1 Yohane 2 - Bibela ea Boitsépho 1890 (Sechuana Tlhaping - Moffatt Bible)

KHAOLO 2.

¹ BANYANA ba me, ki lo kualela lilo tse, gore lo si leohe. Mi ha moñue a leohile, leha e le mañmañ, re na le Mueleri kua go Rra, eboñ Yesu Keresete oa mosiami;

² Mi ki ena thuanyeco ea libe tsa rona, mi esiñ tsa rona cosi, mi le gona ea libe tsa lehatse yeotle.

³ Mi rea itse ha re mo itsile ka mouo, ha re tsegetsa litaolo tsa gague.

⁴ Eo o reñ, Kia mo itse, mi a sa tsegetse litaolo tsa gague, eo ki moaki, mi boamarure ga boeo mo go ena.

⁵ Mi leha e le mañmañ eo o tsegetsañ lehuku ya gague, lorato loa Morimo lo rihaharicoe rure mo go ena; rea itse ha re le mo go ena ka mouo.

⁶ Eo o reñ o agile mo go ena, le ena o cuanetse go tsamaea yaka a la a tsamaea.

⁷ Bakauleñue, ga ki lo kualele taolo e nca, mi ki lo kualela taolo e khologolu, e lo lo na naeo le mo tsimologoñ. Taolo e khologolu ki lehuku ye lo le utluileñ le mo tsimologoñ.

⁸ Ki bile kia lo kualela taolo e nca e e amarure mo go ena, le eona a e ne amarure mo go lona; gone lehihi lea heta, mi yana leseri ya amarure lea phatsima.

⁹ Eo o reñ, o mo seriñ, mi a ila mokauleñue oa gague, eo, o mo hihiñ le go yana.

¹⁰ Eo o ratañ mokauleñue oa gague, o agile mo seriñ, mi ga go khopisho mo go ena.

¹¹ Mi eo o ilañ mokauleñue oa gague, o mo hihiñ, mi o tsamaea mo hihiñ, mi ga a itse kua o eañ gona, gone lehihi le mo hohuharitse maitlo.

¹² Kia lo kualela, banyana, gone libe lo li icuarecoe ka ntla ea leina ya gague.

¹³ Kia lo kualela, bo‐rra, gone lo mo itsile eo o mo tsimologoñ. Kia lo kualela, makau, gone lo hentse oa boleo. Kia lo kualela, banyana, gone lo itsile Rra.

¹⁴ Ki lo kualetse, bo‐rra, gone lo mo itsile eo o mo tsimologoñ. Ki lo kualetse, makau, gone lo thata, mi huku ya Morimo le agile mo go lona; mi lo hentse oa boleo.

¹⁵ Si rateñ lehatse, leha e le lilo tse ri mo lehatsiñ. Ha moñue a rata lehatse, lorato loa Rra ga loeo mo go ena.

¹⁶ Gone cotle tse ri mo lehatsiñ, eboñ keleco ea nama, le keleco ea maitlo, le mabela a botselo, ga si tsa Rra, mi ki tsa lehatse.

¹⁷ Lehatse lea heta, le keleco ea yeona, mi eo o rihañ thato ea Morimo o sala ka bosina bokhutlo.

¹⁸ Banyana, ki motla oa bohelo, mi yaka lo utluile ha moganetsi oa ga Keresete a tla tla, le yana baganetsi ba ga Keresete ba bantsi; mi rea itse ha motla oa bohelo o tlile ka ntla ea bona.

¹⁹ Ba le ba coa mo go rona, mi e le e si ba rona; gone ha e le le ba rona, ba kabo ba sa agile le rona; mi tse ri rihetse, gore go bonatsege ha e le e si ba rona botle.

²⁰ Mi lo na le tloco ea Moitsephi, mi lo itse lilo cotle.

²¹ Ga kia lo kualela gone lo sa itse boamarure, mi gone loa bo itse, gone go si na maka mo boamarureñ.

²² Moaki emañ ha e se ena eo o latolañ ha Yesu e le Keresete? Moganetsi oa ga Keresete ki ena eo o latolañ Rara le Moroa.

²³ Moñue le moñue eo o latolañ Moroa, eouo ga a na Rara; mi eo o ipobolañ Moroa, o na le ena Rara.

²⁴ Se lo se utluileñ ka tsimologo, a se ne mo go lona. Etlare ha se lo se utluileñ ka tsimologo se nna mo go lona, le lona lo tla nna mo go Moroa le mo go Rara.

²⁵ Mi e ki eona pulelelo‐pele e o e re buleletseñ pele, eboñ botselo yo bo sa khutleñ.

²⁶ Lilo tse ki li lo kualetse kaga bona ba ba lo tsietsañ.

²⁷ Mi kaga lona, tloco e lo e bonyeñ mo go ena, e nna mo go lona, mi ga lo tloke go rutoa ki ope; mi yaka tloco ea gague e lo ruta ga lilo cotle, mi e le amarure, mi esiñ maka, mi yaka e lo rutile, nnañ mo go ena.

²⁸ Mi yana, banyana, nnañ mo go ena; gore ere mogañ o bonatsegañ, re ne le boikanyo, mi re si tlayoe ki litloñ ha pele ga gague mo go tleñ ga gague.

²⁹ Ha lo itse ha e le ena eo o siameñ, loa itse ha moñue le moñue eo o rihañ tsiamo, a tsecoe mo go ena.