2 Samuele 7 - Bibela ea Boitsépho 1890 (Sechuana Tlhaping - Moffatt Bible)

KHAOLO 7.

¹ MI ga rihala ka khosi e rutse mo tluñ ea eona, mi ka Yehova a e ikhutsisa mo babeñ ba eona botle tikologoñ;

² Khosi ea raea Natane moperofeti, A ko u bone ki nntse mo tluñ ea mosedara, mi areke ea Morimo e nntse gare ga lilepelelo.

³ Mi Natane a raea khosi, Ea, u rihe cotle tse ri mo peluñ ea gago; gone Yehova o na nau.

⁴ ¶ Mi ga rihala ka sigo youo, huku ya Yehova ya rihalela Natane, ya re,

⁵ Ea, u ree Davide motlañka oa me, Go bua yalo Yehova, A u tla ’nkagela eintlu gore ki nne go eona?

⁶ Gone ga ki e si ki nne mo tluñ epe, go simolola ka tsatsi ye ki le ka entsa bana ba Yeserele Egepetoñ ka yeona, le ka yenu; gone ki sepetse mo tenteñ le mo taberenakeleñ.

⁷ Gotle kua ki sepetseñ le bana ba Yeserele botle gona, a ki le ka bua huku leñue le loñue loa lico tsa Bayeserela, lo ki lo laolelañ go hurisa Bayeserela bathu ba me, ka re, Ga lo ’nkageleleñ eintlu ea mosedara?

⁸ Ki gona, u ree Davide motlañka oa me yalo, Go bua yalo Yehova oa lintua, Ki le ka gu tsaea mo sakaneñ ya liñku, kua morago ga liñku, go na mokaeri oa bathu ba me, eboñ Bayeserela:

⁹ Mi ki le ki na nau gotle kua u lu ua ea gona, mi ki khaotse baba ba gago botle ha pele ga gago, mi ki gu rihile leina ye legolu, yaka leina ya ba bogolu ba ba mo hatsiñ.

¹⁰ Mi ki tla laolela Bayeserela bathu ba me helo, ki ba tloma, gore ba nne mo heloñ ga bona, ba si tlole ba kurubitlega; mi bathu ba tsiamologo ga ba kitla ba hela ba ba katisa, yaka gale,

¹¹ Le ka tsatsi yeuo ki le ka laolela Bayeserela bathu ba me basiamisi ka yeona. Mi uena ki gu ikhutsisitse mo babeñ ba gago botle. Mi Yehova a gu bulelela, ha Yehova o tla gu rihela eintlu.

¹² ¶ Mi malatsi a gago a sina uerioa, mi u robetse le bo‐rago, ki tla emisa moroau hularoñ sa gago, eo o ruleñ mo meleñ oa gago, mi ki tla tlomamisa bogosi yoa gague.

¹³ Ena o tla agela leina ya me eintlu, mi ki tla tlomamisa terone ea bogosi yoa gague ka bosakhutleñ.

¹⁴ Ki tla na rague, mi o tla na moroake. Ha a shokamisa, ki tla muela ka thupa ea mothu, le ka lipeco tsa bana ba bathu:

¹⁵ Leha gontse yalo bopelunomi yoa me ga bo kitla bo mo tlogela, yaka ki le ka bo tlosa go Saule, eo ki mo tlositseñ ha pele ga gago.

¹⁶ Mi ba eintlu ea gago le bogosi yoa gago, bo tla tlomama ha pele ga gago ka bosakhutleñ: kerone ea gago e tla tlomama ka bosakhutleñ.

¹⁷ Mi Natane a bua le Davide kaha mahukuñ aotle ua, le kaha ponaloñ eotle e.

¹⁸ Mi Davide khosi a tsena, a lula ha pele ga Yehova, mi a re, Yehova Morena, ki mañ? mi ba eintlu ea me e bo mañ, ka u ’ntlisitse le go yana?

¹⁹ Mi se e le le se se botlana mo maitloñ a gago, Yehova Morena; mi le gona u buile ga ba eintlu ea motlañka oa gago ua e lolamisetsa khakala. Mi se ki kaha molaoñ oa bathu, Yehova Morena.

²⁰ Mi Davide o tla hela o buañ nau? gone Yehova Morena ua itse motlañka oa gago.

²¹ Gone u rihile lilo tse ri kholu tseuo cotle, go li itsise motlañka oa gago, ka eintla ea lehuku ya gago, le kaha peluñ ea gago.

²² Ki gona Yehova Morimo u mogolu: gone go si ope yaka uena, le esiñ Morimo ha e si uena, kaha cotleñ tse re li utluileñ ka tsebe tsa rona.

²³ Go morahe ohe o le moñue mo lehatsiñ o o cuanañ le Bayeserela bathu ba gago, ba Morimo o lo oa ea go ba ithekololela bathu, le go itaolela leina, le go ba rihela ka lilo tse ri kholu le tse ri boitsegañ mo hatsiñ ya gago, ha pele ga bathu ba gago, ba u ba ithe-kololetseñ mo Egepetoñ, le mo meraheñ le mo merimoñ ea eona?

²⁴ Gone u itlomamiseritse Bayeserela bathu ba gago, go na bathu ba gago ka bosakhutleñ: mi Yehova, u rihegile Morimo oa bona.

²⁵ Mi yana Yehova Morimo, lehuku ye u le buileñ kaga motlañka oa gago, le kaga ba eintlu ea gague, u le tlomamise ka bosakhutleñ, mi riha yaka u buile.

²⁶ Mi a leina ya gago le gorisioe ka bosakhutleñ, gore go tue, Yehova oa lintua e le Morimo oa Bayeserela: mi a ba eintlu ea ga Davide motlañka oa gago ba tlomamisioe ha pele ga gago.

²⁷ Gone Yehova oa lintua, Morimo oa Bayeserela, u kabolotse tsebe ea motlañka oa gago, ua re, Ki tla gu agela eintlu: ki gona motlañka oa gago o bonyeñ mo peluñ ea gague go gu rapela ka morapelo o.

²⁸ Mi yana Yehova Morena, u Morimo ouo, mi mahuku a gago a boamarure, mi u buile molemo o, le motlañka oa gago:

²⁹ Ki gona a go gu natehele yana go tsegahatsa ba eintlu ea motlañka oa gago, gore ba ne ha pele ga gago ka bosakhutleñ: gone Yehova Morena u buile: mi a ba eintlu ea motlañka oa gago ba tsegaharioe ka bosakhutleñ ka tsegahaco ea gago.