2 Samuele 12 - Bibela ea Boitsépho 1890 (Sechuana Tlhaping - Moffatt Bible)

KHAOLO 12.

¹ MI Yehova a romela Natane go Davide. Mi a hitla go ena, a mo raea, Gabo gole banona ba tu mo motseñ o le moñue; moñue a humile, mi eo moñue a humanegile.

² Eo o humileñ a na la macomane le matlape a mantsintsi:

³ Mi eo o humanegileñ o la a sina sepe, ha e si kuanyana e e namagatsana e le eñue e o la a e reka a e risa: mi ea gola nae le mo baneñ ba gague; e le ea ya ga seyonyana sa gague, ea noa ga senoelo sa gague, ea robala mo hubeñ sa gague, mi ea na go ena yaka moroari e.

⁴ Mi ga tla motsamai go mohumi, mi a rekegela go tsaea ga lecomane ya gague, le ga letlape ya gague, go bakanyetsa moeti eo o mo etetseñ; mi a tsaea kuanyana e e namagatsana ea mohumanegi, a e bakanyetsa monona eo o la a mo etetse.

⁵ Mi bogale yoa ga Davide yoa tukela monona eo segolu; mi a raea Natane, Yaka Yehova a tserile, monona eo o rihileñ seo se o cuanetse go shua:

⁶ Mi a a rebolele kuana e e namagatsana e ka li for, ka a rihile seo se, mi a sa rekegele.

⁷ ¶ Mi Natane a raea Davide, U monona eo. Go bua yalo Yehova Morimo oa Bayeserela, Ki le ka gu tloletsa khosi ea Bayeserela, mi ka gu golola mo atleñ sa ga Saule;

⁸ Mi ka gu naea ba eintlu ea morena oa gago, eboñ basari ba morena oa gago mo hubeñ sa gago, mi ka gu naea ba eintlu ea Yeserele le ba eintlu ea Yude; mi ha e le le bonye, ’nko ki gu okeletsa yalo le yalo.

⁹ U lu u nyaletsañ lehuku ya Yehova, ka go shulatsa mo maitloñ a gague? U bolaile Urie oa Moheta ka caka, mi u tseile mosari oa gague go na mosari oa gago, mi ena, u molaile ka caka ea bana ba Amone.

¹⁰ Ki gona caka ga e kitla e tlogela ba eintlu ea gago ka bosakhutleñ, gone u ’nnyaritse, mi u tseile mosari oa Urie oa Moheta go na mosari oa gago.

¹¹ Go bua yalo Yehova, Bona, ki tla gu coseta boshula mo tluñ ea gago, mi ki tla tsaea basari ba gago ha pele ga maitlo a gago, ki ba naea moñ ka uena, mi o tla lala le basari ba gago ha pele ga letsatsi ye.

¹² Gone u rihile ka bosaitsioeñ, mi ’na ki tla riha seo se ha pele ga Bayeserela botle, le ha pele ga letsatsi.

¹³ Mi Davide a raea Natane, Ki leohetse Yehova. Mi Natane a raea Davide, Yehova o tlositse le shona seleo sa gago; ga u kitla u shua.

¹⁴ Leha gontse yalo, ka u kharise-ritse baba ba Yehova rure ka seo se, le ena mosimane eo o gu tsalecoeñ, o tla shuela rure.

¹⁵ ¶ Mi Natane a ea kua tluñ ea gague. Mi Yehova a daea ñuana eo mosari oa Urie o mo tsaletseñ Davide, mi a bobola segolu.

¹⁶ Mi Davide a batlela ñuana eo Morimo; mi Davide a riha pisho go ya, mi a letse ha hatsi ka bosigo.

¹⁷ Mi bagolu ba eintlu ea gague ba mo nanogela, go mo namolola hatsi: mi a gana, mi a si ka a ya liyo nabo.

¹⁸ Mi ga rihala ka tsatsi ya bo‐seven, ñuana a shua. Mi batlañka ba Davide ba boiha go mulelela ha ñuana a shule: gone ba re, Bonañ, re le ra bua le ena ka ñuana a sa tserile, mi a si ka a retsa koru tsa rona: o tla iculatsa yañ, ha re mulelela ha ñuana a shule?

¹⁹ Mi Davide a bona batlañka ba gague ba beta beta, mi Davide a lemoga ha ñuana a shule: mi Davide a raea batlañka ba gague, A ñuana o shule? Mi ba re, O shule.

²⁰ Ereha gona Davide o namologañ ha hatsi, a itlapisa, a itlotsa, a ananya aparo tsa gague, a tsena mo tluñ ea ga Yehova, a obamela: mi a ea kua tluñ ea gague; mi ka a lopa, ba maea liyo pele, mi a ya.

²¹ Mi batlañka ba gague ba mo raea, Eñ se u se rihileñ? u lu ua riha pisho go ya ua lelela ñuana, ka a sa tserile; mi erile ñuana a sina shua, ua namologa ua ya liyo.

²² Mi a re, Ki le ka riha pisho go ya ka lela ka ñuana a sa tserile: gone ka re, Go itse mañ ha Yehova a ka na boicuarelo go ’na, gore ñuana a tsele.

²³ Mi yana o shule, mi ki rihelañ pisho go ya? a ’nka mosa? Ki tla ea go ena, mi ga a kitla a boela go ’na.

²⁴ ¶ Mi Davide a gomotsa Bata‐shebe mosari oa gague, mi a tsena mo go ena, mi a lala nae: mi a bona mosimane, mi a mo sha leina ya Solomone: mi Yehova a mo rata,

²⁵ Mi a roma ka Natane moperofeti; mi a mo sha leina ya Yedidie, ka Yehova a mo rata.

²⁶ ¶ Mi Yoabe a tlabana le Raba oa bana ba Amone; mi a thopa motse oa bogosi.

²⁷ Mi Yoabe a romela baroñoi go Davide, a re, Ki tlabanye le Raba, mi ki thopile motse oa linoka.

²⁸ Mi yana phutha bathu ba ba setseñ, mi u tlaolelele motse, u o thope: gore e si be khotsa ki thopa motse, mi o birioa ka leina ya me.

²⁹ Mi Davide a phutha bathu botle, a ea Raba, a o tlasela, a o thopa.

³⁰ Mi a tsaea kerone ea khosi mo tlogoñ ea eona, bokete yoa eona e le le talenta ea gouda, le mayana a a rategañ: mi ea roesioa mo tlogoñ ea Davide. Mi a entsa thopo e kholu bogolu ea motse.

³¹ Mi a entsa bathu ba ba go ona, a ba tsenya mo lisetloñ, le mo liphothoñ tsa tsipi, le mo lilepeñ tsa tsipi, mi a ba ralatsa mo tluñ ea peseco ea makote: mi a rihela metse eotle ea bana ba Amone yalo. Mi Davide le bathu botle ba boela kua Yerusalema.