Bahebera 9 - Bibela ea Boitsépho 1890 (Sechuana Tlhaping - Moffatt Bible)

KHAOLO 9.

¹ KI gona yalo kholagano ea ntla e le ea na le mekhua ea tihelo, le helo ga boitsepho ga lehatse.

² Gone go le go rihiloe taberenakela ea ntla, e e birioañ Helo ga boitsepho, e tlomo sa lobone, le lomati loa boyelo, le liñkhue tsa cupo li le li le mo go eona.

³ Mi kua morago ga setsiro sa bo‐tu, go le taberenakela, e e birioañ Boitsepho yoa maitsepho;

⁴ Yo bo nañ le leisho ya molelo ya gouda, le areke ea kholagano, e manegiloe ntla cotle ka gouda, e seyana sa gouda se se nañ le mana se leñ mo go eona, le tsama ea ga Arone e e le ea tloga, le limati tsa kholagano.

⁵ Mi gabo gole likeruba tsa khalalelo gorimo ga eona, li rutihalela sekhurumelo sa boicuarelo. Tse gasi cuanelo go bua yana ga señue le señue sa cona.

⁶ Mi yana ka lilo tse li le li etlericoe yalo, baperiseti bo ba tsena ka gale go rihatsa litihelo tsa taberenakela ea ntla.

⁷ Mi moperiseti eo mogolu a bo a tsena a le esi mo go ea teñ gañue hela ka ñuaga moñue le moñue, esiñ ka go sina mari, a o a icupelañ le libe tsa bathu:

⁸ Moea oa Boitsepho o shupa ka mouo, ha tsela e e eañ mo heloñ ga boitsepho bogolu e le e si e bonatsege, ka taberenakela ea ntla e sa eme;

⁹ E, e le le secuanco le mo nakoñ enu, e lineo le licupelo tsa tlabo li shupioañ mo go eona, tse ri sa kakeñ tsa itsephisa gotle mo seoñ se se tlokahalañ, kaha segakoloriñ sa gague eo o rihileñ litihelo;

¹⁰ Tse li li na gosi mo liyoñ, le mo linooñ, le mo tlapoñ li sele, le mekhua e e leñ kaho nameñ e e le ea laoleloa go tlo go tsamaee motla oa tlabologo o tle.

¹¹ Mi Keresete ka a tlile, moperiseti oa matsego a a tlañ, ka taberenakela e kholu bogolu ea botlalo, e e sa rihoeñ ka liatla, ki go re, esiñ ea popo e ea lehatse,

¹² A tsena gañue hela mo heloñ ga boitsepho, a riha khololo e e sa khutleñ, esiñ ka mari a lipuri le linamane; mi e le le ka mari a gague.

¹³ Mi yana ekare ha mari a lipoo le a lipuri, le melora ea moroba, e khatsa ba ba sa itsephañ, go itsephisa kaha boitsephishoñ yoa nama;

¹⁴ Bogolu yañ mari a ga Keresete, eo o icupeletseñ Morimo a sina sebata ka Moea o o sa khutleñ, a tla itsephisa ligakolori tsa lona mo litihoñ tse ri shuleñ, gore lo rihele Morimo o o tserileñ!

¹⁵ Mi ki ena moruanyi oa kholagano e nca ka mouo, ka loshu loa gague, e le thekololo ea libe tse ri tsa rihoa mo motleñ oa kholagano ea ntla, gore ba ba biricoeñ, ba bone pulelelo‐pele ea boshua yo bo sa khutleñ.

¹⁶ Gone kua kholagano e gona, loshu loa cupelo e e tlomamisañ lo cuanetse go rihala;

¹⁷ Gone kholagano e tlomamisicoe ki cupelo tse ri shuleñ; ka le mororo e sina thata epe ka cupelo e e e tlomamisañ e sa tserile.

¹⁸ Ki gona yalo, le eona kholagano ea ntla e le e sa tlomamisioe ha e si ka mari.

¹⁹ Gone erile Moshe a sina buisetsa bathu botle taolo cotle kaha molaoñ, a tsaea mari a linamane le a lipuri, ka metse, le boboea yo bohibiru, le hisopa, mi a khatsa buka le bathu botle,

²⁰ A re, A, ki mari a kholagano e Morimo o e lo laoletseñ.

²¹ Le gona taberenakela le liyana cotle tsa tihelo, a li khatsa yalo ka mari.

²² E, goa lopioa ki molao gore go kane lilo cotle li itsephisioa ka mari; mi ga gona boicuarelo bope ha e si ka culolo ea mari.

²³ A ereka licuanco tsa lilo tsa legorimo li cuanecoe go itsephisioa ka mokhua o, le cona lilo tsa legorimo, li cuanetse go itsephisioa ka licupelo tse ri molemo bogolu go tse.

²⁴ Gone Keresete o la a sa ka a tsena mo maheloñ a boitsepho ha go rihiloeñ ka liatla, a e leñ cuano ea a amarure, mi a tsena mo legorimoñ ka yeosi, gore a re bonalele yana ha pele ga Morimo.

²⁵ Le esiñ gore a itihe cupelo ka gantsi, yaka moperiseti eo mogolu a tsena mo heloñ ga boitsepho ka ñuaga moñue le moñue ka mari a sele;

²⁶ Gone ha gontse yalo o ko a bapocoe gantsi le ka tsimologo ea lehatse; mi yana o bonatsegile gañue hela mo bokhutloñ yoa lehatse gore a tlose peco e e cuanetseñ boleo ka cupelo e o icupeleñ ka esi.

²⁷ Gone yaka go laolecoe bathu go shua gañue hela, mi go tle tsekisho morago ga mouo;

²⁸ Yalo Keresete le ena erile ka a sina shupioa gañue hela go tlosa libe tsa bantsi, o tla bonatsegela puluko ea bona ba ba mo lebelelañ, esiñ ka cupelo tsa boleo, mo go tleñ ga gague ga bo‐tu.