1 Batedaloni 1 - Bibela ea Boitsépho 1890 (Sechuana Tlhaping - Moffatt Bible)

KHAOLO 1.

¹ PAULO, le Silevano, le Timoteo, go ekelesia ea Batesaloni e e mo Morimoñ Rra, le mo go Yesu Keresete Morena: Tsegohaco e ne le lona, le kagisho e e coañ Morimoñ Rra ecu, le Yesu Keresete Morena.

² Rea itumelela Morimo ka gale ka ntla ea lona lotle, re lo gopola mo merapeloñ ea rona;

³ Re gopola ka go bisa go khutla tiho ea tumelo ea lona, le tihelo ea lorato, le bopelutelele yoa culuhelo mo go Yesu Keresete Morena oa rona, ha pele ga Morimo le Rra ecu;

⁴ Ka lona bakauleñue ba ba rategañ, lo itse boitseñkelo yoa lona Morimoñ.

⁵ Gone evangelio ea rona e le le mo go lona, esiñ ka mahuku hela, e le le mo thateñ, le mo Moeeñ oa Boitsepho, le mo kitsishoñ e kholu; yaka lo itse kaha re le rentse ka gona mo go lona ka ntla ea lona.

⁶ Mi lo loa na balateri ba rona, le ba Morena, ka lo lo cutse lehuku mo pogishoñ e kholu, ka boitumelo yoa Moea oa Boitsepho;

⁷ Ga tsamaea loa na likao go bona botle ba ba rumelañ mo Makedonia, le Akaia.

⁸ Gone lehuku ya Morena le rule go lona ya tumela esiñ mo Makedonia le Akaia gosi; mi le gona tumelo e lo rumelañ Morimoñ ka eona, e halaletse mo maheloñ aotle, ga tsamaea re si ka ra tlola re itsise sepe.

⁹ Gone le bona ba bulela ga rona ka bosi, kaha go tsena ga rona mo go lona go le gontse ka gona; le kaha lo loa tlabologela Morimoñ lo coa merimon ea liseto ka gona, go rihela Morimo o o tserileñ le oa amarure;

¹⁰ Le go lebelela Moroa ona a coa mo magorimoñ, eo o lo oa mo cosa mo bashuiñ, eboñ Yesu, eo o re gololañ mo bogaleñ yo bo tla tlañ.