2 Batesaloni 3 - Bibela ea Boitsépho 1890 (Sechuana Tlhaping - Moffatt Bible)

KHAOLO 3.

¹ YA bohelo, bakauleñue, lo re rapelele, gore huku ya Morena le siane, le galalerioe, yaka lentse mo go lona;

² Gore re gololoe mo bathuñ ba ba sa rulaganyeñ, le bathu ba ba boshula; gone ga ba na boikanyo botle.

³ Mi Morena o boikanyo, eo o tla lo thatahatsañ, le go lo buluka mo go eo o boshula.

⁴ Mi re na le boikanyo kaga lona mo Moreneñ, ha lo riha, mi lo tla riha, lilo tse re li lo laoletseñ.

⁵ Mi Morena a a siamisetse pelu tsa lona mo loratoñ loa Morimo, le mo tebeleloñ ea bopelutelele e e lebelelañ Keresete.

⁶ Mi yana, bakauleñue, rea lo laolela mo ineñ ya ga Yesu Keresete Morena oa rona, gore lo ithibe mo mokauleñueñ moñue le moñue eo o sa tsamaeeñ ka thulaganyo, le esiñ yaka pulelo e o la a e cula go rona.

⁷ Gone loa itse ka losi kaha lo cuanetseñ go re latela ka gona, gone re si ka ra tsamaea ka thuloganyololo mo go lona;

⁸ Mi le gona ga rea ka ra ya señkhue sa ope esiñ ka sepe; mi re le ra riha ka tihelo le tapisho bosigo le motsegare, gore re si imahatse ope oa lona:

⁹ Esiñ gone re sina thata, mi e le le gore re lo itihele sekao gore lo re latele.

¹⁰ Gone le gona erile ka re na le lona, ra le ra lo laolela yalo, Ha moñue a gana go riha, le gona a a si ye.

¹¹ Gone re utlua ha bañue ba tsamaea ka thulaganyololo mo go lona, ba ba sa riheñ sepe, mi ba riha lilo tsa boithamako.

¹² Mi yana bona ba bantseñ yalo, rea ba laola, mi rea ba kaela, ka Yesu Keresete Morena oa rona, gore ba rihe, le go ya señkhue sa bona ka tirimalo.

¹³ Mi lona, bakauleñue, lo si lapisioe ki go riha molemo.

¹⁴ Mi ha moñue a sa utlue lehuku ya rona ka episetole e, mo cuaeeñ, mi si tsalaneñ nae, gore a ne litloñ.

¹⁵ Mi leha gontse yalo, lo si mo kaee yaka maba, mi mo kaeleñ yaka mokauleñue.

¹⁶ Mi yana Morena oa kagisho ka esi a lo nee kagisho ka gale, ka mekhua otle. Morena a ne le lona lotle.

¹⁷ Tumerisho ea me, Paulo, ka atla sa me, se se leñ cupo mo episetoleñ ñue le ñue; ki kuala yalo.

¹⁸ Tsegohaco ea ga Yesu Keresete Morena oa rona e ne le lona lotle. Amena.