Amose 5 - Bibela ea Boitsépho 1890 (Sechuana Tlhaping - Moffatt Bible)

KHAOLO 5.

¹ LONA ba ntlu ea Yeserela, utluañ huku ye ki le culetsañ kaga lona, eboñ sehutsahalelo.

² Lekharebe ya Bayeserela le ole; ga le kitla le tlola le coga: le namaletse mo hatsiñ ya yeona; ga go ope go le topalatsa.

³ Gone go bua yalo Yehova Morena: Motse o o lo oa bolola ka ba uan thousanda o tla sariserioa ba uan hundereda, mi o o lo oa bolola ka ba uan hundereda o tla sariserioa ba ntlu ea Yeserela ba ten.

⁴ ¶ Gone Yehova o raea ba ntlu ea Yeserela yalo, ’Mpatlañ, mi lo tsele:

⁵ Mi si batleñ Beta‐ela, mi si eeñ Gilegala, mi si khabaganyetseñ go Bera‐sheba: gone ba Gilegala ba tla isioa rure bacuaroi, mi Beta‐ela o tla na ga si sepe.

⁶ Batlañ Yehova, mi lo tsele; gore e si re khotsa a tutumela ba ntlu ea Yosefa yaka molelo o o nyeletsañ, mi go si na ope mo Beta‐eleñ eo o o timañ.

⁷ Lona ba lo hetolañ tsiamisho loñana, le go rigela tsiamo ha hatse,

⁸ Matleñ eo o rihileñ Selemela le Oriona, eo o hetolañ moroti oa loshu mosho, a hihihaletsa motsegare bosigo: eo o bitsañ metse a leoatle a a culolela mo hatsiñ: Yehova ki leina ya gague:

⁹ Eo o lereñ tseñyo mo bathatiñ ka coganeco, mi tsenyo ea tla mo kagoñ ea phemelo.

¹⁰ Ba ila eo o buelañ mo khoroñ, ba khaphahatsa eo o buañ ka itekanelo.

¹¹ Ere ka lo gatisa mohumanegi, mi lo tsaea go ena lekhetho ya mabele: leha lo agile matlu ka maye a a betliloeñ, ga lo kitla lo nna go aona; leha lo tlomile masimo a mevina a a eletsegañ, ga lo kitla lo noa boyaloa yoa aona.

¹² Gone kia itse ha litlolo tsa lona li lintsi, le maleo a lona a magolu: ka go pitlaganyetsa mosiami, le go tsaea theleseco, le go haposa batloki mo khoroñ.

¹³ Ki gona batlaloganyi ba tla ririmalañ mo motleñ ouo; gone ki motla oa boshula.

¹⁴ Batlañ molemo, mi esiñ boshula, gore lo tsele: mi yalo, Yehova Morimo oa lintua o tla na le lona, yaka lo bua.

¹⁵ Ilañ boshula, mi ratañ molemo, mi tlomamisañ tsiamisho mo khoroñ: ekare khotsa Yehova Morimo oa lintua o ka na boicuarelo go masalela a Yosefa.

¹⁶ Ki gona go buañ yalo Yehova, Morimo oa lintua, Morena: Litelelo li tla na mo lipatleloñ cotle; mi ba tla re, Au! au! mo mebileñ eotle, mi ba tla biletsa khutsahaloñ barihi‐tsimo; le bona ba ba tlalehileñ mo khutsahaleloñ go lelela.

¹⁷ Mi telelo e tla na mo masimoñ aotle a mevina: gone ki tla ralala gare ga lona, go bua Yehova.

¹⁸ ¶ Go latlega lona ba lo eletsañ tsatsi ya ga Yehova! Tsatsi ya ga Yehova ki eñ go lona? le tla na lehihi, mi esiñ leseri.

¹⁹ Yaka moñue eo o tsabañ tau, mi a khatlana le bera; khotsa eo o tsenañ mo tluñ, a ikaega ha lomoteñ ka seatla, mi noga ea mo loma;

²⁰ A tsatsi ya ga Yehova ga le kitla le na lehihi, mi esiñ leseri; eboñ boncu, phatsimo e sieoñ go yeona?

²¹ Kia ila, kia latla meletlo ea lona, le gona ga ki itumelele malatsi a lona a ithibo.

²² Leha lo ’nteretse cupelo tsa phisho le cupelo tsa lona tsa liyo, ga nkitla ki nateheleloa ki cona: le licupelo tsa lona tsa tebego tsa tse ri nonneñ, ga ’nkitla ki li ñoka.

²³ Tlosañ go ’na tumo ea lihela tsa lona; ki gana go utlua kopelo ea lisaletare tsa lona.

²⁴ Mi a tsekisho e hirikologe yaka metse, le tsiamo yaka kelelo e e thata.

²⁵ A ga loa ka loa isa litlabelo go ’na, cupelo ea liyo ka linyaga li forte kua bogareñganaga, lona ba ntlu ea Yeserela?

²⁶ Leha gontse yalo lo loa belega tenta ea Moleke oa lona le Kiune oa licuanco tsa lona, naleri ea morimo oa lona, o lo o itihetseñ.

²⁷ Ki gona ki tla lo isañ bacuaroi kua pele ga Damaseka, go bua Yehova, Morimo oa lintua, ki leina ya gague.