2 Samuele 1 - Bibela ea Boitsépho 1890 (Sechuana Tlhaping - Moffatt Bible)

KHAOLO 1.

¹ MI ga rihala morago ga loshu loa ga Saule, ka Davide a sina boea mo khemethoñ ea Baamaleka, le ka Davide a sina tlola ka malatsi a tu kua Tsikelaga;

² Ga rihala ka tsatsi ya bo‐teri, mi bonañ, ga coa monona mo botlaoleloñ yoa ga Saule, aparo tsa gague li gagogile, le ombu mo tlogoñ ea gague: mi ga rihala ka a hitla go Davide, a oela ha hatsi, mi a ikoba.

³ Mi Davide a mo raea, U coa kae? Mi a mo raea, Ki pherile ki coa mo botlaoleloñ yoa Bayeserela.

⁴ Mi Davide a mo raea, Go rihetseñ? a ko u ’nkakanyetse. Mi a re, bathu ba tsabile tlabano, mi le gona bontsi yoa bathu ba ole, ba shule; mi Saule le Yonatane le bona ba shule.

⁵ Mi Davide a raea lekau ye le mo kakanyeritseñ, U itse yañ ha Saule le Yonatane moroaue ba shule?

⁶ Mi lekau ye le mo kakanyeritseñ, ya re, Ki le ki le ka tihalo mo thabeñ tsa Gileboa, mi bona, Saule a ikaegile mo lerumoñ ya gague; mi bona, licariota le bapalami ba mo hitlela.

⁷ Mi ka a leba kua morago, a ’mpona, mi a ’mpitsa. Mi ka araba, Bona, ki na eo.

⁸ Mi a ’nthaea, U mañ, Mi ka mo araba, ka re, Ki Moamaleka.

⁹ Mi a ’nthaea, A ko u eme ha go ’na, u ’mpolaee: gone therego e ’ncuere, gone ki sa tserile gotle.

¹⁰ Mi ka ema ha go ena, ka molaea, gone ki itsile ha a si kake a tsela a sina go oa: mi ka tsaea kerone e e le le mo tlogoñ ea gague, le mohitsana o o lo le mo cogoñ ya gague, mi ki li tlisitse go morena oa me ha.

¹¹ ¶ Ereha gona Davide o tsaeañ aparo tsa gague a li gagola; le banona botle ba o nañ nabo:

¹² Mi ba hutsahala, ba lela, ba riha pisho go ya go ea matsiboeeñ, kaga Saule, le kaga Yonatane moroaue, le kaga bathu ba ga Yehova, le kaga ba eintlu ea Yeserele; gone ba le ba rigiloe ki caka.

¹³ ¶ Mi Davide a raea lekau ye le mo kakanyeritseñ, a re, U coa kae? Mi ya araba, Ki moroa moeñ, ki Moamaleka.

¹⁴ Mi Davide a le raea, Yañ? a ga ua ka ua boiha go otlolola atla sa gago go senya motlorioi oa ga Yehova?

¹⁵ Mi Davide a bitsa moñue oa makau, mi a re, Atamela u le oele. Mi a le yanya, mi ya shua.

¹⁶ Mi Davide a le raea, A mari a gago a ne mo tlogoñ ea gago; gone molomo oa gago o shupile kaga gago, oa re, Ki bolaile motlorioi oa ga Yehova.

¹⁷ ¶ Mi Davide a hutsahalela Saule le Yonatane moroaue ka khutsahalo e:

¹⁸ (Mi a ba raea gore ba rute bana ba Yude sehela sa Bora: bonañ se kuariloe mo bukeñ ea ga Yashere.)

¹⁹ Khalalelo ea Bayeserela e bolaecoe mo maheloñ a gorimo a gago: ligañka li ole yañ!

²⁰ Si e buleleleñ Gata, si e utluatseñ mo mebileñ ea Ashekelona; gore bomoroaria Bafiliseta ba si itumele, gore bomoroaria bona ba ba sa guerisioañ ba si ruruetse.

²¹ Lona thaba tsa Gileboa, a go si ne monyo le esiñ pula go lona, le esiñ naga tse ri uñuañ cupelo tsa culeco: gone thebe tsa ligañka li latlecoe gona, thebe ea ga Saule, yaka ga a ka a tlorioa ka loukuane.

²² Bora yoa ga Yonatane ga bo ka yoa thibeloa morago mo mariñ a ba ba bolailoeñ, le mo mahureñ a ligañka; mi caka ea ga Saule ga ea ka ea boea lolea.

²³ Saule le Yonatane e le le bara-tegi, le nateho mo tseloñ yoa bona, mi ga ba khaogañoa mo loshuñ loa bona; ba bo ba harima bogolu go manoñ, ba le thata bogolu go litau.

²⁴ Lona bomoroaria Bayeserela, lelelañ Saule, eo o la a lo apesa ka sekarelata, le linateho, eo o la a khabisa aparo tsa lona ka mekhabo ea gouda.

²⁵ Ligañka li ole yañ gareñ ga tlabano! Uena Yonatana u bolaecoe mo maheloñ a gago a gorimo.

²⁶ Yonatana ñoana oa ga rre, ki gu pitlaganyericoe: u lu u le nateho segolu go ’na: rato loa gago e le le lo lo gakhamatsañ bogolu go lorato loa basari.

²⁷ Ligañka li ole yañ, le lilo tsa tlabano li herile yañ!