1 Bakorinta 14 - Bibela ea Boitsépho 1890 (Sechuana Tlhaping - Moffatt Bible)

KHAOLO 14.

¹ LATELAÑ lorato, mi tloahalelañ lineo tsa moea, mi bogolu gore lo rute.

² Gone eo o buañ ka puo e sele, ga a bue le bathu, mi e le go Morimo, gone ga go ope eo o e tlaloganyañ; mi mo moeeñ o bua lilo tse ri sa itsioeñ.

³ Mi eo o rutañ, o bua le bathu kagelelo, le kaelo, le khomoco.

⁴ Eo o buañ ka puo e sele, oa ikagelela; mi eo o rutañ oa agelela ekelesia.

⁵ Ki rata gore lotle lo bue ka puo li sele, mi bogolu gore lo rute; gone go mogolu bogolu eo o rutañ mo go eo o buañ ka puo li sele, ha a sa li phutholole, gore ekelesia e bone kagelelo.

⁶ Mi yana bakauleñue, ha ’nka tla go lona ki bua ka lipuo li sele, ’nko ki lo rihela molemo ohe, ha ki sa bue le lona ka ponatsego, khotsa ka kico, khotsa ka go rera, khotsa ka thuto?

⁷ E, le cona tse ri sa tseleñ, tse ri nañ le kuruane, leha e le phare, khotsa harepe, ha li sa lomologane melori, go tla itsioe yañ se se loricoeñ, khotsa se se operisicoeñ mo harepeñ?

⁸ Gone, ha terompeta e nela molori o sele, mañ eo o tla iketleletsañ tlabano?

⁹ Yalo le lona, ha lo sa bue ka puo mahuku a a tlaloganyetsegañ, go tla tlalogañoa yañ se se buioañ? gone lo tla na yaka ba ba buañ mo loapiñ.

¹⁰ Go le, yaka go ka rihala, likoru li lintsi li sele mo lehatsiñ, mi ga go epe ea cona e e sinañ se e se kaeañ.

¹¹ Ki gona ha ki sa itse kaelo ea koru, ki tla na mobarabai go ena eo o buañ, le eo o buañ o tla na mobarabai go ’na.

¹² Yalo le lona, ka lo tloahaletse neo tsa moea, ki gona batlañ gore lo site go agelela ekelesia.

¹³ Ki gona, a eo o buañ ka puo e sele, a rapele gore a phutholole.

¹⁴ Gone ha ki rapela ka puo e sele, moea oa me oa rapela, mi tlaloganyo ea me ga e na louñuo.

¹⁵ Ana se eñ? Ki tla rapela ka moea, mi ki tla rapela le ka tlaloganyo; ki tla opela ka moea, mi ki tla opela le ka tlaloganyo.

¹⁶ Ha gontse yalo, ha u itumelela ka moea, eo o mo boemoñ yoa eo o sa rutoañ, o tla re Amena yañ mo boitumeleloñ yoa gago, ka a sa itse se u se buañ?

¹⁷ Gone u itumelela rure ka tsiamo, mi eo moñue ga a ageleloe.

¹⁸ Ki itumelela Morimo oa me ka ki bua ka lipuo li sele bogolu mo go lona lotle:

¹⁹ Leha gontse yalo ki rata bogolu go bua mahuku a le mafaev ka tlaloganyo ea me mo ekelesieñ, gore ki rute le ba bañue, bogolu go bua mahuku a ten thousanda ka puo e sele.

²⁰ Bakauleñue, lo si ne bana mo tlaloganyoñ: mi lo ne banyana mo boshuleñ, mi lo ne banona mo tlaloganyoñ.

²¹ Go kuariloe mo molaoñ, Ki tla bua le bathu ba ka ba lipuo li sele, le lipounama li sele: leha gontse yalo ga ba kitla ba ’nkutlua, go bua Yehova.

²² Ki gona yalo lipuo li sele, e leñ cupo, esiñ go bona ba ba rumelañ, e le go ba ba sa rumeleñ; mi thuto e le cupo, esiñ go ba ba sa rumeleñ, e le go ba ba rumelañ.

²³ Ki gona ha ekelesia eotle e phuthegela mogo, mi botle ba bua ka puo li sele, mi go tsena ba ba sa rutoañ, khotsa ba ba sa rumeleñ, a ga ba kitla ba re, loa tsenoa?

²⁴ Mi ha botle ba ruta, mi go tsena moñue eo o sa rumeleñ, khotsa eo o sa rutoañ, eo o lemotsioa ki botle, mi o sekisioa ki botle;

²⁵ Mi yalo lilo tse ri sa itsioeñ tsa pelu ea gague li senosioe; mi yalo o tla oa ka sehatlogo sa gague, a obamela Morimo, mi a bulela ha Morimo o le mo go lona ka amarure.

²⁶ Gontse yañ, bakauleñue? ha lo tla mogo, moñue le moñue oa lona a na le pesalem, a na le thuto, a na le puo e sele, a na le ponatsego, a na le puthololo. A lilo cotle li riheloe kagelelo.

²⁷ Mi ha moñue a bua ka puo e sele, a e ne esiñ bogolu go ba tu khotsa ba teri, ka phapano; mi moñue a phutholole.

²⁸ Mi ha go si na mophutholori, a a ririmale mo ekelesieñ; a a ithee, le Morimo, a a bue le ona.

²⁹ A baperofeti ba bue ka bo‐tu, khotsa bo‐teri, mi ba bañue a ba harologanye.

³⁰ Mi ha moñue eo o rutseñ gona a bonatsegecoe ki señue, a oa ntla a ririmale.

³¹ Gone lo ka ruta lotle, ka tatelano, gore botle ba ithute, le gore botle ba gomorioe.

³² Mi meoea ea baperofeti, e utlua baperofeti.

³³ Gone Morimo ga si Morimo oa tlakanyo, mi e le oa kagisho, yaka mo liekelesieñ cotle tsa baitsephi.

³⁴ A basari ba lona ba ririmale mo liekelesieñ; gone ba sa leselerioe go bua; mi a ba ne mo kutloñ ea taolo yaka le ona molao o bua.

³⁵ Mi ha ba rata go ithuta señue, a ba botse banona ba bona kua gae; gone e le mashue ha basari ba bua mo ekelesieñ.

³⁶ A lehuku ya Morimo le rule mo go lona? khotsa a le tlile go lona losi?

³⁷ Ha moñue a itloma a le moperofeti, khotsa oa moea, a a ipobole ha lilo tse ki li lo kualelañ, ki litaolo tsa Morena.

³⁸ Mi ha moñue a sa itse, a a si itse.

³⁹ Ki gona, bakauleñue, tloahalañ go ruta, mi si khoreletseñ go bua ka lipuo li sele.

⁴⁰ A lilo cotle li rihale ka tlotlo, le thulaganyo.