1 Batedaloni 2 - Bibela ea Boitsépho 1890 (Sechuana Tlhaping - Moffatt Bible)

KHAOLO 2.

¹ GONE lona, bakauleñue, loa itse ka losi, go tsena ga rona mo go lona, ha e le e si lehela;

² Mi leha pele re le ra bogisioa, ra riheloa ka litloñ, kua Filipi, yaka lo itse, re le ra na pelukhale mo Morimoñ oa rona go bua evangelio le lona ka khañ e kholu.

³ Gone kaelo ea rona e le e si ea timeco, le esiñ ea limpe, le esiñ ea tsieco;

⁴ Mi yaka re le ra lekoa ki Morimo gore re ikanyelerioe evangelio, yalo rea bua, esiñ go cuana le go khatla bathu, mi e le go khatla Morimo o o lekañ pelu tsa rona.

⁵ Gone ga re e si re ke re bue mahuku a pakisho ka motla ope, yaka lo itse, le esiñ ka seipato sa timano; Morimo ki moshupi;

⁶ Le esiñ go batla tlotlo mo bathuñ, le esiñ mo go lona, leha e le mo go ba sele, leha re kabo re lo imaharitse yaka baapostoloi ba ga Keresete.

⁷ Mi re le ra na pelunomi mo go lona, yaka moamusi a otla bana ba gague;

⁸ Ka re le ra lo tlologeleloa segolu yalo, re le ra rata go lo abela, esiñ evangelio ea Morimo eosi, mi le eona meoea ea rona, gone lo lo ratega go rona.

⁹ Gone, bakauleñue, loa gopola tiho le tapisho tsa rona; gone re le ra riha bosigo le motsegare, gore re si imahatse ope oa lona, ra lo rerela evangelio ea Morimo.

¹⁰ Lona lo bashupi, le Morimo, kaha re le ra tsamaea ka gona mo go lona ba lo rumelañ, ka boitsepho, le tsiamo, le mo go sinañ molatu;

¹¹ Yaka lo itse kaha re le ra kaela, ra gomotsa, le go shupetsa moñue le moñue oa lona ka gona, yaka Rra mo baneñ ba gague,

¹² Gore lo tsamaee go cuanela Morimo o o lo bileritseñ bogosiñ yoa ona, le mo khalaleloñ ea ona.

¹³ Mi ki gona le gona re itumelelañ Morimo ka go bisa go khutla, gone, erile lo sina cula lehuku ya Morimo ye lo le utluileñ go rona, lo si ka loa le cula yaka huku ya bathu, mi yaka le le ka amarure yeona lehuku ya Morimo, ye le rihañ rure le mo go lona ba lo rumelañ.

¹⁴ Gone lona, bakauleñue, lo loa na balateri ba liekelesia, tse ri mo Yudea, tse ri mo go Keresete Yesu, gone le lona lo bogisericoe lilo tse rintseñ yalo ki ba morahe oa lona, yaka le bona mo Bayudiñ;

¹⁵ Ba ba bolaileñ Yesu Morena, le baperofeti ba bona, mi ba re bogisitse; mi ba sa khatle Morimo, mi ba emalana le bathu botle;

¹⁶ Ba re itsa go bua le bahaitene gore ba bulukoe, gore ba tlaleletse libe tsa bona ka gale. Mi bogale yoa Morimo bo tlile mo go bona ka bogolu bogolu.

¹⁷ Mi rona, bakauleñue, ka re gagocoe go lona mo meleñ ka motla o mo khutsanyane, esiñ ka pelu, re tloahetse bogolu bogolu go bona hatlogo tsa lona ka keleco e kholu.

¹⁸ Ki gona re ko re ea go lona, E, ’na Paulo, gañue le gape; mi Satane o la a re khoreletsa.

¹⁹ Gone culuhelo ea rona ki ehe, khotsa boitumelo, khotsa seroalo sa bogosi sa pelahalo? A ga si lona ha pele ga Yesu Keresete Morena oa rona mo go tleñ ga gague?

²⁰ Gone lo khalalelo le boitumelo yoa rona.