1 Likhosi 13 - Bibela ea Boitsépho 1890 (Sechuana Tlhaping - Moffatt Bible)

KHAOLO 13.

¹ MI bonañ, monona oa Morimo a coa mo Yudeñ a ea Beta‐ela ka huku ya ga Yehova: mi Yeroboame a bo a eme ha aletareñ go hisa ensense.

² Mi a biletsa go aletara ka lehuku ya ga Yehova, a re, Aletara, aletara, go bua yalo Yehova; Bona, ñuana o tla boneloa ba eintlu ea ga Davide, leina ya gague e tla bo e le Yosie: mi o tla tlabela baperiseti ba mahelo a a gorimo go uena ba ba hisañ ensense go uena, mi marapo a bathu a tla hiserioa go uena.

³ Mi a naea seshupo ka tsatsi yeno, a re, Seshupo se Yehova o se buileñ ki se; Bonañ, aletara e tla gagoga, mi molora o o go eona o tla culoga.

⁴ ¶ Mi ga rihala ka Yeroboame khosi a utlua lehuku ya monona oa Morimo ye o le biletsañ go aletara kua Beta‐ela, a otlolola atla sa gague mo aletareñ, a re, Mo cuare. Mi atla sa gague se o se mo otlololetseñ, sa omelela, mi a si kake a se gona.

⁵ Mi aletara ea gagoga, mi molora oa culoga mo aletareñ, kaha seshupoñ se monona oa Morimo o la a se naea ka lehuku ya Yehova.

⁶ Mi khosi ea bua, ea raea monona oa Morimo, A ko u rapele Yehova Morimo oa gago, mi u ’nkokotlelele, gore ki be ki gone atla sa me. Mi monona oa Morimo a rapela Yehova, mi atla sa khosi sa gonegela go eona, sa na yaka gale.

⁷ Mi khosi ea raea monona oa Morimo, Tla le ’na kua gae, mi u ithe-thebatse, mi ki tla gu naea tuelo.

⁸ Mi monona oa Morimo a raea khosi, Leha u ko u ’nnaea eintla eñue ea eintlu ea gago, ga nkitla ki ea nau, ga ’nkitla ki ya liyo, le go noa metse heloñ ha:

⁹ Gone ki laolecoe yalo ki lehuku ya Yehova, ya re, U si ye liyo, le esiñ go noa metse, mi u si boee ka tsela e u ileñ ka eona.

¹⁰ Mi a ea ka tsela e eñue, mi a si ka a boea ka tsela e o la a ea go Beta‐ela ka eona.

¹¹ ¶ Mi ga bo go nntse moperofeti eo o cohetseñ kua Beta‐ela; mi bomoroaue ba tla ba mulelela tiho cotle tse monona oa Morimo o li rihileñ ka tsatsi yeuo kua Beta‐ela: le mahuku ua a la a bua le khosi, ba a bulelela rabo.

¹² Mi rabo a ba raea, O ile ka tsela ehe? Gone bomoroaue ba le ba bona tsela e monona oa Morimo o la a ea ka eona, eo o la a coa mo Yudeñ.

¹³ Mi a raea bomoroaue, ’Mpelesetsañ esela. Mi ba melesetsa esela: mi a pagama go eona,

¹⁴ A latela monona oa Morimo, mi a mona a rutse tlatse ga moterebenta: mi a mo raea, A u monona oa Morimo, eo o la a coa mo Yudeñ? Mi a re, Ki ’na.

¹⁵ Ereha gona o mo raeañ, Tla le ’na kua gae, u ye liyo.

¹⁶ Mi a re, Ga ’nkake ki boea nau, le esiñ go ea nau: mi ga ’nkitla ki ya liyo, le esiñ go noa metse nau mo heloñ ha:

¹⁷ Gone ki reiloe ki huku ya ga Yehova, ya re, U si ye liyo, le go noa metse gona, le esiñ go boea ka tsela e ua ea ka eona.

¹⁸ Mi a mo raea, Le ’na ki moperofeti yaka uena; mi moengela a bua le ’na ka lehuku ya ga Yehova, a re, Mosetse nau kua tluñ ea gago, gore a ye liyo, a noe metse. A mo aketsa.

¹⁹ Mi a boea nae, a ya liyo mo tluñ ea gague, a noa metse.

²⁰ ¶ Mi ga rihala ka ba rutse ha loyeloñ, lehuku ya Yehova ya rihalela moperofeti eo o mosetseñ:

²¹ Mi a biletsa go monona oa Mo-timo eo o la a coa mo Yudeñ, a re, Go bua yalo Yehova, Ereka u cuulotse molomo oa ga Yehova, u si ka ua tsegetsa taolo e Yehova Morimo oa gago o e go laoletseñ,

²² Mi u boile, u yele liyo, ua noa metse heloñ ha o gu reileñ ga gona, a re, U si ye liyo le go noa metse; serepa sa gago se si kitla se tla go phupuñ ea bo‐rago.

²³ ¶ Mi ga rihala a sina go ya liyo, le go noa, a belesetsa moperofeti eo o mositseñ esela.

²⁴ Mi a ea koñ, mi tau ea mona ha tseleñ, ea molaea: mi serepa sa gague sa namalala mo tselen, mi esela ea ema ha go shona, tau le eona ea ema ha serepeñ.

²⁵ Mi bonañ, banona ba heta, ba bona serepa se namaletse mo tseleñ, le tau e eme ha serepeñ: mi ba tla ba bulela mo motseñ ha moperofeti eo o cohetseñ o nntseñ gona.

²⁶ Mi eare moperofeti eo o la a mosa mo tseleñ a utlua, a re, Ki ena monona oa Morimo eo o la a cuulola molomo oa ga Yehova: ki gona Yehova o mo neileñ tau, e e mo robileñ ea molaea, kaha hukuñ ya Yehova ye o le mo reileñ.

²⁷ Mi a bua le bomoroaue, a re, ’Mpelesetsañ esela. Mi ba belesa.

²⁸ Mi a ea a bona serepa sa gague se namaletse mo tseleñ, mi esela le tau li eme ha serepeñ: tau e si ka ea ya serepa, le esiñ go roba esela.

²⁹ Mi moperofeti a culetsa serepa sa monona oa Morimo, a se baea mo eseleñ, a se bosa: mi moperofeti eo o cohetseñ a tla mo motseñ, go hutsahala le go se hitla.

³⁰ Mi a baea serepa sa gague mo phupuñ ea gague: a mo hutsahalela, a re, Au, ñoana oa ga rre!

³¹ Mi ga rihala a sina mo hitla, a bua le bomoroaue, a re, Mogañ ki shuañ, lo ’mphitle mo phupuñ e monona oa Morimo o hitliloeñ go eona, mi baeañ marapo a me ha marapoñ a gague:

³² Gone lehuku ye o la a le biletsa go aletara e e kua Beta‐ela, le matlu aotle a mahelo a a gorimo a a mo metseñ ea Samaria ka lehuku ya Yehova le tla rihala rure.

³³ ¶ Morago ga tihalo e Yeroboame a si ka a boea mo tselen ea gague ea boshula, mi a hela a riha baperiseti ba mahelo a a gorimo ka bathu hela: leha e le mañmañ eo o ratañ, a mo nela, mi a na oa baperiseti ba mahelo a a gorimo.

³⁴ Mi seo se sa rihalela ba eintlu ea ga Yeroboame boleo, go ba khaola, le go ba senya mo hatsiñ yeotle.