2 Batesaloni 2 - Bibela ea Boitsépho 1890 (Sechuana Tlhaping - Moffatt Bible)

KHAOLO 2.

¹ MI yana, bakauleñue, rea lo rapela ka go tla ga Yesu Keresete Morena oa rona, le ka phuthegelo ea rona go ena,

² Gore lo si tsikinyege ka bonako mo boitlomoñ, khotsa go huruioa, le esiñ ka moea, le esiñ ka lehuku, le esiñ ka episetole yaka e coa go rona, yaka ekete tsatsi ya ga Keresete le gauhe.

³ Lo si tsierioe ki ope ka mokhua ope; gone tsatsi ye ga le kitla le tla, ha e sa re pele ga tla tsatsi ya tenego, le mothu oa boleo a bonatsega, eo e leñ moroa tsenyego,

⁴ Eo o khoreletsañ, a ikhorisetsa gorimo ga cotle tse ri birioañ Morimo, khotsa tse ri obameloañ; ga tsamaea a lula yaka Morimo mo tempeleñ ea Morimo, a icupa ha e le ena Morimo.

⁵ Mi a ga lo gakologeloe, ha erile ka ki sa na le lona, ka lo bulelela lilo tseuo?

⁶ Mi yana loa itse se se thibañ, gore a bonatsioe mo motleñ oa gague.

⁷ Gone bosaitsioeñ yoa tsiamololo bo riha le yana; mi ena eo o khoreletsañ, o tla khoreletsa go tlo go tsamaee a tlosioe.

⁸ Mi eriha gona Mosiamolori eo o tla bonatsioañ, eo Morena o tla mo nyeletsañ ka Moea oa molomo oa gague, le go mo senya ka phatsimo ea go tla ga gague;

⁹ Eboñ ena eo, go tla ga gague go leñ kaha tihoñ ea ga Satane, ka thata eotle, le licupo, le likhakhamaco tsa kako,

¹⁰ Le bohelepa yotle yoa tsiamololo, mo go bona ba ba latlegañ; gone ba le ba si ka ba cula lorato loa boamarure, gore ba bulukoe.

¹¹ Mi ki gona ka mouo Morimo o tla ba romelañ timelo e e thata gore ba rumele leaka;

¹² Gore botle ba bona ba latlege ba ba sa rumeleñ boamarure, mi ba le ba na le boitumelo mo tsiamololoñ.

¹³ Mi re cuanetse go lo itumelelela Morimo ka gale, bakauleñue, baratoi ba Morena, ka Morimo o lo itseñkeletse puluko mo tsimologoñ, ka boitsephisho yoa Moea, le ka go rumela boamarure;

¹⁴ Mo, o lo go bileritseñ ka evangelio ea rona, go bona khalalelo ea ga Yesu Keresete Morena oa rona.

¹⁵ Ki gona, bakauleñue, emañ ka tlomamo, mi tsegetsañ lipulelo tse lo li rutiloeñ, leha e le ka lehuku, khotsa ka episetole ea rona.

¹⁶ Mi yana Yesu Keresete Morena oa rona ka esi, le Morimo Rra ecu, eo o re ratileñ, eo o re neileñ khomoco e e sa khutleñ, le culuhelo e e molemo ka tsegohaco,

¹⁷ A gomotse pelu tsa lona, le go lo thatahatsa mo mahukuñ aotle a a molemo le tiho.