1 Batedaloni 4 - Bibela ea Boitsépho 1890 (Sechuana Tlhaping - Moffatt Bible)

KHAOLO 4.

¹ MI gape, bakauleñue, rea coelela go lo rapela, le go lo kaela ka Yesu Morena, yaka lo cutse mo go rona kaha lo cuanetseñ go tsamaea le go khatla Morimo, rea re, lo ne lo tote bogolu bogolu.

² Gone loa itse taolo tse re li lo neileñ ka Yesu Morena.

³ Gone thato ea Morimo ki e, eboñ itsephisho ea lona, gore lo ithibe mo khokahaloñ;

⁴ Gore moñue le moñue oa lona a itse go buluka mele oa gague mo boitsephishoñ le mo tlotloñ;

⁵ Esiñ mo likhatlegoñ tsa boshula yaka bahaitene, ba ba sa itseñ Morimo;

⁶ Gore go si ne ope eo o thobelañ le go tsietsa mokauleñue oa gague mo seoñ se, gone Morena e le moshulosi oa botle ba bantseñ yalo, yaka le rona re lo buleletse pele ra lo itsise.

⁷ Gone Morimo ga oa re biletsa go tse ri mashue, mi o re bileritse boitsephishoñ.

⁸ Ki gona eo o nyatsañ mo, ga a nyatse mothu, mi ki Morimo, o o re neileñ Moea oa Boitsepho oa ona.

⁹ Mi ga lorato loa bakauleñue, ga go tlokahale gore ki lo kualele; gone Morimo o lo rutile ka losi go ratana.

¹⁰ Mi lo lo rihela rure bakauleñue botle ba ba mo Makedonia yeotle; mi, bakauleñue, rea lo rapela gore lo tote bogolu;

¹¹ Mi gore lo tloahale go ririmala, le go riha lilo tsa lona cosi, le go riha ka atla tsa lona, yaka re le ra lo laola;

¹² Gore lo tsamaee mo tsiamoñ ha go bona ba ba kua ntle, gore lo ne lo sa tloke sepe.

¹³ Mi, bakauleñue, ga ki rate gore lo si itse kaga bona ba ba robetseñ, gore lo si hutsahale, yaka bañue ba ba sinañ culuhelo.

¹⁴ Gone, ha re rumela ha Yesu a shule a ba a coga, gontse yalo bona ba ba robetseñ mo go Yesu, Morimo o tla ba lere nae.

¹⁵ Gone se rea se lo bulelela ka huku ya Morena, ha rona ba re tserileñ le go salela go tla ga Morena, re si kitla re coelela pele ga bona ba ba robetseñ.

¹⁶ Gone Morena ka esi o tla hologa mo legorimoñ, ka pico, le ka koru ea moengele eo mogolu, le ka terompeta ea Morimo; mi bashui ba ba shuetseñ mo go Keresete ba tla coga pele;

¹⁷ Eriha gona rona ba re tserileñ, ba re setseñ, re tla culerioañ mogo le bona mo maruñ, go khatlantsa Morena mo loapiñ; mi yalo re tla na le Morena ka bosina bokhutlo.

¹⁸ Ki gona gomotsanyañ ka mahuku auo.