1 Bakorinta 5 - Bibela ea Boitsépho 1890 (Sechuana Tlhaping - Moffatt Bible)

KHAOLO 5.

¹ GO bulelecoe botle ha khokahalo e mo go lona, le khokahalo e e kalo e e sa buioeñ mo bahaiteniñ, ha moñue a ka nyala mogatsa rague.

² Mi a lo santse lo burologile? mi a ga lo hutsahale bogolu, gore a tlosioe mo go lona, eo o rihileñ tiho e?

³ Gone rure leha ki sieo mo go lona ka mele, mi ki na le lona mo moeeñ, ki sekisitse gale ena eo o rihileñ tiho e yaka ekete ki le ki le gona,

⁴ Ha lo phuthega mo ineñ ya ga Yesu Keresete, le moea oa me, le thata ea Yesu Keresete Morena oa rona,

⁵ Go nelela Satane eo ontseñ yalo, go na tsenyo ea nama, gore moea o bulukoe mo motleñ oa ga Yesu Morena.

⁶ Pelahalo ea lona ga ea siama. A ga lo itse ha seberisho se se botlana se berisa kholokue ea señkhue eotle?

⁷ Ki gona tlosañ seberisho sa bogolugolu, gore lo ne kholokoe e nca, yaka lo sa berisioe: gone le eona Tlolaganyo ea rona re e tlabecoe, eboñ Keresete;

⁸ Ki gona a re bulukeñ moriho, esiñ ka seberisho sa bogolugolu, leha e le ka seberisho sa bogale yoa cubo, le sa boleo; mi a o ne ka go bisa go berisioa ga tsiamo, le boamarure.

⁹ Ki lo kualetse mo episetoleñ, gore lo si tlakane le bagokahari:

¹⁰ Esiñ gotle le bagokahari ba lehatse yenu, khotsa le batimani, khotsa le bapatiki, khotsa le bariheri ba merimo ea liseto; ha gontse yalo lo kabo lo cuanetse go coa mo lehatsiñ.

¹¹ Mi yana ki lo kualetse gore lo si tlakane le moñue eo o birioañ mokauleñue ha e le mogokahari, khotsa motimani, khotsa moriheri oa merimo ea liseto, khotsa mokhari, khotsa motagoi, khotsa mopatiki; mi lo si ye le eo ontseñ yalo.

¹² Gone ki rihañ go sekisa le ba ba kua ntle, mi a ga lo sekise ba ba kua teñ?

¹³ Mi ba ba kua ntle, ba sekisioa ki Morimo. Ki gona tlosañ mothu eo oa boleo go lona.