Bagalatia 1 - Bibela ea Boitsépho 1890 (Sechuana Tlhaping - Moffatt Bible)

KHAOLO 1.

¹ PAULO moapostoloi (esiñ oa bathu, khotsa ka bathu, mi ki ka Yesu Keresete, le Morimo Rra, o o mo cositseñ mo bashuiñ),

² Le bakauleñue botle ba ba nañ le ’na, go liekelesia tsa Galatia:

³ Tsegohaco e ne le lona, le kagisho e e coañ Morimoñ Rra, le Yesu Keresete Morena oa rona,

⁴ Eo o ineletseñ libe tsa rona, gore a re shuabole mo hatsiñ yenu ya boshula, kaha thatoñ ea Morimo le Rra oa rona;

⁵ O khalalelo e ne go ona ka bosina bokhutlo yotle. Amena.

⁶ Kia gakhamala ka lo akohile loa hapoga mo go ena eo o lo bileritseñ tsegohacoñ ea ga Keresete, loa leroe evangelioñ e sele;

⁷ E e siñ e sele; mi bañue ba gona ba ba lo huruañ, ba ba ratañ go shokamisa evangelio ea ga Keresete.

⁸ Mi leha e ko e le rona, khotsa moengele eo o coañ legorimoñ, a lo rerela evangelio e sele mo go e re e lo reretseñ, a a rogakoe.

⁹ Yaka re le ra bua pele, ki bile ki bua yana, Ha moñue a lo rerela evangelio e sele, mo go e lo e cutseñ, a a rogakoe.

¹⁰ Gone yana a ki rapela bathu, khotsa Morimo? khotsa a ki batla go khatla bathu? gone ha ki santse ki khatla bathu, ’nkabo ki si motlañka oa ga Keresete.

¹¹ Mi kia lo itsise, bakauleñue, ha evangelio e e reriloeñ ki ’na, e le esiñ kaha mothuñ.

¹² Gone le gona ga kia ka ka e cula mo mothuñ, le go e rutoa, mi e le le ka ponatsisho ea ga Yesu Keresete.

¹³ Gone lo loa utlua ga tsamao ea me e e rileñ pele, eabo ele mo tumeloñ ea Bayuda, kaha ki leñ ka bogisa ekelesia ea Morimo ka gona, mi ka e senya bogolu go lekañoa;

¹⁴ Mi ka coelela pele mo tumeloñ ea Bayuda, bogolu go bantsi ba balekane ba me mo moraheñ oa me, ki tloahaletse mekhua ea bo‐rre ka tloahalelo e kholu.

¹⁵ Mi erile mogañ go khatlañ Morimo, o o ’ntlaotseñ mo sebopeloñ sa ga mme, oa ’mpitsa ka tsegohaco ea ona,

¹⁶ Go bonatsa Moroa ona mo go ’na, gore ki mo rere mo bahaiteniñ; mi ka akoha ka riha yalo, mi ki si ka ka batla khakololo ea bathu;

¹⁷ Mi ga kia ka ka ea kua Yerusalema go bona ba ba le ba le baapostoloi pele ga me; mi ki le ka ea kua Arabia, mi ka ba ka boela Damaseko.

¹⁸ Mi linyaga li teri li sina heta morago ga mouo, ka boela Yerusalema go bona Petero, mi ka tlola nae malatsi a faevten.

¹⁹ Mi ki si ka ka bona ope oa baapostoloi, ha e si Yakobo monna Morena.

²⁰ Lilo tse ki li lo kualelañ yana, bonañ, kia shupa ha pele ga Morimo, ga ki ake.

²¹ Morago ga mouo, ki le ka ea kua mahatsiñ a Siria le a Kilikia;

²² Mi ki si ka ka itsioe ka sehatlogo mo liekelesieñ tsa Yuda tse ri mo go Keresete;

²³ Mi ba le ba utlua hela, ka bathu ba re, Ena eo o kileñ a re bogisa, yana o rera ga tumelo, e e rileñ pele a e senya.

²⁴ Mi ba galaletsa Morimo mo go ’na.