1 Bakorinta 11 - Bibela ea Boitsépho 1890 (Sechuana Tlhaping - Moffatt Bible)

KHAOLO 11.

¹ NAÑ balateri ba me, yaka le ’na ki le oa ga Keresete.

² Mi yana, kia lo baka, bakauleñue, ka lo ’nkhopola mo liloñ cotle, mi lo buluka lipulelo yaka ki li lo neile.

³ Mi ki rata gore lo itse ha Keresete e le tlogo ea monona moñue le moñue; mi monona e le tlogo ea mosari; mi Morimo e le tlogo ea ga Keresete.

⁴ Monona moñue le moñue eo o rapelañ khotsa go ruta, a na le señue mo tlogoñ, o tlotlolola tlogo ea gague.

⁵ Mi mosari moñue le moñue eo o rapelañ khotsa go ruta ka tlogo e e sa roesioeñ, o tlotlolola tlogo ea gague: gone go cuana hela yaka a ko a beocoe.

⁶ Gone ha mosari a sa roesioe, le gona a a beoloe, mi ha e le mashue go mosari go kutoa, khotsa go beoloa, a a roesioe tlogo.

⁷ Gone monona a a si roale mo tlogoñ, ka e le ena secuano le khalalelo ea Morimo; mi mosari e le khalalelo ea monona.

⁸ Gone monona e si oa mosari; mi mosari e le oa monona.

⁹ Gone monona a sa bopeloe mosari; mi mosari o bopecoe monona.

¹⁰ Ki gona ka mouo mosari o cuanetse go na le taolo mo tlogoñ, ka ntla ea baengele.

¹¹ Leha gontse yalo, monona, ga a kake a na a sina mosari, le mosari ga a kake a na a sina monona, mo Moreneñ.

¹² Gone yaka mosari e le oa monona, gontse yalo monona, le ena, ki ka mosari; mi lilo cotle li coa Morimoñ.

¹³ Atlolañ ka losi; a go goiñtle ha mosari a rapela Morimo a sa roale?

¹⁴ Khotsa temalo le eona a ga e lo rute, ha monona a na le moriri o molele, e le litloñ go ena?

¹⁵ Mi ha mosari a na le moriri o molele, e le khalalelo go ena; gone moriri o o neiloe, go na seroalo.

¹⁶ Mi ha moñue a na yaka moganetsi, ga re na temalo e entseñ yalo, le esiñ cona liekelesia tsa Morimo.

¹⁷ Mi yana se ki se lo raeañ, ga ki lo bake, gone ga lo phuthegele molemo oa lona, e le pehisho.

¹⁸ Gone, ga ntla, ha lo phuthegela mo ekelesieñ, ki utlua ha likhaogano li le mo go lona; mi kia rumela ka ntla ñue.

¹⁹ Gone mashomo le aona a cuanetse go na mo go lona, gore ba ba siameñ ba bonatsege mo go lona.

²⁰ Ki gona ha lo phuthega mogo mo heloñ go le goñue, ga si go ya selalelo sa Morena.

²¹ Gone ka go ya, moñue le moñue oa cula selalelo sa gague pele; mi moñue a utlua tlala, mi eo moñue o khotse.

²² A ga lo na matlu go ya le go noela gona? khotsa a lo nyatsa ekelesia ea Morimo, mi a lo tlabisa litloñ ba ba si nañ sepe? Ki tla lo raeañ? A ki tla lo baka? Ga ki lo bake mo seoñ se.

²³ Gone ki bonye mo Moreneñ se le shona ki se lo neileñ, Ha Yesu Morena a la a cula señkhue mo sigoñ yo o okiloeñ ka yona;

²⁴ Mi ka a sina itumelela, a se roba, mi a re, Culañ, lo ye; se ki mele oa me, o o lo robeloañ; rihañ mo, lo ’nkhopole ka gona.

²⁵ Gontse yalo a cula senoelo, morago ga go ya selalelo, mi a re, Senoelo se ki kholagano e nca mo mariñ a me; rihañ mo, ka gale, ha lo se noa, go ’nkhopola ka gona.

²⁶ Gone ka gale, ha lo ya señkhue se, le go noa senoelo se, e bo yalo lo bulela loshu loa Morena a tla a tsamaee a tle.

²⁷ Ki gona leha e le mañmañ eo o tla yañ señkhue se, le go noa senoelo sa Morena, ka go bisa go cuanela, o tla na molatu mo meleñ le mo mariñ a Morena.

²⁸ Mi a mothu a ipotsise, mi yalo a ye ga señkhue se, le go noa ga senoelo.

²⁹ Gone eo o yañ a noa ka go bisa go cuanela, oa ya oa inoela tsekisho, a sa harologanye mele oa Morena.

³⁰ Ki gona ka mouo go leñ bantsi ba bokoa, le ba ba bobolañ mo go lona, mi bantsi ba robetse.

³¹ Gone ha re itsekisa, yalo ga re kitla re sekisioa.

³² Mi ha re sekisioa, yalo re berioa ki Morena, gore re si sekisioe le lehatse.

³³ Ki gona, bakauleñue ba me, ere ha lo phuthegela go ya, letanañ.

³⁴ Mi ha moñue a le tlala, a a ye kua gae, gore lo si be lo phuthegela tsekisho. Mi tse ri setseñ, ki tla li rulaganya ki sina tla.