Amose 6 - Bibela ea Boitsépho 1890 (Sechuana Tlhaping - Moffatt Bible)

KHAOLO 6.

¹ GO latlega ba ba iketlileñ mo Tsiona, ba ba thagameñ mo thabeñ ea Samaria, ba ba ntla ba merahe ba, ba ntlu ea Yeserela ba tlañ go bona!

² Khabaganyetsañ Kalena mi lo bone; mi lo coe gona, lo ee Hamata o o mogolu: mi hologelañ Gata oa Bafiliseta: a euo e le le molemo bogolu go magosi a? khotsa meleloane ea eona e megolu bogolu go meleloane ea lona?

³ Go latlega bona ba ba katosetsañ tsatsi ya boshula khakala, le go atametsa serulo sa tsenyo;

⁴ Ba ba namalalañ mo malaoñ a naka tsa litlou, ba ikotlolola mo malaoaneñ a bona, ba ba yañ likuana tsa lecomane, le linamane tse ri nonneñ:

⁵ Ba ba opelelañ tumo ea lisaletare, ba ikhopolela lilo tsa kopelo yaka Davide;

⁶ Ba ba noañ boyaloa likhatsecoñ, ba itlotsa ka loukuane lo lo itseñkecoeñ: mi ga ba hutsahalele thubego ea Yosefa.

⁷ Ki gona ba tla isioañ bacuaroi, le ba ntla ba ba isioañ bacuaroi, mi leshomo ya ba ba ruruetsañ ya bona ba ba ikaegañ le tla tloga.

⁸ ¶ Yehova Morena o ikane ka ena, go bua Yehova Morimo oa lintua, ki khaphahatsa khalalelo ea Bayakoba, ki ila lipaliso tsa bona: ki gona ki tla nelelañ motse, le cotle tse ri go ona.

⁹ Mi go tla rihala ha banona ba ten ba tlogeloa mo tluñ ñue, le bona ba tla shua.

¹⁰ Mi moñue tsala ea mari ea gague e e mo hisañ, e tla mo culetsa, go ntsa marapo mo tluñ; mi e tla raea eo o mo teñ ga ntlu, A moñue o sa na nau? mi o tla re, Ga go ope. Ereha gona o tla reñ, Ririmala: gone ga re kake ra umaka leina ya ga Yehova.

¹¹ Gone bonañ, Yehova o laotse, mi o tla daea ntlu e kholu ka likhagogo, le ntlunyana ka liphatogo.

¹² ¶ A lipitse li ka taboga mo hikeñ? a moñue o ka le lema ka likhomu? gone lo hetotse tsiamisho bogalaka, le louñuo loa tsiamo loñana.

¹³ Lona ba lo itlapelelañ se esiñ sepe, lo re, A ga rea itseela linaka ka thata ea rona?

¹⁴ Gone bonañ, go bua Yehova Morimo oa lintua; ki tla cosetsa morahe kemamoñ le lona, lona ba ntlu ea Yeserela; mi o tla lo patika go simolola ka botseno yoa Hamata go ea kua molapoñ oa sekaka.