2 Samuele 17 - Bibela ea Boitsépho 1890 (Sechuana Tlhaping - Moffatt Bible)

KHAOLO 17.

¹ MI Ahitofele a raea Abesalome, A ko ’me ki itseñkele banona ba tueleve thousanda, mi ki tla nanoga, ki konatelela Davide ka sigo yonu.

² Mi ki tla hitla go ena ka a ñuo-riega le liatla tse ri repileñ, mi ki tla moitsa: mi bathu botle ba ba nañ nae ba tla tsaba: mi ki tla lokotla khosi eosi:

³ Mi ki tla bosetsa bathu botle go uena: monona eo u matlañ, o cuana le poeo ea botle: mi bathu botle ba tla na ka kagisho.

⁴ Mi lehuku ye e le le go siame mo maitloñ a Abesalome, le mo maitloñ a bagolu ba Bayeserela botle.

⁵ Mi Abesalome a re, A ko u bitse le ena Hushe oa Moareka, mi re utlue le ona molomo oa gague.

⁶ Mi Hushe a ea go Abesalome, mi Abesalome a bua le ena, a re, Ahitofele o buile mo gontseñ yalo: a re tla riha yaka kuku ya gague? ha go sa na yalo, a go bue uena.

⁷ Mi Hushe a raea Abesalome, Khakololo e Ahitofele o e gakolotseñ bakeñ senu, ga e molemo.

⁸ Gone, go bua Hushe, Ua itse rago le banona ba gague, ha e le ligañka, mi ba bogalaka yoa moea, yaka bera e e tlakocoeñ liberana kua nageñ: mi rago e le motlabani, mi ga a kitla a tlola le bathu bosigo.

⁹ Bona, o icubile yana mo go goñue ga ligopo, khotsa goñue ga mahelo: mi go tla rihala ha bañue ba oa go bona mo tsimologoñ, ba ba utluañ mo, ba tla re, Go khailo mo bathuñ ba ba salañ Abesalome morago.

¹⁰ Mi le ena eo senatla, eo pelu ea gague e cuanañ le pelu ea tau, o tla tlapologela rure: gone Bayeserela botle ba itse ha rago e le segañka, le bona ba ba nañ nae e le banona ba bonatla.

¹¹ Ki gona ki gakololañ gore Bayeserela botle ba phutheloe rure go uena, go simolola ka Dana le kua Bera‐sheba yaka moshaua o o ha leoatleñ ka bontsi; le uena gore u ee kua tlabanoñ.

¹² Mi re tla hitla go ena mo heloñ goñue ha o tla bonoañ gona, mi re tla mo oela yaka monyo o oelañ ha ombuñ: mi ga go kitla go sala le eo moñue oa banona botle ba ba nañ nae.

¹³ Mi ha a tsenye mo motseñ, ereha gona Bayeserela botle ba tla isañ linti kua motseñ ouo, mi re tla o gogela kua molacoaneñ, e tsamaea lein-cuana le leñue le si kitla le bonoa gona.

¹⁴ Mi Abesalome le banona ba Bayeserela botle, ba re, Khakololo ea ga Hushe oa Moareka e molemo bogolu go khakololo ea ga Ahitofele. Gone Yehova a la a laola go cupuetsa khakololo e e molemo ea ga Ahitofele, gore Yehova a tlise boshula go Abesalome.

¹⁵ ¶ Mi Hushe a raea Tsadoke le Abiatare baperiseti, Ahitofele o la a gakolola Abesalome le bagolu ba Bayeserela yalo le yalo; mi ’na ki gakolotse yalo le yalo.

¹⁶ Mi roma yana ka bonako, lo bulelele Davide lo re, U si tlole ka sigo yonu mo likakeñ tsa bogareganaga, mi khabaganya ka bonako; gore khosi e si merioe, le bathu botle ba ba nañ naeo.

¹⁷ Mi Yonatane le Ahimatse ba ema kua Ena‐rogela; gone ba si kake ba iponatsa ba tsena mo motseñ: mi lelata ya ea ya ba bulelela; mi ba ea ba bulelela Davide khosi.

¹⁸ Leha gontse yalo lekau ya ba bona, ya bulelela Abesalome: mo bo‐tu yoa bona ba ea ka bonako, mi ba hitla kua tluñ ea monona kua Bahurima, eo o nañ le seriba mo loapeñ loa gague; mi ba hologela go shona.

¹⁹ Mi mosari a tsaea a phutholola sekhurumelo ha molomoñ oa seriba, mi a anega mabele a a thugiloeñ go shona; mi se sa itsioe.

²⁰ Mi ka batlañka ba ga Abesalome ba hitlela mosari mo tluñ, ba re, Ahimatse le Yonatane ba kae? Mi mosari a ba raea, Ba khabagantse molacoana oa metse. Mi erile ba ba batla ba si ka ba ba bona, ba boela kua Yerusalema.

²¹ Mi ga rihala ba sina ea, ba coa mo seribeñ, ba ea ba bulelela Davide khosi, mi ba raea Davide, Nanoga, mi lo khabaganye noka ka bonako: gone Ahitofele o gakolotse kaga lona yalo.

²² Mi Davide a nanoga, le bathu botle ba ba nañ nae, mi ba khabaganya Yoredane: mi go si ka ga tlokahala moñue oa bona ka phepahalo ea mosho eo o sa khabaganyañ Yoredane.

²³ ¶ Mi Ahitofele a sina bona ha khakololo ea gague e sa tseoe, a belesa esela, mi a nanoga, a ea kua tluñ ea gague, kua motseñ oa gague, mi a laola kaga eintlu ea gague, mi a ipeta, mi a shua, mi a hitloa mo phupuñ ea rague.

²⁴ Mi Davide a hitla Mahanaima. Mi Abesalome a khabaganya Yoredane, ena le banona botle ba Bayeserela ba na nae.

²⁵ ¶ Mi Abesalome a laolela Amase entua mo boemoñ yoa Yoabe: mi Amase e le le moroa monona, eo leina ya gague e le le Yetere oa Moyeserela, eo o la a tsena mo go Abigaile moroaria Nahashe, khantsaria Tseruye, ma Yoabe.

²⁶ Mi Bayeserela le Abesalome ba tlaolela mo hatsiñ ya Gileada.

²⁷ ¶ Mi ga rihala, ka Davide a hitla Mahanaima, Shobe moroa Nahashe oa Raba oa bana ba Amone, le Makire moroa Amiele oa Lo‐debara, le Baresile oa Mogileada oa Rogelima,

²⁸ Ba isa malao, le liyana, le lilo tsa lecopa, le mabele, le barele, le bupi, le mabele a a besicoeñ, le litloo, le linaoa, le merogo e e besicoeñ,

²⁹ Le linotse, le mashi a a remileñ, le liñku, le likase tsa logamo, ba li isa go Davide, le bathu ba ba nañ nae, go yeoa: gone ba le ba re, Bathu ba tlalegile, ba lapile, ba nyoriloe mo bogareñganaga.