Bahebera 13 - Bibela ea Boitsépho 1890 (Sechuana Tlhaping - Moffatt Bible)

KHAOLO 13.

¹ ALORATO loa bokauleñue lo ne.

² Si lebaleñ go cula baeñ; gone bañue ba le ba cula baengele ka go bisa go itse, ka mouo.

³ Gopolañ ba ba mo likholegoñ, yaka lo golegiloe nabo, le ba ba rihecoeñ mashue, yaka le lona lo rihecoe mashue mo meleñ.

⁴ A nyalo e ne tlotlo mo go botle, le bolao yo bo sa leshueharioeñ: mi bagokahari le ba boaka, Morimo o tla ba sekisa.

⁵ A tsamao ea lona e si ne le timano; mi itumeleñ le tse lo nañ naco; gone o reile, Ga ’nkitla ki lo lesa, khotsa go lo tlogela.

⁶ Yalo, re ka re, ka pelukhale, Yehova ki mothusi oa me; mi ga ’nkitla ki boiha se mothu o tla se ’ntihañ.

⁷ Gopolañ bagogi ba lona, ba ba lo reretseñ lehuku ya Morimo; mi lo tsatsie khutlo yoa tsamao ea bona, mi lo etse tumelo ea bona.

⁸ Yesu Keresete e sa le ena mabane, le gompionu, le ka bosina bokhutlo.

⁹ Lo si khuelerioeñ kuanu le kua ki thuto tse ri sa cuaneñ le li sele; gone ki molemo ha pelu e tlomamisioa ki tsegohaco, mi esiñ ka liyo tse ri sinañ molemo go bona ba ba li rihetseñ.

¹⁰ Re na le aletara, e ba ba rihelañ taberenakela ba sa cuaneleñ go ya gaeona.

¹¹ Gone litoto tsa tse ri tserileñ, tse mari a cona a isicoeñ ki moperiseti eo mogolu mo heloñ ga boitsepho go na cupelo ea boleo, li tsa hiserioa kua ntle ga botlaolelo.

¹² Ki gona, Yesu le ena o la a bogiserioa loshuñ kua ntle ga khoro, gore a itsephise bathu ka mari a gague.

¹³ Ki gona, a re coeleñ kua go ena kua ntle ga botlaolelo, re belege likhobo, yaka tsa gague.

¹⁴ Gone hanu ga re na motse oa tlomamo, mi re batla o o tlañ.

¹⁵ Ki gona a re shupeleñ Morimo ka gale cupelo ea pako ka ena, eboñ louñuo loa lipounama tsa rona, go nela leina ya gague maitumelelo.

¹⁶ Mi si lebaleñ go riha molemo le go acuana; gone Morimo o itumelela cupelo tse rintseñ yalo.

¹⁷ Utluañ bagogi ba lona; mi lo ne mo taoloñ ea bona, gone ba risa meoea ea lona, yaka ba ba tla ikarabelañ; gore ba rihe yalo ka boitumelo, esiñ ka bohutsana, gone bo ko bo si molemo go lona.

¹⁸ Re rapeleleñ; gone re ikanya ha re na le ligakolori tse ri molemo, ka re rata go tsamaea ka tsiamo mo liloñ cotle.

¹⁹ Mi kia lo rapela ka tloahalo go riha yalo, gore ki be ki lo neoe ka bonako.

²⁰ Mi yana, Morimo oa kagisho o o bileñ oa cosa Yesu Morena oa rona mo bashuiñ, eo e leñ Morisa eo mogolu oa liñku, ka kholagano e e sa khutleñ,

²¹ A o lo etleleletse tihoñ cotle tse ri molemo, gore lo ko lo rihe thato ea ona; go riha mo go lona se se khatlegañ ha pele ga ona, ka Yesu Keresete, eo khalalelo e ne nae ka bosina bokhutlo yotle. Amena.

²² Gape, kia lo rapela, bakauleñue, iphapanyeñ le lehuku ye ya kaelo; gone ki lo kualetse sekhutsane.

²³ Itseñ, mokauleñue oa rona Timoteo o romiloe, etlare ha a tla ka bonako, ki ee nae go lo bona.

^24-25 Rumerisañ bagogi ba lona botle, le baitsephi botle. Ba Itale ba lo rumerisa. Tsegohaco e ne le lona lotle. Amena.