2 Yohane 1 - Bibela ea Boitsépho 1890 (Sechuana Tlhaping - Moffatt Bible)

KHAOLO 1.

¹ EO mogolu, go mosari eo o itseñkecoeñ, le bana ba gague, ba ki ba ratañ mo boamarureñ; mi esiñ ’na ’nosi, mi le bona botle ba ba itsileñ boamarure;

² Ka ntla ea boamarure yo bo agileñ mo go rona, yo bo tla nañ le rona ka bosina bokhutlo:

³ Tsegohaco, le boicuarelo, le kagisho, a li ne le lona, tse ri coañ Morimoñ Rara, le tse ri coañ mo go Yesu Keresete Morena, Moroa Rara, mo boamarureñ le mo loratoñ.

⁴ Ki le ka itumela segolu ka ki bonye bañue bana ba gago ba ba tsamaeañ mo boamarureñ, yaka re bonye taolo mo go Rara.

⁵ Mi yana, mohumagari, kia gu rapela, esiñ yaka ki gu kualela taolo e nca, mi ki e re le re na naeo le mo tsimologoñ, gore re ratane.

⁶ Mi lorato ki lo, gore re tsamaee kaha taoloñ tsa ona. E ki eona taolo, yaka lo utluile le mo tsimologoñ, gore lo tsamaee mo go eona.

⁷ Gone batsietsi bantsi ba tlile mo lehatsiñ, ba ba sa ipoboleñ ha Yesu Keresete a tlile mo nameñ. Eo, ki motsietsi le moganetsi oa ga Keresete.

⁸ Iponeleñ, gore lo si latlegeloe ki lilo tse re li rihileñ; mi gore re bone tuelo e e tletseñ.

⁹ Moñue le moñue eo o tlolañ, mi a sa nne mo thutoñ ea ga Keresete, ga a na Morimo. Eo o nnañ mo thutoñ ea ga Keresete, eo, o na le Rara le Moroa.

¹⁰ Ha moñue a tla go lona, mi a sa lere thuto e, lo si mo culele mo tluñ ea lona, mi lo si mo ree, Rumela.

¹¹ Gone eo o mo raeañ, Rumela, o na le kabalano le tiho tse ri boshula tsa gague.

¹² Ki na le lilo li le lintsi go li lo kualela, mi ga ki rate go kuala ka pampire le inka; mi ki shuluhela go tla go lona, go bua le lona ka molomo le molomo, gore boitumelo yoa lona bo tlale.

¹³ Bana ba ga monnau, eo o itseñkecoeñ, ba gu rumerisa. Amena.