Bahebera 12 - Bibela ea Boitsépho 1890 (Sechuana Tlhaping - Moffatt Bible)

KHAOLO 12.

¹ KI gona ereka re hocoe ki bontsi yo bogolu yoa bashupi, yalo a re latleñ tse ri bokete cotle, le sebe se se re emelelañ bogolu, mi a re sianeñ ka bocoelelo tsianoñ e re e beecoeñ pele,

² Ka go leba Yesu, Mogogi eo mogolu, le mouetsi oa tumelo ea rona, eo o la a icokela mokhoro, a nyatsa litloñ, ka boitumelo yo o la a bo beecoe pele, mi a lula ha seatleñ se se siameñ sa serulo sa bogosi sa Morimo.

³ Mi yana mo gako’ogeloeñ ena eo o la a icokela khanelo e entseñ yalo ea baleohi, gore lo si ñoriege, le go lapa mo meoeeñ ea lona.

⁴ Mi le yana ga lo e si lo ko lo hemele go mariñ, ka lo ganela le libe.

⁵ Mi lo lebetse kaelo e e buañ le lona yaka bana, go re, Moroaka, u si nyatse likoatlao tsa ga Yehova, le go ñoriega ha a gu buela;

⁶ Gone Yehova o oatlaea eo o mo ratañ, mi o betse moroa moñue le moñue eo a mo culañ.

⁷ Mi ha lo icokela koatlao, Morimo o riha le lona yaka bomoroa; gone moroa ki ohe eo rague o sa mo oatlaeñ?

⁸ Mi ha lo sina koatlao, e e abeloañ botle, yalo lo bana ba likhora, esiñ bomoroa.

⁹ Gape re le ra na le bo‐rra ba nama tsa rona, ba ba le ba re oatlaea, mi re le ra ba ipobola; a ga re kitla re utlua Rra meoea ea rona bogolu, gore re tsele?

¹⁰ Gone rure ba re oatlaile ka motla o mokhutsane, kaha thatoñ ea bona; mi eo, o re oatlaela molemoñ oa rona, gore re ne baaberoi ba boitsepho yoa gague.

¹¹ Mi yana koatlao eotle e cuana yaka ga e itumerise mo motleñ onu, mi e bohutsana; leha gontse yalo e uñua mauñuo a kagisho a tsiamo morago, mo go ba ba e tloaerioañ.

¹² Ki gona, thatahatsañ liatla tse ri bokoa, le mañole a a khuetlañ,

¹³ Mi siamisetsañ litsela nao tsa lona, gore se se tlotsañ se si khuiige, mi gore se hole bogolu;

¹⁴ Latelañ kagisho le bathu botle, le boitsephisho yo, go siñ ope eo o tla bonañ Morena, ha bo sieo:

¹⁵ Ka go leba ka tloahalo, gore go si ne ope eo o tlaeloañ ki tsegohaco ea Morimo; gore mocoe oa botluku o si tloge go lo cuenya, mi bantsi ba leshueharioa ka ona;

¹⁶ A go si ne mogokahari, le eo o sa itsephañ, yaka Esaue, eo o la a bapatsa cuanelo ea gague ea botsalo yoa ntla ka moyo o le moñue hela.

¹⁷ Gone loa itse, kaha erileñ a eletsa go bona letsego morago ga mouo, a ganoa; gone a sa bone bonno yoa phetogo mo go rague, leha a e batla ka likeleri.

¹⁸ Gone ga loa tla go thaba e e ka añoañ, le molelo o o tukañ, le boncu, le lehihi, le moroalela oa maru,

¹⁹ Le go tumo ea terompeta, le koru ea mahuku, a ba ba a utluileñ ba rapetseñ gore lehuku le si tlole le buioa go bona;

²⁰ (Gone ba sa kake ba icokela se se laocoeñ, go re, Le gona ha se se tserileñ se ama thaba se tla khobotlerioa, leha e le go phololerioa ka lerumo.

²¹ Mi se se bonoañ sa bo se boitsega, ga tsamaea Moshe le ena a re, Kia boiha, kia roroma:)

²² Mi lona lo tlile go thaba ea Tsiona; le go motse oa Morimo o o tserileñ, le go Yerusalema oa bogorimo; le go leshomo ya baengele ye le sa baloeñ,

²³ Le go phuthego le ekelesia ea batsaloi ba ntla ba ba kuariloeñ mo magorimoñ; le go Morimo Moatlori oa botle; le go meoea ea basiami ba ba rihiloeñ botlalo;

²⁴ Le go Yesu motseriganyi oa kholagano e nca; le go mari a khaco a a buañ lilo tse ri molemo bogolu go a ga Abele.

²⁵ Itiseñ gore lo si gane eo o buañ le lona; gone ha ba le ba si ka ba halola, ba ba ganañ ena eo o ba tlagisitseñ mo lehatsiñ, re tla reteleloa bogolu ki go halola, ha re ithibosa go ena eo o re tlagisañ a le mo legorimoñ;

²⁶ Eo, koru ea gague e le ea reketlisa lehatse mo motleñ o; mi yana o buleletse pele, oa re, Ki tla roromisa gañue hela, esiñ lehatse yeosi, mi le yeona legorimo.

²⁷ Mi yana huku ye ya Gañue hela, le kaea tlosho ea lilo tse ri reketlisioañ, yaka ea tsa tse ri rihiloeñ, gore go sale lilo tse ri sa reketlisioeñ.

²⁸ Ki gona, ka re bonye bogosi yo bo sa reketlisioeñ, a re tsegetseñ tsegohaco, e re ka rihelañ Morimo ka nateho ka eona, ka bonolo yoa pelu, le poiho ea Morimo;

²⁹ Gone Morimo oa rona ki molelo o o nyeletsañ.