1 Batedaloni 5 - Bibela ea Boitsépho 1890 (Sechuana Tlhaping - Moffatt Bible)

KHAOLO 5.

¹ MI, bakauleñue, ga go tlokahale gore ki lo kualele ga metla le lipaka.

² Gone ka losi loa itse ka botlalo, ha tsatsi ya Morena le tla tla yalo yaka legoru bosigo.

³ Gone etlare mogañ ba reñ, Go kagisho, ga go na poitsego; eriha gona tsenyego ea bonako e tla tlañ go bona, yaka pelego e tla mo mosariñ eo o ithueleñ; mi ga ba kitla ba halola.

⁴ Mi lona, bakauleñue, ga lo mo hihiñ, ha tsatsi ye le ka lo hitlela yaka legoru.

⁵ Lona lotle lo bana ba leseri, le bana ba letsatsi; ga re ba bosigo, leha e le ba lehihi.

⁶ Ki gona a re si robaleñ yaka ba bañue; mi a re riseñ, le go na tekano.

⁷ Gone ba ba robalañ, ba robala bosigo; mi ba ba tagiloeñ ba tagiloe bosigo.

⁸ Mi rona ba re leñ ba letsatsi, a re ne tekano, re apare thebe ea sehuba ea tumelo, le ea lorato; lo eona culuhelo ea puluko go na helemeta.

⁹ Gone Morimo go oa re laolela bogaleñ, mi ki go bona puluko ka Yesu Keresete Morena oa rona,

¹⁰ Eo o re shuetseñ, gore, leha re cogile, khotsa re robetse, re tsele mogo le ena.

¹¹ Ki gona gomotsanyañ, mi agelelanañ, yaka le lona lo riha.

¹² Mi, bakauleñue, rea lo rapela, itseñ bona ba ba rihañ mo go lona, ba ba lo lebalebañ mo Moreneñ, ba ba lo kaelañ;

¹³ Go ba kaea segolu mo loratoñ, ka ntla ea tiho tsa bona mo go lona. Nañ kagisho mo go lona.

¹⁴ Mi yana, bakauleñue, rea lo rapela, tlagisañ ba ba sa rulaganyeñ, gomotsañ ba ba sa nametsegeñ, thusañ ba ba bokoa; nañ bopelutelele mo go botle.

¹⁵ Lo bone gore go si ne ope eo o lehelañ eo moñue boshula ka boshula; mi latelañ se se molemo ka gale, mo go lona ka losi, le mo go bona botle.

¹⁶ Itumeleñ ka gale.

¹⁷ Rapelañ ka go bisa go khutla.

¹⁸ Lo itumelele mo liloñ cotle; gone mo, e le thato ea Morimo kaga lona, mo go Keresete Yesu.

¹⁹ Si timeñ Moea.

²⁰ Si nyatseñ lithuto.

²¹ Lekañ lilo cotle; tsegetsañ se se molemo.

²² Ithibeñ mo go cotle tse ri cuanañ yaka boshula.

²³ Mi Morimo oa kagisho ka osi, a o lo itsephise gotle; gore matselo aotle a lona, le meoea, le mebele, e bulukoe, ka go sina molatu, mo go tleñ ga Yesu Keresete Morena oa rona.

²⁴ Ona o o lo bitsañ o boikanyo; o le ona o tla riha yalo.

²⁵ Bakauleñue, lo re rapelele.

²⁶ Rumerisañ bakauleñue botle ka katlo ea boitsepho.

²⁷ Kia lo ikanisa ka Morena, gore episetole e, e buiserioe bakauleñue botle ba boitsepho.

²⁸ Tsegohaco ea ga Yesu Keresete Morena oa rona e ne le lona. Amena.