1 Timoteo 5 - Bibela ea Boitsépho 1890 (Sechuana Tlhaping - Moffatt Bible)

KHAOLO 5.

¹ U SI buele thata monona oa mogogaie, mi mo kaele yaka rra; le makau yaka bakauleñue;

² Basari ba bagogaie yaka bo‐mma; le basari ba meroba yaka bakhantsari, ka boitseko yotle.

³ Tlotla batlolagari, ba e leñ batlolagari rure.

⁴ Mi ha motlolagari a na le bana, khotsa bana ba bana, a ba ithute pele go riha poihomorimo mo gae, le go ruela bagolu ba bona; gone seuo ki molemo le nateho ha pele ga Morimo.

⁵ Yana eo e leñ motlolagari rure mi a tlogecoe esi, o ikanya Morimo, mi o na mo merapeloñ e e thata, le mo merapeloñ, bosigo le motsegare.

⁶ Mi eo o tselañ mo tlapeloñ, o shule ka a sa tserile.

⁷ Mi lilo tse u li laolele, gore ba si ne molatu.

⁸ Mi ha moñue a sa tlamele ba gague, bogolu bona ba ntlu ea gague, eo, o itatotse tumelo, mi o behile bogolu go eo o sa rumeleñ.

⁹ Motlolagari a a culoe mo paloñ, ha nyaga tsa gague li si li potlana go li sekeste, eo e le le mosari oa monona a le moñue hela,

¹⁰ A na le cupo ea tiho tse ri molemo; ha a gorisitse bana, ha a thusitse baeñ, ha a tlapisitse nao tsa baitsephi, ha a thusitse ba ba bogisicoeñ, ha a latetse tiho tse ri molemo cotle ka tloahalo.

¹¹ Mi u gane batlolagari ba makau; gone etlare ba gana taolo ea ga Keresete, ba tla nyala;

¹² Ba na le tsekisho, gone ba nyeleritse boikanyo yoa ntla yoa bona.

¹³ Mi le gona ba ithuta pouruhalo, ba timelela mo tluñ ñue le go e ñue; mi esiñ pouruhalo eosi, mi le gona ki baruni ba mahuku, barihi ba boithamako, ba bua lilo tse ba sa li cuanelañ.

¹⁴ Ki gona ki ratañ gore batlolagari ba makau ba nyaloe, ba belege bana, le go laola ntlu, esiñ go naea maba lobaka loa go bua ka khalo.

¹⁵ Gone le yana bañue ba rapametse morago ga Satane.

¹⁶ Ha monona moñue khotsa mosari eo o rumelañ a na le batlolagari, a a ba thuse, mi a ekelesia e si imaharioe: gore e thuse bona ba e leñ batlolagari rure.

¹⁷ Bagolu ba ba laolañ seiñtle a ba kaioe go cuanela tlotlo e e tlatlaganyeñ, bogolu bona ba ba rihañ mo hukuñ le mo thutoñ.

¹⁸ Gone lokualo loa re, Ga u kitla u boha molomo oa khomu e e holañ mabele. Mi, morihi o cuanecoe ki tuelo ea gague.

¹⁹ U si cule tatuhaco kaga eo mogolu, ha e si ha pele ga bashupi ba tu khotsa ba teri.

²⁰ Ba ba leohañ ba buele ha pele ga botle, gore ba bañue le bona ba boihe.

²¹ Kia gu laolela ha pele ga Morimo, le Yesu Keresete Morena, le baengele ba ba itseñkecoeñ, gore u ele lilo tse tloko, esiñ ka tsekiseco pele, le esiñ go riha sepe ka tlaolo.

²² U si bee moñue liatla ka bonako, le gona u si abelanoe mo libeñ tsa bathu ba bañue; u ipuluke mo boitsekoñ.

²³ U si tlole u coelela pele go noa metse aosi, mi tsaea boyaloa bo le bonye ka ntla ea mogoru oa gago, le makoa a gago a mantsi.

²⁴ Libe tsa bathu bañue li bonatsegela pele, li etelela pele go ba sekisa, mi ba bañue lia ba latela.

²⁵ Gontse yalo, tiho tse ri molemo tsa bañue le cona li bonatsegela pele; mi tse ri ka go sele ga li kake tsa shuyoa.