itse Keresete, ka a cosicoe mo loshuñ, a sa tlole a shua; loshu ga lo tlole lo laola mo go ena.

¹⁰ Gone ka a la a shua, o la a shua ka ntla ea boleo gañue hela; mi ka a tserile, oa tselela Morimoñ.

¹¹ Gontse yalo, le lona lo ikaee ha lo le setlashu rure boleoñ, mi lo tserile Morimoñ ka Yesu Keresete Morena oa rona.

¹² Ki gona a boleo bo si laoleñ mo mebeleñ ea lona e e shuañ, go bo utlua mo khatlegoñ tsa eona.

¹³ Le gona lo si nele boleo litokololo tse lona, go na lilo tsa tsiamololo; mi lo inele Morimoñ, yaka ba ba tserileñ, ba ba ruleñ mo bashuiñ, le go nela Morimoñ litokololo tsa lona go na lilo tsa tsiamo.

¹⁴ Gone boleo ga bo kitla bo lo laola; gone ga lo mo tuoloñ ea molao, lo mo taoloñ ea tsegohaco.

¹⁵ Mi eñ? A re tla leoha, gone re si mo taoloñ ea tsegohaco? A go si ne yalo.

¹⁶ A ga lo itse ha eo lo mo inelañ go na batlañka go mo utlua, lo batlañka ba gague eo lo mo utluañ; leha e le boleo go ea loshuñ, khotsa kutluo go ea tsiamoñ?

¹⁷ Mi a Morimo o itumeleloe, gone leha lo lo le batlañka ba boleo, yana lo utluile ka lipelu sekao sa thuto e lo e necoeñ;

¹⁸ Mi yalo ka lo golocoe mo boleoñ, lo rihegile batlañka ba tsiamo.

¹⁹ Ki bua yaka mokhua oa bathu ka ntla ea thetelelo ea nama ea lona: gone yaka lo netse litokololo tsa lona go na batlañka ba mashue, le tsiamololo go tsiamololo; yanoñ lo nee litokololo tsa lona go na batlañka ba tsiamo go boitsephishoñ.

²⁰ Gone erile lo batlañka ba boleo lo lo sa laoloe ki tsiamo.

²¹ Mi yalo, lo le lo na le louñuo loa eñ mo liloñ tse lo tlayoa ki litloñ kaga cone yana? Gone bokhutlo yoa cona e le loshu.

²² Mi yana ka lo golocoe mo boleoñ, mi lontse batlañka ba Morimo, lo na le louñuo loa lona go boitsephishoñ, le botselo yo bo sa khutleñ mo boheloñ.

²³ Gone lituelo tsa boleo ki loshu; mi neo ea tsegohaco ea Morimo, ki botselo yo bo sa khutleñ, ka Yesu Keresete Morena oa rona.